Soopu 14

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Yʋlʋ pǝyɑɣɑ weesuɣu wɛ kɛ́ tǝtopi, nɑ kʋ́ nɑ cɔɔsɛɛ kɛ kʋtɑmsɑ.

²Ɩ lɩɩkɩ kɛ́ ɩsɩɩ tʋɣʋ hɛ́tʋ́ɣʋ́ nɑ ɩ́ lontili, nɑ ɩ́ mʋkɩ kpɑkpɑɑ ɩsɩɩ ɩsotom.

³Ɩsɔ nn kʋsǝɣɩ ɩsǝlɛ kɛ mɑ tɔɔ. Pǝyele ń yɑɑkɩ-m hʋʋlɛ.

⁴Wulee nɔɣɔlʋ lǝsɑ kʋpɑm kɛ ɩsɑɣɑm tɑɑ? Pʋntʋ fɛɩ.

⁵Anɩ Ɩsɔ tɛmɑ yʋlʋ ɩsɔtʋnɑɑ kɛ kɑlʋɣʋ nɑ ɩ́ sɩɩ ɩ kʋyɛɛŋ. Ɩsɔ n tɛmɑ yʋlʋ weesuɣu tǝnɑɣɑ kɛ pɩɩʋ ɩ kɑɑ ŋmɑɑ kɑ tɔɔ.

⁶Pǝ tɔɔ tɔ, kʋsɩ nyɑ́ ɩsǝlɛ kɛ yʋlʋ tɔɔ nɑ ɩ́ hɛɛsɩ, nɑ ɩ lɑŋlɛ tɩɩ hʋlʋmɩ, ɩsɩɩ ɑpɑɑ tʋ kɛ tɑɑnɑɣɑ.

⁷Tʋɣʋ wɛnɑ tɛɛlʋɣʋ kɛ́, ye pɑ sɛtɑ-kʋ, kʋ nɛɣɛtɩ nɑ kʋ́ hɛlǝɣɩ piliŋɑsɩ kʋfɑsɩ.

⁸Pɑɑ kʋ lilɑ kpɑtǝlɑ tɛtʋ tɑɑ, nɑ kʋ kite sɩ́.

⁹Ye kʋ nɩɩwɑ lʋmɑɣɑ tɑŋ kʋ tɑɣɑnǝɣɩ nɛɣɛtʋɣʋ kɛ́ nɑ kʋ́ hɛlɩ piliŋɑsɩ kʋfɑsɩ ɩsɩɩ tiikɑ.

¹⁰Amɑ yʋlʋ sǝkɩ kɛ́, nɑ ɩ tomɑ sɩɩ tǝnɑɣɑ. Ye ɩ tisɑ feesuɣu, ɩ wɛ le tɔtɔ?

¹¹Teŋku lʋm pǝsǝɣɩ nɑ pǝ́ pɑsɑ, nɑ pusi nyǝm nɑ́ɑ́ nyɔɔ nɑ sɩ́ wʋlɩ.

¹²Mpʋ tɔtɔɣɔ yʋlʋ kɑ́ hǝntɩ, ɩ kɑɑ tɑsɑ kʋlʋɣʋ. Ɩ kɑɑ tɑsɑ fem nɑ pǝ́cɔ́ ɩsɔtɔnʋɣʋ mʋkɩ. Ɩ kɑɑ kʋlǝnɑ ɩ tom tɔɔ.

¹³Ye Ɩsɔ kɑ tisɑɣɑ, ɩ kɑ ŋmɛsɑ-m ɑtɛtǝlɛ tɑɑ, nɑ ɩ́ tɑkɩ mɑ tɔɔ, hɑlǝnɑ ɩ́ kʋ́ ɩ pɑ́ɑ́nɑ́. Ɩlɛnɑ ɩ́ sɩɩ-m sɑɑ wei ɩ kɑ́ tɑɣɑnɩ-m kʋpɑntʋ lɑpʋ tɔ.

¹⁴Ye ɩsɩɩ yʋlʋ kɑ sǝkɑɣɑ nɑ ɩ́ tɑɣɑnɩ fem mɑɑ wɛ tɑŋʋɣʋ tɑɑ kɛ́ mɑ tǝmlɛ kʋyɛɛŋ tǝnɑ. Hɑlǝnɑ kʋyɑkʋ ŋku ɩ kɑ́ tɑɣɑnɩ-m kʋsʋɣʋ tɔ.

¹⁵Ɩlɛ wɑɑtʋ wei Ɩsɔ kʋŋmɑŋmɑm mɑ́, mɑ tɔm kɑ́ nyɩɩlɩ-ɩ nɑ ɩ́ yɑɑ-m tɔ mɑ kɑɑ cɔ.

¹⁶Amɑ sɑŋɑ ɩlɛ, Ɩsɔ ɩsǝlɛ kɑɑ wɛɛ mɑ́ mɑ tɔɔ, nɑ ɩ́ kɑlǝɣɩ mɑ nɔɔhɛɛ.

¹⁷Ɩ suuwɑ mɑ ɩsɑɣɑtʋ kɛ huluɣu nɑkʋlɩ kʋ tɑɑ kɛ́, nɑ ɩ́ tɑɑlɩ mɑ kɑwɑlɑɣɑ tɔɔ tǝkpɑm.

¹⁸Amɑ ɩsɩɩ pɔ́ɔ́ŋ́ yɔkʋɣʋʋ nɑ pǝ́ lɑɣɑsǝɣɩ kʋkpɑmǝŋ kɛ lonɑ,

¹⁹nɑ lʋm nɑ́ɑ́ niisiɣi pǝlɛ, nɑ tɛʋ nɑ́ɑ́ kuuki tɛtʋ tɔ. Ḿpʋ́ɣʋ́ n wɑkǝlǝɣɩ yʋlʋ tɛɛlʋɣʋ.

²⁰N tii yʋlʋ tɔɔ kɛ́ nɑ ń wɑkǝlɩ ɩ ɩsɛntɑɑ, nɑ ń tɔɣɔnɩ-ɩ nɑ ɩ́ tɛɛ nɑ pǝ́ sɑɑlɩ.

²¹Pɑɑ yʋlʋ piyɑ nyʋɣʋ kʋlɑɑ yɑɑ pǝ tʋ-sǝɣɩ fɛɛlɛ yʋlʋ ɩɩ nɑɑkɩ pʋlʋ.

²²Mpi pǝ tɔm yʋlʋ nɩɩkǝnɑ tɔɣɔlɛ ɩ mɑɣɑmɑɣɑ ɩ tɔnʋɣʋ wʋsɑsɩ nɑ ɩ lɑŋwɑkǝllɛ.