Soopu 35

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Ḿpʋ́ɣʋ́ Ɩlihu tɑsɑɑ sɩ:

²Soopu, n pǝsǝɣɩ nɑ ń hɑ nyɑ́ tǝɣɩ tɑmpɑnɑ nɑ ń yɔɣɔtɩ nyɑ́ siɣisuɣu tɔm kɛ Ɩsɔ kiŋ nɑ sikɑ fɛɩ?

³Mpi tɔ, n tɑsɑɑ sɩ: Ye mɑ pǝntɑɑ yɑɑ mɑ tɑ pǝntɩ pepeɣe mɑ wɑɑkɩ?

⁴Mɑɑ kpɛntɩ nyɑ́ nɑ nyɑ́ tɑɑpɑlɑɑ nɑ mɑ́ cɔ-mɛ.

⁵Nyǝnɩ ɩsɔtɔnʋɣʋ, nɑ ń pɑɑsǝnɑ ɩsɔŋmʋntʋ, tǝ kǝlɑ-ŋ kʋŋkʋlʋmǝŋ.

⁶Ye n lɑpɑ ɩsɑɣɑtʋ, weɣe pǝ wɑkǝlǝɣɩ Ɩsɔ? Yɑɑ n kʋlɑ ɩ tɔɔ kɛ́ tɔm pɑɣɑlɛ, pɩɩ tokiɣinɑ ɩ́lɛ́.

⁷Ye n tǝŋǝɣɩ tɑmpɑnɑ, ɩlɛ pepeɣelɛ n hɑwɑ Ɩsɔ? Yɑɑ weɣe Ɩ́sɔ mʋɣɩ nyɑ́ niŋ tɑɑ?

⁸Yʋlʋ ɩsɩɩ nyɑɣɑ ɩsɑɣɑtʋ wɑkǝlǝɣɩ, nɑ siɣisuɣu wɑɑsɩ nyɑ́ tɔɣɔntǝlɛ.

⁹Ye ɩsɩɩ ŋmɑkǝllɑɑ kǝlɑ tɔɔʋ, yǝlɑɑ mɑkɩ kɑpusi kɛ́. Ye mʋsʋŋtʋnɑɑ kǝlɑ pɑɣɑlɛ, ɩlɛ yǝlɑɑ yɑɑ sɩ pɑ́ wɑɑsɩ-wɛ.

¹⁰Amɑ pɑ tɑɑ nɔɣɔlʋ ɩɩ pɔɔsǝɣɩ Ɩsɔ wei ɩ lɑpɑ-ɩ, nɑ ɩ́ tʋɣɩ yǝlɑɑ tɑɑ kɛ́ lɑŋhʋlʋmlɛ yontu nɑ pɑ́ yooki ɑhoo tɔ sɩ: N wɛ le?

¹¹Ɩnɩ ɩ sɛɣɛsǝɣǝnɑ-tʋ, nɑ pǝ́ kǝlɩ tɑɑlɛ wontu. Pǝyele ɩ tɑsǝɣɩ-tʋɣʋ lǝmɑɣɑsɛɛ nɑ pǝ́ kǝlɩ sumɑsɩ.

¹²Pɑ yɑɑwɑ Ɩsɔ, nɑ ɩ́ kisi cɔʋ kɛ ɑsɑɣɑɑ kɑlɑmpɑɑnɩ tɔɔ.

¹³Pɔpɔtʋ fɛɩ leleŋ, pɑ koo yem kɛ́ Ɩsɔ ɩɩ nɩɩkɩ. Tomɑ tǝnɑ tʋ ɩɩ pɑɑsǝɣǝnɑ.

¹⁴Pɑɑ Soopu n tɔŋ sɩ nn nɩɩkɩ Ɩsɔ tɑŋ tɔ Ɩsɔ nyǝ́mɑ nyɑ́ tɔm tǝnɑɣɑ, nyɑɑ keŋnɑ-ɩ.

¹⁵Ɩɩ tʋɣɩ sɑlǝkɑ nɑ pɑ́ɑ́nɑ́. Pǝyele ɩɩ pɑɑsǝɣǝnɑ yǝlɑɑ ɩsɑɣɑtʋ. Ɩlɛ pǝ tɑɣɑ sɩ ɩɩ nɑɑkɩ.

¹⁶Soopu nyɑ́ nɔɣɔ tɑɑ tɔm wɛ yem kɛ́, nɑ ń lʋlǝsǝɣɩ tɔm nti tǝ tɑɑ fɛɩ lɑɣɑtʋ tɔ.