Soopu 36

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Ḿpʋ́ɣʋ́ Ɩlihu tɑsɑɑ tɔtɔ sɩ:

²Soopu, sǝŋ pǝcɔ nɑ mɑ́ sɛɣɛsɩ-ŋ. Mpi tɔ, mɑ tɑ yɔɣɔtɩ Ɩsɔ nyǝntʋ tǝnɑ.

³Hɑtoo pooluŋ kɛ mɑɑ hiki mɑ nyǝm mpi mɑɑ hɑnɑ mɑ ŋmɑlʋ kɛ tɑmpɑnɑ tɔ.

⁴Tɑmpɑnɑ mɑ kʋyɔɣɔtʋtʋ tɑɑ fɛɩ pɔpɔtʋ. Mɑ wei mɑ yɔɣɔtǝɣǝnɑ-ŋ ɩsǝntɔ tɔ, mɑ wɛnɑ nɑɑni kɛ́ mɑ nyǝmtʋ tɔɔ kɛ́.

⁵Ɩsɔ kɛ́ pǝsǝlʋ kɛ́, ɩlɛ ɩɩ lɔɔkɩ tɑmpɑnɑ tǝŋlʋ. Ɩ lɑɣɑtʋ tomɑ tɔɔ kɛ́ ɩ wɛnɑ pǝsʋɣʋ ŋkʋ.

⁶Ɩɩ yeki ɩsɑɣɑʋ nɑ ɩ weesuɣu. Amɑ ɩ siɣisiɣi kʋnyɔntʋnɑɑ tɔm.

⁷Ɩɩ yeki siɣisilɑɑ kɛ́ nyǝnʋɣʋ. Hɑlɩ ɩ cɑɣɑsǝɣɩ-wɛɣɛ ɑwulɑɑ kumlee tɔɔ kɛ́, nɑ ɩ́ kʋsǝɣɩ pɑ nyɔɔŋ kɛ tɑm tɔɔ.

⁸Ɩsɔ tʋɣɩ ɑsɑɣɑɑ kɛ ɑlukpɑlɑ kɛ́ nɑ wɑhɑlɑ tɔkɩ-wɛ.

⁹Ɩ hʋlǝɣɩ-wɛɣɛ pɑ tǝmɑ, nɑ pɑ kɑwɑlɑɣɑ. Kɛ wɑɑtʋ wei pɑ lɑkɩ kɑlɑmpɑɑnɩ tɔ.

¹⁰Isɔ yeki nɑ pɑ́ nɩɩkɩ kʋkpɑɑlǝtʋ kɛ pɑ ŋkpɑŋŋ tɑɑ, nɑ ɩ́ tʋɣɩ-wɛ sɩ pɑ́ cɔlɔ mpi pǝ tɑ́ siɣisi tɔ.

¹¹Ye pɑ kemɑ ŋkpɑŋŋ nɑ pɑ́ pɛtɩ pɑ tǝɣɩ Ɩsɔ, ɩlɛ pǝ cɑɣɑnɑ-wɛ nɑ pɑ́ nɩɩ leleŋ kɛ pɑ weesuɣu kʋyɛɛŋ nɑ pǝ pɩɩsɩ tɑɑ.

¹²Ye pɑ kisɑ nɩɩʋ, ɩlɛ ŋmɑntɑɑɣɑ sɔ-wɛ nɑ pɑ́ sɩ́ pɑ nyǝm lɑŋʋɣʋ tɔɔ.

¹³Yǝlɑɑ ɑsɑɣɑɑ hɑ pɑ tǝɣɩ pɑ́ɑ́nɑ́ tɑɑ kɛ́. Pɑɑ wiikinɑ Ɩsɔ sɩ ɩ́ wɑɑsɩ-wɛɣɛ sɑɑ wei ɩ tʋɣɩ-wɛɣɛ ɑlukpɑlɑ tɔ.

