Yoobu 18

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Bilidɑ Suɑɡii u Yoobu wisɑ u nɛɛ,

²sere dommɑ kɑɑ ɡɑri yini sɑɑrinu kpe. A den mɑrio kpɑ su mɑɑ ɡere.

³Mbɑn sɔ̃nɑ ɑ sun mɛɛrɑ ɡɑri bɑkɑsu. Mbɑn sɔ̃nɑ ɑ sun mɛɛrɑ nɡe yɑɑ sɑberu.

⁴Wunɛ Yoobu, wunɛn mɔruwɑ yɑ nun wɑhɑlɑ mɔ̀. A tɑmɑɑ yɑ koo de tɔmbu bu yɑrinɑ kpɑ wuu ɡu ko bɑnsu, kpɑ kpenu nu doonɑ nin ɑyerun di?

⁵A n yɛ̃ mɑ tɔn kɔ̃son yɑm bururɑmɑ mu koo ɡbi. Mɛn dɔ̃ɔ yɑri kun mɑɑ bɑllimɔ.

⁶Yɑm bururɑm mu koo ɡɔsiɑ yɑm wɔ̃kuru win wɑ̃ɑ yerɔ. Domi u koo ɡbi nɡe fitilɑ.

⁷U ǹ mɑɑ sĩimɔ kɑ toro sindu. Win tiin bwisi koo nùn surɑ.

⁸Domi u koo dɑ yinɑ ɡiɑ, kpɑ win nɑɑsu su yen wɛ̃ɛ wuronu wɔri.

⁹Yinɑ koo nùn mwɑ nɑɑ tokurɔ, kpɑ yen wɛ̃ɛ yi nùn tɛ̃ke.

¹⁰Bɑ nùn tɑɑ bɛrie temɔ, win swɑɑ sɔɔ.

¹¹N wee nɔni swɑ̃ɑrɑ nùn mɑrɑ tɑ kɑ sikerenɛ. Mɑ tɑ nùn swĩi birun di.

¹²Gɔ̃ɔrɑ nùn wɔri, tɑ win dɑm kpɑ. Mɑ sɑ̃ɑrɑ nùn deemɑ.

¹³Tɑ koo win wɑsin ɡɔnɑ di beri berikɑn di. Kpɑ bɑrɑ bɑkɑru tu nùn mwɑ.

¹⁴Bɑ koo nùn wunɑ win wɑ̃ɑ yerun di, tè sɔɔ u rɑɑ dɑm mɔ. Kpɑ bu kɑ nùn dɑ ɡɔɔn sinɑ kpɑɑ bɑkɑrɔ.

¹⁵Wiɡibɑ koo yɑrinɑ. Win ɑrumɑnin tii yɑ koo kɑm ko. Kpɑ sɔ̃ɔ bisu su win yɛnu dɔ̃ɔ mɛni.

¹⁶Tɔn kɔ̃so wi, u ko n sɑ̃ɑwɑ nɡe dɑ̃ɑ. Win ɡbini yi koo ɡberɑ temɔ. Kpɑ bu win kɑ̃ɑsi bɔɔri wɔllɔ.

¹⁷Bɑ koo win ɡɑri duɑri hɑnduniɑ sɔɔ. Bɑ ǹ mɑɑ win yĩsiru yɑɑyɑmɔ.

¹⁸Domi bɑ nùn yɑrɑ yɑm bururɑm di, bɑ sure yɑm wɔ̃kuru sɔɔ. Mɑ bɑ nùn ɡirɑ hɑnduniɑn di.

¹⁹Win bii ɡoo kun nùn bibu mɑruɑmmɛ. Domi win yɛnuɡibu kpuro bɑ koo ɡbi.

²⁰Tɔn be bɑ wɑ̃ɑ tɛ̃ bɑ koo bɛrum soorɑ. Kpɑ be bɑ koo mɑrurɑ win biru bu biti soorɑ win kɑm koo bin sɔ̃.

²¹Nɡe mɛyɑ tɔn kɔ̃sobu kɑ be bɑ ǹ Gusunɔ yɛ̃n wɑ̃ɑ yeru tɑ ko n sɑ̃ɑ.