Soopu 30

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Ḿpʋ́ɣʋ́ Soopu tɑsɑɑ sɩ: Amɑ nɔɔnɔɔ ɩlɛ, piyɑ woŋiɣinɑ-m. Pɑɑ nyɑŋnɑ mɑ kpɑtǝlɑɣɑ. Pǝyele pɑ cɑɑnɑɑ tɑɑ tɑlɑ sɩ, mɑ́ tʋ-wɛɣɛ hɑsɩ nsi sɩ feŋiɣi mɑ kɑlǝkǝŋ tɔ sɩ tɑɑ.

²Pepeɣe pɑ toŋ wɑɑsǝɣɩ? Anɩ pɑ kɑɑ tɩɩ pǝsɩ nɑ pɑ́ kpɑtǝlɩ.

³Nyɔɣɔsɩ, nɑ lɑŋʋɣʋ pɩɩ-wɛ, nɑ pɑ́ tɛ tɑɑsɩ, nɑ pɑ́ seeki lonɑ nnɑ pǝ kpiisɑ too lɔŋ nɑ ɑ wʋlɑɑ tɔ, ɑ tɑɑ.

⁴Pɑ kpɛsǝɣɩ tuusi hɑtʋ kɛ hotisi kilɑ. Pɑ tɔɣɔnɑɣɑ ntɛ́ pɑ tɛ tiikɑsɩ nɑsǝlɩ sɩ lilɑ.

⁵Pɑ tɔɣɔnǝɣɩ-wɛɣɛ yǝlɑɑ tɑɑ, nɑ kokoole, ɩsɩɩ ŋmɩɩlɑɑ.

⁶Pɑ tǝcɑɣɑlɛ ntɛ́ tɛtɛkɑ sɔsɔɔnɑ kʋtemiŋ tɛɛ, nɑ pɛɛ tɛɛ, nɑ kʋkpɑmǝŋ pɔɔŋ tɑɑ.

⁷Sɔwɑ hotisi tɛɛ kɛ́ pɑ mɑwɑ tǝtim tǝtim, nɑ yǝlɑɑ nɩɩkɩ pɑ wulɑ.

⁸Pɑ kɛ́ tɛtɛlɑtɑɑ, nɑ nyɔɔŋ fɛɩnɑɑ, nɑ pɑ́ tɔɣɔnǝɣɩ-wɛɣɛ tɛtʋ tɑɑ.

⁹Nɔɔnɔɔ mɑɣɑ pɑ cɑkǝnɑ, nɑ pɑ́ yookinɑ-m yontu.

¹⁰Pɑ tɑɑ kpɑɑkǝnɑ-m nɑ pɑ́ hɑɑkɩ-m siɣile, hɑlɩ pɑ́ tɔɔkɩ-m ntɑɣɑmɑ.

¹¹Ɩsɔ pɑsɑ-m nɑ ɩ́ mǝŋnɑ-m ɑtɛ. Ɩlɛnɑ pɑ́ kpisi pɑ tɩ kpɑʋ, nɑ pɑ́ nyǝnǝɣɩ-m yem.

¹²Mɑ ntɔɣɔŋ tɔɔ kɛ́ pɑ kʋlǝɣɩ. Pɑ tʋɣʋ-m kɑtɔsɩ sɩ pɑ́ pɛtɩ-m nɑ pɑ́ pɛɛkǝɣɩ mpɑɑʋ sɩ pɑ́ hiki-m nɑ pɑ́ wɑkǝlɩ-m.

¹³Pɑ tǝkɑ mɑ mpɑɑʋ nɑ pɑ́ lʋkɩ mɑ wɑkǝlʋɣʋ. Nɔɣɔlʋ ɩɩ sǝŋnɑ-wɛ.

¹⁴Pɑ tɑpɑɣɑ ɩsɩɩ pʋ́ʋ́ɣʋ́ sɔsɔɔʋ kɛ pɑ sʋʋnɑɑ, nɑ pɑ́ kpɛtǝlǝɣɩ tǝmɑɣɑ tɑmpɑnɑ tɔɔ.

