Soopu 29

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Ḿpʋ́ɣʋ́ Soopu kpɑɣɑ ɩ kʋnyɔwiinɑ sɩ:

²Pepe mǝlǝɣǝnɑ-m ɩsɩɩ too ɩlɛ, sɑɑ wei Tɑcɑɑ feŋɑɣɑ mɑ tɔɔ,

³nɑ ɩ fǝtǝlɑ mʋɣɩ mɑ nyʋɣʋ tɑɑ tɔ. Mɑ tɔŋɑɣɑnɑ ɩ nyɑɑlǝm kɛ ɑhoo kɛ́.

⁴Ye pɩɩ mǝlɑɣɑnɑ-m mɑ wule tɑɑ, ɩsɩɩ wɑɑtʋ wei Ɩsɔ yɑɑkɑɣɑ-m ɩ tɑɑpɑlʋ, nɑ ɩ́ feŋiɣi mɑ tǝyɑɣɑ tɔɔ tɔ.

⁵Tomɑ tǝnɑ tʋ kɑ wɛ mɑ kiŋ, nɑ mɑ piyɑ tʋ-m hɛkʋ.

⁶Nɑɑlǝm kɑ tɔlǝnɑ-m kɛ́ tǝhɔ, nɑ nim kpeŋ pǝ tǝnyɑɑsǝlɛ kɛ kʋkpɑmʋɣʋ tɔɔ.

⁷Wɑɑtʋ wei mɑ lɩɩkɩ nɔnɔɣɔ tɛɛ sɩ, mɑ cɑkɩ ɩcɑtɛ sɔsɑɑ tǝcɑɣɑlɛ tɔ.

⁸Ye pɑ nɑ-m, ɩfepiyɑ nɑ́ hɛlǝɣɩ kɛ́, nɑ kʋkpɑtǝlɑɑ nɑ́ɑ́ kʋlǝɣɩ nɑ pɑ́ sǝŋǝɣɩ.

⁹Kʋpɑɣɑlɑɑ nɑ suŋɑɣɑ yɔɣɔtɑɣɑ, nɑ pɑ́ kpɑɑkɩ nɔɔsɩ.

¹⁰Awulɑɑ mɑɣɑmɑɣɑ nɑ́ suŋɑɣɑ kɛ́, nɑ pɑ nsǝmɑ mɑtǝnɑ pɑ tɑntɑhɑɑŋ.

¹¹Mpɑ pɑ nɩɩkɑɣɑ mɑ tɔm tɔ, pɑ yɑɑkɑɣɑ-m leleŋ nɩɩlʋ kɛ́. Mpɑ pɑ nɑɑkɑɣɑ-m tɔ, pɑ lǝsǝɣɩ mɑ ɑseetɑ.

¹²Mpi tɔ, ye kʋnyɔntʋ wiiki mɑ wɑɑsǝɣɩ-ɩ kɛ́. Mɑ sǝŋnɑ sulɑʋ wei ɩ fɛɩnɑ pɑɑsǝnlʋ tɔ.

¹³Mpɑ pɑ cɑɑkɩ sǝpʋ tɔ, pɑ kooliɣi-m kʋpɑntʋ kɛ́, nɑ mɑ́ hɛɛsǝɣɩ leelɑɑ lɑŋɑ.

¹⁴Siɣisuɣu kɛ mɑ suuwɑ ɩsɩɩ toko, nɑ tɑmpɑnɑ tǝŋʋɣʋ, ɩsɩɩ cɑpɑ nɑ kɑhukɑ.

¹⁵Mɑɑ wɛɛ kɛ́ ɩsɩɩ yʋlʋm ɩsǝlɛ. Mɑɑ wɛɛ ɩsɩɩ kɑɑkɑlɑɣɑ nɔɔhǝlɛ.

¹⁶Mɑɣɑlɛ kʋnyɔntʋnɑɑ cɑɑ. Mɑ pɑɑsǝɣǝnɑ mpɑ mɑ tɑ nyɩ tɔ, pɑ tɔm kɛ teu.

¹⁷Mɑ yɔkǝɣɩ ɑsɑɣɑɑ tɑmɑsɩ, nɑ mɑ́ wɔɣɔsǝɣɩ tɔɣɔnɑɣɑ kɛ pɑ kelɑ tɑɑ.

¹⁸Mɑ tɔŋɑɣɑ sɩ mɑɑ kpɑtǝlɩ kɛ́ tǝkuŋkuŋku. Mɑɑ sɩ mɑ tɑntɛ tɑɑ ɩsɩɩ sumɑɣɑ.

¹⁹Mɑ wɛɛ kɛ́ ɩsɩɩ tʋɣʋ ŋku kʋ lilɑ kɑmɑ lʋm tɑɑ, nɑ cɔlɔʋ niɣitiɣi kʋ piliŋɑsɩ kɛ ɑhoo tɔ.

²⁰Mɑ teeli kɑ́ wɛɛ tɑm kɛ́ ɩ kɑɑ sɩ, nɑ mɑ tomɑ ɩsɩɩ tɔɔʋ ŋku kʋ nyɔɔ teu tɔ.

²¹Yǝlɑɑ nɩɩkɑɣɑ mɑ tɔm kɛ́, nɑ pɑ́ tɑŋɑɑ nɑ pɑ́ mʋɣɩ mɑ lɑɣɑtʋ tɑsʋɣʋ nɑ pɑ́ sumɑ.

²²Pɑ nɩɩkɑɣɑ mɑ tɔm kɛ́ pɑ tǝnɑɣɑ. Ye mɑ tɛmɑ yɔɣɔtʋɣʋ nɔɣɔlʋ ɩɩ cɔɔkɩ nɑtǝlɩ.

²³Yǝlɑɑ tɑŋɑɣɑ-m kɛ́, nɑ pɑ́ hɑɑwɑ nɔɔsɩ ɩsɩɩ pɑ tɑŋʋɣʋ tɛʋ tɔ.

²⁴Mɑ mʋɣʋlɑɣɑnɑ-wɛɣɛ, ɩlɛ pɑɑ tʋɣʋnɑ. Pǝyele pɑɑ pǝsǝɣɩ nɑ pɑ́ wɑkǝlɩ mɑ ɩsɛntɑɑ hɛtʋɣʋ.

²⁵Mɑɑ kɛnɑ pɑ nyʋɣʋ tʋ, nɑ mɑ́ hʋlǝɣɩ-wɛɣɛ mpɑɑʋ ŋku pɑɑ tǝŋ tɔ, nɑ mɑ́ wɛ ɩsɩɩ wulɑʋ kɛ ɩ kpekǝle yǝlɑɑ tɑɑ. Mɑ hɛɛsɑɣɑ lɑŋwɑkǝllɛ nyǝ́mɑ lɑŋɑ.