Soopu 40

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Ḿpʋ́ɣʋ́ Tɑcɑɑ Tomɑ tǝnɑ tʋ yɔɣɔtǝnɑ Soopu nɑ ɩ́ pɔɔsɩ-ɩ sɩ: N suukɑɣɑ-m tɔm tɔ, n kɑ́ tɑsɑ-m kʋtʋɣʋ nɑ? N yookɑɣɑnɑ-m tɔ, n wɛnɑ kʋcɔcɔtʋ tɔtɔ?

³Mpʋɣʋlɛ Soopu cɔwɑ Tɑcɑɑ sɩ:

⁴Mɑ kǝlɑ pǝciiu, wentiɣi mɑɑ cɔ? Mɑɑ tɑkɩ mɑ nɔɣɔ tɔɔ kɛ́ mɑ niŋ kɛ́.

⁵Mɑ tɛmɑ yɔɣɔtʋɣʋ kɛ tɔm kʋlʋm, mɑɑ tɑsǝɣɩ nɑtǝlɩ. Mɑ cɔwɑ tɔm nɑɑlɛ, ɩlɛ mɑɑ tɑsǝɣɩ nɑtǝlɩ.

⁶Ḿpʋ́ɣʋ́ Tɑcɑɑ cɔwɑ Soopu kɛ kɑcuculɑɣɑ tɑɑ sɩ:

⁷Tɔʋ, tɔkɩ nyɑ́ tɩ ɩsɩɩ ɑpɑlʋ nɑ mɑ́ pɔɔsɩ-ŋ nɑ ń cɔ-m.

⁸Kʋpɑm n cɑɑ sɩ ń kʋ mɑ tɔm nɑ ń wɛɛnɑ tɑmpɑnɑ nɑ ń hʋlɩ sɩ mɑ tɑ siɣisi?

⁹N tɑlɑ-m tomɑ nɑ? Yɑɑ nyɑ́ yɔɣɔtɑɣɑ wɛ ɩsɩɩ tɛʋ holɑ, yɑɑ ɩsɩɩ mɑ nyǝŋkɑ?

¹⁰Tɔʋ, suu nyɑ́ tǝɣɩ nyʋɣʋ kʋlʋɣʋ nɑ sɔsɔɔntʋ nɑ ń tɑkɩ nyɑ́ tǝɣɩ teu sɔsɔɔm nɑ teeli.

¹¹Mʋ pɑ́ɑ́nɑ́ nɑ kɑlɑmpɑɑnɩ nyǝ́mɑ. Nyǝnɩ-wɛɣɛ ɩsɛ nɑ ń mǝŋnɑ-wɛɣɛ ɑtɛ.

¹²Nyǝnɩ-wɛɣɛ tɔm kʋlʋm nɑ pǝ́ lumsi-wɛ. Nɑŋtɩ ɑsɑɣɑɑ kɛ tɔm kʋlʋm.

¹³Nmɛsɩ pɑ tǝnɑɣɑ tɛtʋ tɛɛ. Tǝkɩ-wɛɣɛ ɑtɛtǝlɛ tɑɑ.

¹⁴Pǝlɛɣɛlɛ mɑɑ sɑ-ŋ. Mpi tɔ, n hikɑ ɑkɑɩtʋ kɛ nyɑ́ toŋ tɔɔ.

¹⁵Nyǝnnɑ Cutɑɣɑ, mɑ́ ŋmɑnɑ-kɛ́ tɔtɔ, ɩsɩɩ yʋlʋ. Ɩlɛnɑ kɑ́ tɔkɩ nyɩɩtʋ ɩsɩɩ nɑʋ.

¹⁶Kɑ tǝnɑɣɑ tɑɑ kɛ́ kɑ toŋ wɛɛ. Alɑɑfǝyɑ hɑɣɑ kɑ lotɔnɑ tɑɑ.

¹⁷Kɑ sukɑ nɑ toŋ kɛ́ ɩsɩɩ tʋɣʋ sɔsɔɔʋ, nɑ kɑ tɑlɑ holɑ lɛɣɛtɑ tǝmɑ tɑɑ.

¹⁸Kɑ mʋwɑ cɑɣɑ kɛ́ ɩsɩɩ nyǝɣǝlʋɣʋ kʋsɛɛmʋɣʋ foofoo. Kɑ koŋkoolɑsɩ nǝɣǝsǝnɑ nyǝɣǝlʋɣʋ kpɑtǝŋ.

