Job 18

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Na Bildad el fahk,

²“Job, ku kain in mwet se kom an tiana ku in misla? Kom fin tuiwin ac lohng ma kut fahk uh, kut ac ku in sramsram nu sum.

³Mea sis kom nunku mu kut lalfon oana cow uh?

⁴Kom sifacna akkeokye kom ke kasrkusrak lom an. Mea, ku in wanginla mwet fin faclu kom fin kasrkusrak? Mea, God Elan mokle eol uh in tuh akinsewowoye kom?

⁵“Kalem lun mwet koluk uh ac nuna kunlana; Firir kac uh ac fah tia ku in sifil kalem.

⁶Lam in lohm nuknuk sel uh ac fah lohsrla.

⁷Meet, el fahsr ku na, a inge el fahsr tukulkul; Kas in luti lal sifacna, oru el ikori.

⁸El fahsryang nu in sie nwek, ac nial sremla;

⁹Sie sruhf srumasrla kapinnial ac sruokilya.

¹⁰Sie sruhf wikla oanna infohk uh; Sie pac sruhf uh oakwuki ke acn el fahsr we.

¹¹Mwe aksangeng apnulla yen nukewa; Ac welul yen nukewa el fahsr we.

¹²Meet el kasrup, a inge el masrinsral; Mwe ongoiya oanna siskal soanel.

¹³Sie mas na upa su ku in unilya kanglana manol, Ac kulweya paol ac nial.

¹⁴Amala el liki lohm nuknuk su el tuh muta insewowo loac, Ac kokola el nu ye mutun Tokosra lun Misa.

¹⁵Inge kutena mwet ku in utyak ac muta in lohm nuknuk sel — Tukun aknasnasyeyukla ke sulphur!

¹⁶Okah ac lah kacl uh uli ac paola.

¹⁷El tila pwengpeng in acn sel, oayapa in acn nukewa saya! Wangin mwet sifilpa esamul.

¹⁸El ac fah lisyukla liki facl sin mwet moul, Ac ukohkyak el liki kalem nu ke lohsr uh.

¹⁹Wangin fwilin tulik natul, nufonna misa.

²⁰Mwet nukewa in acn kutulap lac nwe roto su lohng pweng kacl Elos sangeng ac rarrar.

²¹Pa inge saflaiyen moul lun mwet koluk uh. Pa inge ma ac sikyak nu sin mwet su tia lulalfongi ke God.”