Soopu 18

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Ḿpʋ́ɣʋ́ Suhɑ tʋ Pilitɑ tɔmɑ sɩ:

²Wɑɑtʋ wei kɛ́ ɩ́ kɑ su yɔɣɔtɑɣɑ, nɑ ɩ́ kpɑɣɑ lǝmɑɣɑsɛɛ. Ɩlɛnɑ tǝ́ yɔɣɔtɩ tɔm kʋpɑntʋ.

³Ɩ́ sumɑ sɩ Soopu ɩ́ nyǝnɩ-tʋɣʋ heeŋ suwe? Pepe tɔɔ kɛ́ ɩ nyǝnǝɣɩ-tʋɣʋ kʋmɛlɛmǝŋ?

⁴Soopu ɩsɩɩ n huɣutuɣu lotu kɛ mpʋ nɑ pɑ́ɑ́nɑ́ tɔ, n hʋʋ sɩ nyɑ́ tɔɔ kɛ́ pǝ lɔ tɛtʋ nɑ kʋkpɑmǝŋ kpɛsɩ nɑ ɩ́ lɑɣɑsɩ lonɑ nɑ?

⁵Ɩsɑɣɑʋ tǝyɑɣɑ tɑɑ kɔkɔ kɑ te kɛ́ nɑ kɑ nyɑlǝmǝlɛ mʋkɩ.

⁷Ɩsǝnɑ ɩ kɑ tɔŋɑɣɑnɑ nɑɑni tɔ pɩɩ pɑsɑ. Ɩlɛnɑ ɩ mɑɣɑmɑɣɑ ɩ tɑɑ lɑɣɑtʋ nɑ́ɑ́ yele nɑ ɩ́ hoti.

⁸Mpi tɔ, puluɣu tɑɑ kɛ́ ɩ nɔɔhɛɛ tiiwɑ, nɑ ɩ́ tɔŋ kʋ kpɑlɑhuuŋ tɔɔ.

⁹Kɑtɔkɑ kɑ́ kpɑ ɩ nɔntɑɑlʋɣʋ nɑ kɑ ŋmɩɩsɩ nɑ́ɑ́ hɔkɔ-ɩ.

¹⁰Puluɣu pimɑ ɑtɛɣɛ, nɑ kʋnyǝpǝm kɛ ɩ mpɑɑʋ tɑɑ.

¹¹Sɔɣɔntʋ sɔsɔɔntʋ kpɑɑ-ɩ nɑ pɑɑ timpiɣi, nɑ tǝ́ tǝŋǝɣɩ-ɩ nɔɔhǝlɛ nɔɔhǝlɛ.

¹²Pɑɑ ɩ kɑ kɛ́ toŋ tʋ, nyɔɣɔsɩ kɑ́ lɩɩ-ɩ kɛ́ nɑ ɩ́ sʋʋ kʋnyɔŋ tɑɑ.

¹³Kʋtɔŋ ɩsɑɣɑʋ tɔɣɔ ɩ nɑntʋ kɛ pǝ kpɑɣɑʋ ɩ niŋ nɑ ɩ nɔɔhɛɛ tǝnɑ tɔ.

¹⁴Pɩɩ lǝsɩ-ɩ nɑ toŋ kɛ ɩ tɛ́ timpi ɩ cɑɣɑnɑ nɑɑni tɔ, nɑ pǝ́ ponɑ-ɩ sǝtɑɑ wulɑʋ tɛ́.

¹⁵Ɩ tǝyɑɣɑ tɑ kɛ ɩ nyǝŋkɑ tɔtɔ, yʋlʋ pǝsǝɣɩ nɑ ɩ́ sʋʋ kɑ tɑɑ. Pɑ ŋmɩɩsɑ kɑ tɑɑ kɛ́ kɔkɔ mɑmɑcǝɣǝlɑsɩ.

¹⁶Ɩlɛnɑ ɩ́ pǝsɩ ɩsɩɩ tʋɣʋ sǝkʋɣʋ too kʋ lilɑ nɑ pǝ́ yoosinɑ kʋ piliŋɑsɩ tɔ.

¹⁷Ɩ hǝtɛ kɑ́ sɑɑlɩ tɛtʋ tǝnɑ tɑɑ. Nɔɣɔlʋ kɑɑ tɔɔsɩ ɩ tɔɔ.

¹⁸Pɑɑ lǝsɩ-ɩ nyɑɑlǝm tɑɑ nɑ ɩ́ sʋʋ sǝkpɛtʋɣʋ tɑɑ, nɑ pɑ́ tɩɩ lǝsɩ-ɩ tɛtʋ.

¹⁹Ɩ kɑɑ yele pǝyɑɣɑ, yɑɑ lʋlʋɣʋ tʋ, yɑɑ pǝ́ kɑɑsɩ nɔɣɔlʋ nɑ ɩ ɩsɛ kɛ ɩ tǝcɑɣɑlɛ.

²⁰Ilim tǝlɩɩlɛ, nɑ pǝtǝtʋlɛ nyǝ́mɑ kɑ́ nɩɩ ɩ wɑkǝlʋɣʋ tɔm, nɑ pǝ́ sʋsɩ-wɛɣɛ wɑtʋ.

²¹Ɩsǝnɑ kʋtɑkɛɛsǝŋ tɛɛsɩ kɑ́ tɛɛsǝnɑ tɔɣɔlɛ. Mpɑ pɑ tɑ nyɩ Ɩsɔ tɔ pɑ lonte ntɛ́.