Soopu 31

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Mɑ sɩɩ mɑ tǝɣɩ nɔɣɔ nɑ tuunɑʋ sɩ, mɑ́ tɑɑ nyǝnɩ pɛɛlɔ nɔɣɔlʋ nɑ mɑ́ nyɩɩlɩ-ɩ.

²Ye pǝ tɑɣɑ mpʋ, mɑ fɛɩnɑ kpɑncoou, yɑɑ mɑ pɑɑ nyǝm nɑpǝlɩ. Mɑɑ tɑŋ sɩ Tomɑ tǝnɑ tʋ ɩ́ tilinɑ-m nɑ ɩsɔtɑɑ?

³Kʋtɑkɛɛsǝŋ kɛ pǝ wɑkǝlǝɣɩ, nɑ wɑhɑlɑ nɑ́ɑ́ mɑɣɑnɑ wɑkǝllɑɑ.

⁴Ɩsɔ nyǝmɑ́ mɑ mpɑɑŋ nɑ mɑ tɔntɛ tǝnɑ.

⁵Mɑ tɑ tɔ mpɑɑʋ kʋlooluɣu tɑɑ. Pǝyele mɑ tɑ lɑ ɑcilɑɣɑtʋ nɑtǝlɩ.

⁶Ɩsɔ mɑɣɑsɩ-m nɑ nyɑ́ mɑɣɑsǝlɑɣɑ kʋsiɣisɑɣɑ. N kɑ́ nɑ́ sɩ mɑ tɑ wɑkǝlɩ tiili.

⁷Ye mɑ yelɑ mpɑɑʋ kʋsiɣisuɣu, yɑɑ mɑ ɩsɛ yelɑɑ nɑ mɑ́ nyɩɩlɩ mɑ lotu tɑɑ, nɑ mɑ́ pilisi mɑ tɩ nɑ ɩsɑɣɑtʋ nɑtǝlɩ.

⁸Ɩlɛ nɔɣɔlʋ ɩ́ tɔɣɔ mɑ kʋhɑlǝm nɑ pɑ́ kpɛsɩ mpi mɑ sɔwɑ tɔ.

⁹Ye mɑ nyɩɩlɑ lɛlʋ ɑlʋ, yɑɑ mɑ tɩɩ cɛŋɑ ɑlʋ kɛ mɑ tɔɣɔntǝlɛ nɔnɔɣɔ tɛɛ.

¹⁰Ɩlɛ mɑ nyǝŋ ɩ́ pǝsɩ nɔɣɔlʋ tǝmlɛ tʋ, nɑ pɑɑ ɑpɑlʋ wei ɩ́ lɑnɑ-ɩ ɩsǝnɑ ɩ cɑɑkɩ tɔ.

¹¹Pǝ tɑɣɑ pʋlʋ, mpʋ ɩnɩ pǝ kɛ́ ɑcɑɑlǝtʋ sɔsɔɔntʋ kɛ́. Pǝ wɛɛ sɩ pɑɑ hʋʋlʋ wei, ɩ́ hɔ pǝ lɑtʋ ŋkpɑŋʋɣʋ.

¹²Ye ɩsɩɩ mɑɑ lɑpɑ mpʋ mɑ ɩsɑɣɑtʋ kɑ pǝsɑ kɔkɔ kɛ́ nɑ kɑ́ nyɑɣɑ mɑ wɛnɑʋ tǝnɑ.

¹³Ye ɩsɩɩ mɑ nyǝnɑ mɑ tǝmlɛ tʋ ɑpɑlʋ yɑɑ ɑlʋnyǝŋ kɛ yem kɛ́ hʋʋlɛ tɑɑ, nɑ mɑ́ tɑ́ hɑ-ɩ tɑmpɑnɑ.

¹⁴Ɩlɛ wɑɑtʋ wei Ɩsɔ kɑ́ kɔɔ feŋuɣu nɑ ɩ́ pɔɔsɩ-m tɔ, wentiɣi mɑɑ cɔ?

¹⁵Mpi tɔ, Ɩsɔ kʋlʋm wei ɩnɩ ɩ lɑpɑ-m mɑ too lotu tɑɑ tɔ, ɩnɩ ɩ lɑpǝnɑ pɛlɛ tɔtɔ.

¹⁶Mɑ tɑ pɛ ɑcɑmɑɑ kɛ mpi pɑ nyɩɩlǝɣɩ tɔ. Pǝyele mɑ tɑ yele nɑ leelu ɩsɛ nyǝŋ.

¹⁷Mɑ tɑ tɔɣɔtɑ mɑ mʋtiyɑ kɛ mɑ tike nɑ mɑ́ pɛ́ sulɑʋ.

¹⁸Hɑtoo mɑ pǝcɑɑtʋ kɛ mɑ nɑ sulɑʋ tǝ pɩɩwɑ, ɩsɩɩ yʋlʋ nɑ ɩ cɑɑ. Mɑ pɑɑsǝɣǝnɑ leelu kɛ too ɩ hɔɔʋ tɛɛ kɛ́.

¹⁹Ye mɑ nɑwɑ nɔɣɔlʋ nɑ ɩ́ cɔɔkɩ, nɑ ɩ́ fɛɩnɑ wontu, yɑɑ kʋnyɔntʋ lɑŋɑ kʋtɑkʋɣʋ,

²⁰mɑ hɑɑkɩ-ɩ mɑ heeŋ hʋntʋ kunti kɛ́, nɑ ɩ́ tɑkɩ nɑ pǝ́ hɑŋɩ-ɩ nɑ ɩ́ sɛɛ-m.