¹⁹Nkɛɣɛlɛ mɑ kʋlɑpǝm tɑɑ kɑncɑɑlɑɣɑ nyǝm*fɑ*. Mɑ lɑpǝnɑ-kɛ nɑ mɑ́ tʋ-kɛɣɛ lɑɣɑtɛ. pɑ cɑɑ yɔɣɔtʋɣʋ tɔ. Mpi pɑ yɑɑ cǝnɛ sɩ lɑɣɑtɛ tɔ, wontuɣu kʋnɛ kʋ kelɑ tɔm kɛ pɑ yɔɣɔtǝɣɩ.

²⁰Pɔɔŋ lʋlǝɣǝnɑ kɑ tɔɣɔnɑɣɑ. Tǝnɑɣɑ tɑɑlɛ wontu ŋmɑɑlǝɣɩ.

²¹Kɑcǝkɑ nyɩɩtʋ ɩsotom tɛɛ kɛ́ kɑ hǝntǝɣɩ. Tǝnɑɣɑ sǝsǝncɑɑsɩ lɔpɑ lʋcɑɣɑm nɔɣɔ.

²²Nyɩɩtʋ ntɩ tǝ tɛɛ kɛ́ kɑ wɛɛ, lɔɔʋ nɔɣɔ nyɩɩtʋ tʋ-kɛɣɛ hɛkʋ.

²³Pɑɑ pɔɣɔ sɔsɑɣɑ suwɑ kɑɑ nǝɣǝsǝɣɩ. Yɑɑ Yɑɑtɑnɩ pɔɣɔ lʋm sʋʋnɑ kɑ nɔɣɔ tɑɑ, kɑ cɑɣɑnɑ nɑɑni kɛ́.

²⁴Nɔɣɔlʋ kɑɑ kpǝtǝnɑ-kɛ nɑ kɑ ɩsɛ sɩ ɩ kpɑɑ-kɛ. Pǝyele pɑ kɑɑ kpɑ-kɛɣɛ kɑtɔkɑ sɩ pɑ tʋlǝɣɩ kɑ mɩɩnɑ.

²⁵N pǝsǝɣɩ nɑ ń kpɑ nyɩɩʋ*fɑ* nɑ kulɑɣɑ nɑ? Yɑɑ kʋ nsǝmlɛ kɛ ń pǝsǝɣɩ nɑ ń hɔkɔ ŋmǝnɑɣɑ? tʋm sɔsɔ wei pɑ yɑɑ sɩ coco tɔ, ɩsɩɩ pɑ tɔŋʋɣʋ sɩ tɔɣɔlʋɣʋ tɔ.

²⁶N kɑ́ pǝsɩ nɑ ń sʋsɩ sǝsǝncɑŋɑ kɛ kʋ mɩɩnɑ tɛɛ? Yɑɑ n kɑ́ pǝsɩ nɑ ń tʋlɩ kʋ tɑmɑɣɑ nɑ kulɑɣɑ?

²⁷N mɑɣɑsǝɣɩ sɩ kɩɩ wiinɑ-ŋ nɑ pǝ́ leeli yɑɑ kʋ yɔɣɔtǝnɑ-ŋ tǝpɑmm kɛ?

²⁸Nyɑnɑ-kʋ ɩ́ kɑ́ pɛɛlɩ nɔɣɔ nɑ? Yɑɑ n kɑ́ kpɑ-kʋɣʋ yomle kɛ tɑm tɔɔ?

²⁹N kɑ́ liɣilinɑ-kʋ ɩsɩɩ sumɑɣɑ nɑ? Yɑɑ n kɑ́ tɑmsɩ-kʋɣʋ ŋmǝnɑɣɑ, nɑ nyɑ́ pɛɛlɑɑ liɣiliɣinɑ?

³⁰Tiinɑ kpɑlɑɑ kɑɑ pɛɛtɩ-kʋ. Pǝyele tɑɑtǝlɑɑ nɑ́ kɑɑ tɑlɑ-kʋ.

³¹N kɑ́ pǝsɩ nɑ ń wɑɑsɩ kʋ tɔnʋɣʋ tǝnɑɣɑ ŋmɑntɑɑsɩ nɑ? Yɑɑ kʋ nyʋɣʋ kɛ n kɑ́ sɔ lʋm tɑɑ wontu sɔsɔɔntʋ kulɑɣɑ?

³²Ye n kpɑ kʋ tɔɔ, ɩlɛnɑ ń tɔɔsɩ yoou tɔm, n kɑɑ tɑsɑ nyɩɩlʋɣʋ.