Soopu 41

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Ḿpʋ́ɣʋ́ Tɑcɑɑ tɑsɑɑ sɩ: Ye yʋlʋ tɑŋɑ-kʋ pǝ tʋsɑ-ɩ kɛ́. Ɩ kɔŋ nɑ ɩ́ loosi-kʋɣʋ loosuɣu mɑɣɑmɑɣɑ tɔ, ɩ pǝsǝɣɩ kpɛntǝlɑsɩ kɛ́.

²Yʋlʋ nɔɣɔlʋ ɩ kpɑŋʋɣʋ tɑ tɑlɑ sɩ ɩ́ kʋlɩ nyɩɩʋ ŋkʋ kʋ tɔɔ. Mpʋ tɔtɔɣɔ nɔɣɔlʋ kɑɑ mɑɣɑsɩ sɩ ɩ kʋlǝɣɩ mɑɣɑ Ɩsɔ mɑ tɔɔ.

³Awe kǝntǝnɑ-m nɑ pǝ́ wɛɛ sɩ mɑ́ fɛlɩ pʋntʋ? Mɑ tǝnnɑ pǝ tǝnɑ mpi pǝ wɛ tɛtʋ tɔɔ tɔ.

⁴Mɑ kɑɑ su yɔɣɔtʋɣʋ kɛ kʋ tɔnʋɣʋ tɔɔ nyǝm tɔm. Ɩsɩɩ kʋ nɔɔhɛɛ nɑ kʋ toŋ nɑ kʋ teu pǝ tɔm.

⁵Awe kulɑ kʋ tɔɔ pɔɣɔlɛɛ nɑ kʋ́ nɑɑkɩ? Yɑɑ ɑwe kɑ́ sʋʋ kʋ nɔɣɔ tɑɑ?

⁶Awe hɑɑnɑ kʋ nɔɔle ńtɛ́ nɑ toŋ? Kʋ kelɑ tɔm wɛ sɔɣɔntʋ kɛ́.

⁷Kʋ siɣile tɑɑ pɔɣɔlɛɛ wɛ kɛ́ ɩsɩɩ pɑ tɑmsɑ kpɑlǝŋ kɛ tǝntǝmlɛ, nɑ pǝ́ nyɔɔ ɩsɩɩ pɑ tɑɑlɑ kʋtɑɑlʋ.

⁸A mɑtǝnɑ tǝmɑɣɑ teu kɛ́ tǝkpɑm. Heelim mɑɣɑmɑɣɑ ɩɩ pǝsǝɣɩ nɑ pǝ́ sʋʋ ɑ hɛkʋ tɑɑ.

⁹Pɔɣɔlɛɛ ɑnɩ ɑ nyɔkǝlǝnɑ tǝmɑɣɑ teu kɛ́ nɑ ɑ́ kpɛntɩ kʋlʋm, pʋ́ʋ́ɣʋ́ fɛɩ.

¹⁰Ye kʋ cimsɑɑ, kɔkɔ lɩɩkɩ kɛ́. Kʋ ɩsɛ nǝɣǝsǝnɑ ɩsɩɩ tɑnɑŋ ilim yɑɑkʋɣʋ tɔ.

¹¹Nɑ kɔkɔ mɑmɑtǝsǝŋ lɩɩkǝnɑ kʋ nɔɣɔ, nɑ mɑmɑcǝɣǝlɑsɩ nɑ́ɑ́ kʋlǝɣɩ.

¹²Kɔkɔ nyɔɔsɩ lɩɩkǝnɑ kʋ mɩɩnɑ tɛɛ kɛ́ ɩsɩɩ tiyɑɣɑ wɑsʋɣʋ mǝsɑɣɑ tɔɔ nɑ huluɣu kpɑɑkɩ tɔ.

¹³Kʋ feesiŋ wɛ kɛ́ ɩsɩɩ ŋmɑlɑ kɔkɔ nɑ mɑmɑtǝsʋɣʋ lɩɩkǝnɑ kʋ nɔɣɔ.