²¹Ye ɩsɩɩ tɔm hʋʋlɑɑ sǝnɑ-m nɑ mɑ́ nyɑɑsɩ sulɑʋ nɔɣɔlʋ,

²²ɩlɛ pǝ́ kpɛɛsɩ mɑ ŋkpɑlǝŋɑ kɛ mɑ ɑsǝŋkpeku tɔɔ, nɑ kɑ́ pɛlɩ mɑ ŋkuluŋɑ tɑɑ.

²³Mpi tɔ, mɑ nyɑŋnɑ Ɩsɔ mpusi kɛ́, mɑɑ pǝsǝɣɩ nɑ mɑ sǝŋ. Mɑ fɛɩnɑ mɑ tǝɣɩ Ɩsɔ sɔsɔɔntʋ kiŋ.

²⁴Mɑ tɑ tʋ mɑ nɑɑni kɛ wʋlɑ tɔɔ. Pǝyele mɑ tɑ pɛtɩ mɑ tǝɣɩ liɣitee nyǝɣǝlʋɣʋ.

²⁵Pǝ tɑɣɑ mɑ wɛnɑʋ sɔsɔɔm yɑɑ mpi mɑ hikɑɑ tɔɣɔ mɑ tʋ nɑɑni.

²⁶Ye mɑ nɑwɑ ilim nɑ pǝ nyɑɑlǝm teu, nɑ mɑ́ nyǝnɩ ɩsɔtʋ, nɑ ɩ́lɛ́ ɩ tɛɛkǝnɑ ɩ cɑŋǝm.

²⁷Pǝ́ puɣusi-m mɑ lotu tɑɑ nɑ mɑ́ nyǝnɩ-wɛ, ɩsɩɩ Ɩsɔ, yɑɑ mɑ́ sɛɛ-wɛ.

²⁸Ye mɑ lɑpɑ mpʋ, pǝ kɛ́ ɩsɑɣɑtʋ sɔsɔɔntʋ kɛ́, pǝ mʋnɑ hʋʋlɑɑ ɩ́ tʋ-m sɑlǝkɑ. Mpi tɔ, mɑ lɩɩ Ɩsɔ wɑɑlǝɣɩ.

²⁹Mɑ lɑŋlɛ tɑ hɛɛnɑ mɑ kolontu wɑhɑlɑ. Pǝyele mɑ tɑ ŋmɑɑlǝnɑ ɩ kʋnyɔntɔɣɔlɛ nte tǝ mɑɣɑnɑ-ɩ tɔ.

³⁰Mɑ tɑ tisi sɩ mɑ nsǝmlɛ ɩ́ sǝlǝmɩ mɑ kolontu ɩnɩ ɩ sǝm nɑ tǝ́ pǝntɩ.

³¹Mɑ tǝyɑɣɑ nyǝ́mɑ yɔɣɔtǝɣɩ sɩ nɔɣɔlʋ fɛɩ wei ɩ tɑ tɔɣɔ mɑ tɛɣɛ nɑntʋ nɑ ɩ́ nyǝɣǝsɩ tɔ.

³²Mʋʋlʋ ɩɩ hǝntǝɣɩ ɑwɑlɩ kɛ́ mɑ tɛ. Mɑ tʋlǝɣɩ mɑ nɔnɔɣɔ kɛ mpɑtɔntʋ kɛ́.

³³Mɑ tɑ ŋmɛsɩ mɑ kɑwɑlɑɣɑ, ɩsɩɩ lɛlɑɑ lɑkʋɣʋ tɔ. Yɑɑ mɑ́ kisi mɑ tɑsǝkǝlɛ tisuɣu.

³⁴Mɑ tɑ nyɑnɑ sɑmɑɑ, yɑɑ yǝlɑɑ kʋtʋɣʋ nɑ mɑ́ su nɑ mɑ́ yele nɔnɔɣɔ kɛ tǝŋnɑʋ.

³⁵Hɑɩ, ɑwe hikiɣi-m wei ɩ kɑ́ nɩɩnɑ-m tɔ? Mɑ kɑntǝkɑɣɑ kʋyɔɣɔtʋtʋ ntɔ. Tomɑ tǝnɑ tʋ ɩ́ cɔ-m nɑ ɩ́ hʋlɩ-m nti mɑ kolontu ŋmɑɑwɑ mɑ tɔɔ tɔ.

³⁶Mɑɑ te mɑ nyʋɣʋ kɛ mɑ kolontu kʋŋmɑŋmɑɑtʋ ntǝɣɩ, ɩsɩɩ ntenuɣu, nɑ mɑ́ lɑɣɑlɩ-tǝɣɩ mɑ ɑsǝŋkpekiŋ tɔɔ.

³⁷Mɑɑ heeli Ɩsɔ kɛ́ mɑ kʋlɑpǝlɛ tǝnɑ tɔm nɑ mɑ́ polo ɩ kiŋ tǝkɑɑ, ɩsɩɩ ɑwulumpu.

³⁸Ye mɑ tɑɑlɛ wiiki sɩ pǝ́ lɛɛtɩ-m nɑ tǝ tɑɑ ɑwɑsɑ pǝlǝɣɩ ɩsǝlʋm.

³⁹Ye mɑ tɔɣɔ ɑ kʋlʋlʋm kɛ fɑɑlɑɑ, nɑ mɑ́ muɣuli ɑ nyǝ́mɑ kʋpǝmɑ.

⁴⁰Ɩlɛ mɑ kʋtutuum ɩ́ yele nyɔʋ, nɑ sɔwɑ nɑ nyɩɩtʋ ɩsɑɣɑtʋ lɛɛtɩ. Soopu kʋyɔɣɔtʋtʋ tǝnɑɣɑ ntɔ.