¹⁵Sɔɣɔntʋ kpɑɑkɩ-m kɛ́ nɑ pǝ́ kpiisi mɑ teeli ɩsɩɩ heelim. Mɑ nyʋɣʋ yɑpʋ ńɑ sɑlɑɑ, ɩsɩɩ ɩsɔŋmʋntʋ.

¹⁶Nɔɔnɔɔ mɑ weesuɣu cɑɑkɩ lɩɩʋ kɛ́, mɑ wɛ wɑhɑlɑ kʋyɛɛŋ tɑɑ.

¹⁷Pǝ sɑ́lǝ́ɣɩ́ mɑ mʋwɑ tɑɑ kɛ́, pɑɑ ɑhoo mɑ́ɑ́ hɛɛsǝɣɩ wʋsɑsɩ.

¹⁸Ɩsɔ kpɑ mɑ toko tɑɑ nɑ tomɑ, nɑ ɩ lǝlɑ mɑ cɑpɑ luɣu tɛɛ.

¹⁹Ɩ lɔɣɔ-m ɑfǝlɑ tɑɑ. Mɑ pǝsɑ tɔlʋmɑ nɑ mʋsʋɣʋ.

²⁰Ɩsɔ mɑ yɑɑkɩ-ŋ, nn sɑŋ cɔʋ. Pǝyele n sǝŋɑ mɑ kɔŋkɔŋ tɑɑ, nn tɩɩ nyǝnǝɣɩ-m.

²¹N tʋɣɩ-m kʋnyɔŋ nɑ pǝtɔɔtǝlɛ fɛɩ, n cɔɔsǝɣɩ-m nɑ nyɑ́ toŋ.

²²N yelɑɑ nɑ heelim sɔsɔɔm kpɑɣɑ-m. N yelɑɑ nɑ mɑ seliɣi kɑcuculɑɣɑ sɔsɑɣɑ tɑɑ.

²³Mɑ nyǝmɑ́ teu sɩ sǝm tɛɣɛ ń pukinɑ-m. Weesiŋ nyǝ́mɑ tǝpote ntɛ́.

²⁴Ye yʋlʋ cɑɑkɩ lepu, ɩɩ tɛkǝɣɩ niŋ? Wei ɩ wɛ wɑhɑlɑ tɑɑ tɔ, ɩɩ wiiki nɑ ɩ́ yɑɑ sɩ pɑ́ sǝnɑ-ɩ?

²⁵Mɑ wiikɑɣɑ wɑhɑlɑ nyǝ́mɑ tɔɔ kɛ́, nɑ mɑ́ wɛnɑ kʋnyɔntʋnɑɑ pǝtɔɔtǝlɛ.

²⁶Tǝcɑɣɑnɑʋ, nɑ nyɑɑlǝm kɛ mɑɑ tɑŋɑɑ. Ɩlɛnɑ sǝkpɛtʋɣʋ nɑ wɑhɑlɑ nɑ́ɑ́ mɑɣɑnɑ-m.

²⁷Wɑhɑlɑ kʋyɛɛŋ tutuɣu-m kɛ́, nɑ mɑ lɑɑkɑlɩ pǝsǝɣɩ kʋtɑmsɑ.

²⁸Ye mɑ tɔŋ sǝkpɛtʋɣʋ, nɔɣɔlʋ ɩɩ hɛɛsǝɣɩ mɑ lɑŋlɛ. Ye mɑ sǝŋɑ sɑmɑɑ tɑɑ wulɑ kɛ́.

²⁹Mɑ pǝsɑ ɩsɩɩ tɑɑlɛ hɑsɩ tɑɑpɑlʋ kɛ́, yɑɑ tɑɑtɑɑnɑɑ cɑmnɑ.

³⁰Mɑ tɔnʋɣʋ piliɣi kɛ́, nɑ kʋ́ litiɣi. Pǝ sɑ́lǝ́ɣɩ mɑ mʋwɑ tɑɑ, nɑ ɑ́ wʋlǝɣɩ.

³¹Mɑ sɑŋkʋ pǝsɑ sǝm nyǝŋ kɛ́, nɑ mɑ hǝlɑɣɑ nɑ́ɑ́ hʋlǝɣɩ sǝm yontu.