Ayuba 18

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Bilidada Suuxaka naxa a fala,

²«Wo yi masenyi mɔɔli danma tɛmui mundun? Wo xa xaxili sɔtɔ alako won xa wɔyɛn a fanyi ra.

³Wo muxu maɲɔxunxi subee ra munfe ra? Munfe ra muxu findixi wo bɛ xaxilitare ra?

⁴Ayuba, i tan naxan xɔnɔxi, duniɲa xa dan i xa fe ra? Geya xa tala i bɛ a tide?»

⁵«N xa a fala wo bɛ, mixi ɲaaxi xa fe ɲɔnma nɛ, alɔ tɛ xubenma ki naxɛ, a ba naiyalanyi raminife.

⁶A xa denbaya xa fe ɲɔnma nɛ, a yɛtɛ xa fe danma nɛ.

⁷A mu a ɲɛrɛma sɛnbɛ ra sɔnɔn, a waxɔnfe fama nɛ a xun nakanade.

⁸A bara suxu yɛlɛ ra, a mu minima naxan kui sɔnɔn.

⁹Gantanyi bara a sanyi suxu, a mu a bama naxan yi sɔnɔn.

¹⁰Gantanyi luuti nu nɔxunxi bɛndɛ bun ma, gantanyi nu texi sankira xɔn ma.

¹¹Gaaxui bara a suxu a xa fe birin kui.

¹²Kaamɛ bara a suxu, a bara lu tɔɔrɛ kui.

¹³A fate bara ba a ma, a salonse na bɔrɔfe saya kira xɔn ma.

¹⁴A bara keli a xɔnyi a nu laxi dɛnnaxɛ ra, a na sigafe mangɛ magaaxuxi yire.

¹⁵I nɔma lude a xa banxi kui, a gbe mu luxi sɔnɔn. Aligiyama bara findi a xɔnyi ra.

¹⁶A sankee bara xara, a salonyie bara lisi.

¹⁷Duniɲa mixie bara nɛɛmu a ma, e mu ratuma a xili ma sɔnɔn.

¹⁸A bara keli naiyalanyi kui, a so dimi kui duniɲa fari ma.

¹⁹Di mu a bɛ, i fa a i nɛ mamadi. A nu sabatixi dɛnnaxɛ, bɔnsɔɛ yo mu a bɛ mɛnni sɔnɔn.

²⁰Bɔnsɔɛ naxee sa fama, keli sogetede nun sogegorode, nee fama nɛ kaabade a xa xunnakanɛ ma, gaaxui fa e suxu.

²¹Tinxintare xa maraɲɔnyi luma na ki nɛ, Ala kolontare xa fe rabama na ki nɛ.»