Soopu 11

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Ḿpʋ́ɣʋ́ Nɑɑmɑ tʋ Sofɑɑ cɔwɑ Soopu sɩ:

²Nyɑ́ yɔɣɔtɑɣɑ kɛkɛkɛ tɔɔ, pǝ wɛɛ sɩ mɑ́ cɔ. Pǝ tɑɣɑ yɔɣɔtɑɣɑ nyǝm kɛ yʋlʋ tɔm teekinɑ.

³Nyɑ́ nɔɔleleŋ ɩɩ tǝkǝɣɩ yǝlɑɑ nɔɔsɩ. N kɑɑ pǝsɩ ń woŋ nɔɣɔlʋ nɑ pɑ́ tɑ́ tʋ-ŋ fɛɛlɛ.

⁴Hɑlɩ n tɩɩ yɔɣɔtɑɑ sɩ nyɑ́ tɔm tewɑ, sɩ n tɑ wɑkǝlǝnɑ Ɩsɔ.

⁵Hɑɩ, ye ɩsɩɩ Ɩsɔ kɑ kulɑɣɑɑ nɔɣɔ nɑ ɩ́ tɩɩ yɔɣɔtɩ.

⁶Hɑlɩ ɩ kɑ hʋlɑ-ŋ ɩ nyǝmtʋ tete. Tǝ tɛɛ yʋlʋ lɑɣɑtʋ tɔɔ. Tǝnɑɣɑ n kɑ nɑwɑ sɩ Ɩsɔ ɩɩ pɔɔsǝɣɩ nyɑ́ ɩsɑɣɑtʋ tǝnɑ tɔɔ.

⁷N pǝsǝɣɩ nɑ ń mɑɣɑsɩ Ɩsɔ lotu tɑɑ tɔm nɑ ń cɛkǝnɑ Tomɑ tǝnɑ tʋ ɩnɩ ɩ sɔsɔɔntʋ nɑ?

⁸Tǝ kǝlɑ ɩsɔtɔnʋɣʋ kɛ kʋŋkʋlʋmǝŋ. Yʋlʋ kɑɑ keesi tǝ tǝnɑɣɑ, tǝ tɛɛ ɑtɛtǝlɛ kɛ lumɑŋ. Yʋlʋ kɑɑ cɛkǝnɑ tǝ tɔm kɛ sɔsɔm.

⁹Ɩsɔ sɔsɔɔntʋ ntɩ tǝ kǝlɑ tɛtʋ kɛ tɔɔʋ, nɑ tǝ́ kǝlɩ teŋku kɛ́ wɑŋ.

¹⁰Ye Ɩsɔ kpɑ tɑsǝkǝlɛ tʋ yɑɑ ɩ yɑɑ-ɩ nɔnɔɣɔ, ɑwe kpesiɣinɑ?

¹¹Pǝ tɑɣɑ pʋlʋ, Ɩsɔ nyǝmɑ́ yʋlʋyemnɑɑ kɛ́. Pǝyele pǝ fɛɩ-ɩ kɑtɛ sɩ ɩ́ nɑ́ pɑ kɑwɑlɑɣɑ.

¹²Mpi lǝmɑɣɑsɛɛ fɛɩ tʋ kɑ́ hiiki lɑɣɑtʋ tɔ, tɑɑlɛ kpɑŋɑɣɑ lʋlɑ tǝyɑɣɑ nyǝŋkɑ.

¹³Amɑ pǝ kɑɑsʋɣʋ Soopu nyɑ́ tɔ, kɛɛsǝnɑ Ɩsɔ tɔɔ, nɑ ń tɛɣɛ-ɩ niŋ.

¹⁴Hɑtǝlǝnɑ mpi pǝ tɑ siɣisi tɔ. Tɑɑ yele nɑ ɩsɑɣɑtʋ wɛɛ nyɑ́ tǝyɑɣɑ tɑɑ.

¹⁵Wɑɑtʋ ɩnǝɣɩ n kɑ́ tɔŋ nɑ ń kʋsɑ nyʋɣʋ. Pʋlʋpʋ kɑɑ kɛɛ-ŋ, yɑɑ pǝ́ lɑ-ŋ sɔɣɔntʋ.

¹⁶Ɩlɛnɑ ń sɔɔ nyɑ́ wɑhɑlɑ tɔɔ, ɩsɩɩ lʋm kpemnɑ.

¹⁷Wɑɑtʋ ɩnǝɣɩ nyɑ́ weesuɣu kʋyɛɛŋ kɑ́ wɛɛ tǝcɛɩcɛɩ, ɩsɩɩ ilim sikuɣu. Nɑ nyɑ́ sǝkpɛtʋɣʋ cɛ́ ɩsɩɩ pǝ nyɑɑlʋɣʋ tɔ.

¹⁸Ɩlɛnɑ ń cɑɣɑnɑ nyɑ́ tɩ nɑ ń tɛɛlǝɣɩ tɔtɔ. N kɑɑ wɛɛnɑ fɛɛlɛ nɑtǝlɩ, nɑ ń tooki teu.

¹⁹Nɔɣɔlʋ kɑɑ wɑkǝlɩ nyɑ́ tom. Hɑlɩ yǝlɑɑ pɑɣɑlɛ kɑ́ pɛɛkɩ sɩ ń sǝnɑ-wɛ.

²⁰Amɑ ɑsɑɣɑɑ ɩsɛ kɑ́ nyǝŋ kɛ́. Pɑ hɛɛsʋɣʋ kɑ́ sɩɩ tǝnɑɣɑ, nɑ pɑ́ tɑŋɑ sǝm tike.