¹⁴Kʋ luɣu tɑɑ kɛ́ toŋ wɛɛ. Ɩlɛnɑ wei ɩ́ nɑ́-kʋ ɩ tɛɛ sʋʋkɩ.

¹⁵Kʋ tɔnʋɣʋ tɔɔ pɔɣɔlɛɛ tɑmsɑɑ kɛ́, nɑ ɑ́ kpɛntɩ kʋlʋm, nɑ pǝ́ wɛɛ tomɑ, pɩɩ ciɣitiɣi.

¹⁶Kʋ nyɑmlɛ wɛ toŋ kɛ́ ɩsɩɩ pǝlɛ. Tǝ wɛ tomɑ kɛ́ ɩsɩɩ nem*fɑ*. tɔɔʋ wɛ teitei kɛ́ nɑ ɑ tǝnɑ tǝmɑ tɔɔ, nɑ pɑ́ cɔɔsǝɣɩ ɩsɔtɑɑ nyǝntɛ nɑ kpɑ́tʋ́ɣʋ́.

¹⁷Ye kʋ kʋlɑɑ, sɔɣɔntʋ kpɑɑkɩ ɑlɑɑfǝyɑ tɑɑ ɑlɑɑfǝyɑ nyǝ́mɑ kɛ́, nɑ pɑ ɑpɑlʋtʋ yɔɔlɩ nɑ pɑ́ seeki.

¹⁸Pɑɑ pɑ sɔpɑ-kʋɣʋ lɑɣɑtɛ pɩɩ sʋʋkɩ. Mpʋ tɔtɔɣɔ, nɑ ŋmɑntɑɑsɩ nɑ nyǝmɑ́.

¹⁹Nyǝɣǝlʋɣʋ wɛ-kʋɣʋ teitei kɛ́ ɩsɩɩ keemɑɣɑ. Nɑ nyǝɣǝlʋɣʋ kʋsɛɛmʋɣʋ nɑ́ɑ́ wɛɛ-kʋ ɩsɩɩ tɑɑʋ kʋpʋkʋɣʋ.

²⁰Pɑɑ tɔɣɔnǝɣɩ-kʋ nɑ nyǝmɑ́. Pǝyele pǝntɔlʋpɛɛ nɑ́ wɛ-kʋɣʋ ɩsɩɩ nyɩɩtʋ.

²¹Akɑlʋɣʋ wɛ-kʋɣʋ ɩsɩɩ keemɑɣɑ, nɑ kʋ́ nɩɩkɩ ŋmɑntɑɑsɩ wulɑ nɑ kʋ́ woŋiɣi.

²²Kʋ lotu tɔɔ wɛ kɛ́ ɩsɩɩ tɑtɑɑsɩ kʋsɛŋtɑsɩ, nɑ kʋ́ tɛɛkɩ nɑ kʋ́ yeki ɑfǝlɑ tɔɔ kɛ́ ɩkpɑtɛ ɩsɩɩ ɑkuɣu.

²³Kʋ pǝsǝɣɩ teŋku lʋm kɛ́ ɩsɩɩ tiyɑɣɑ wɑsʋɣʋ tɔ, nɑ kʋ́ ciɣitiɣi-wɩ, ɩsɩɩ tulɑɑlʋ nɑ kpɑlǝpɑ.

²⁴Kʋ yeki ɩkpɑtɛ nɑ wɑɑlɩ kɛ́, nɑ tǝ́ teeki kɔkɔ. Ɩlɛnɑ kʋhulɑŋ kʋlɩ teŋku tɔɔ, ɩsɩɩ ɑkpɑtʋlʋ nyɔɔsɩ.

²⁵Kʋ fɛɩnɑ tʋ́ kɛ ɑtɛ cǝnɛ. Pǝyele pǝ ŋmɑ-kʋɣʋ sɩ kʋ́ tɑɑ nɩɩ sɔɣɔntʋ.

²⁶Tɑɑlɛ wontu fɛɩ-kʋɣʋ sɔɣɔntʋ. Nkʋɣʋlɛ wontu sɔsɔɔntʋ tɑɑ sɔsɔɔntʋ wulɑʋ.