¹⁴Pɑ sǝkǝnɑ pɑ ɩfepile nɑ pǝ́ sɔɔsǝɣɩ-wɛɣɛ wɑsɑŋkɑlǝnɑɑ*fɑ* tɔɔ. ɑpɑlɑɑ nɑ ɑlɑɑ mpɑ pɑ lɑɑkɩ tɩɩŋ nɑ pɑ lɑkɩ pǝ wɑsɑŋkɑlǝtʋ tɔɣɔ.

¹⁵Amɑ Ɩsɔ yɑkɩ wɑhɑlɑ tʋ, nɑ ɩ wɑhɑlɑ kɛ́, ɩlɛnɑ ɩ́ kpɑɑlɩ-ɩ nɑ ɩ wʋsɑsɩ.

¹⁶Wɑɑtʋ nɔɣɔlʋ Ɩsɔ kɑ lǝsɑ-ŋ wɑhɑlɑ tɑɑ kɛ́, nɑ ɩ́ sɩɩ-ŋ timpi pɩɩ cɑɣɑnɑ-ŋ nɑ ń wɛɛ nyɑ́ tɩ tɔɔ nɑ ń tɔkɩ tɔɣɔnɑsɩ kʋpɑmpɑnsɩ tɔ.

¹⁷Amɑ ye n hʋʋkɩ nyɑ́ hʋʋlɛ ɩsɩɩ ɑsɑɣɑɑ nyǝntɛ, ɩlɛ hʋʋlɛ nɑ pǝ ŋkpɑŋʋɣʋ hɔm kɑ́ kpɑ-ŋ kɛ́.

¹⁸Tɑɑ yele nɑ pɑ́ɑ́nɑ́ sʋsɩ-ŋ Ɩsɔ woŋɑ tɑɑ, nɑ ń puɣusi nyɑ́ tɩ sɩ n kɑ́ yɑ Ɩsɔ nɑ kʋhɑʋ sɔsɔɔʋ.

¹⁹Nyɑ́ kɑkiisɑɣɑ, yɑɑ pɑɑ nyɑ́ toŋ sɔsɔɔŋ tɑ tɑlɑ sɩ pǝ́ lǝsɩ-ŋ lɑŋwɑkǝllɛ tɑɑ.

²⁰Tɑɑ ŋmɑkǝlɩ mʋʋlɑɑ nɑ ń lɛɛtɩ pɑ lonɑ tɑɑ kɛ́ nyɑ́ lʋlʋɣʋ nyǝ́mɑ.

²¹Lɑ lɑɑkɑlɩ, tɑɑ kɛɛsǝnɑ ɩsɑɣɑtʋ tɔɔ. Pǝ mɑɣɑmɑɣɑ pǝ tɔɔ kɛ́ n wɛ wɑhɑlɑ tɑɑ.

²²Ɩsɔ hʋlǝɣɩ ɩ sɔsɔɔntʋ nɑ ɩ toŋ tɑɑ kɛ́. Nɔɣɔlʋ tɑ nyɩ sɛɣɛsʋɣʋ ɩsɩɩ ɩnɩ.

²³Awe hʋlǝnɑ-ɩ mpɑɑʋ ŋku ɩ kɑ tǝŋ tɔ, nɑ ɑwe kɑ́ mɑnɑ ɩ lɑŋlɛ tɑɑ, nɑ ɩ́ heeli-ɩ sɩ: N lɑpɑ mpi pǝ tɑ́ siɣisi tɔ?

²⁴Tɔɔsɩ nɑ ń sɑ ɩ tǝmɑ nnɑ yǝlɑɑ sɑŋ pɑ yontunɑɑ tɑɑ, nɑ pɑ́ pʋɣʋlǝɣɩ-yɛ tɔ.

²⁵Yǝlɑɑ tǝnɑ loosiɣi-yɛɣɛ pooluŋ kɛ́ nɑ pɑ́ nyǝnǝɣɩ-yɛɣɛ teu.

²⁶Ɩsɔ tɔɔwɑ kɑtɑtǝlɑɣɑ kɛ́ nɑ pǝ́ tɛɛ tɑ nyǝmtʋ tɔɔ. Ɩ pɩɩsɩ fɛɩ kɑlʋɣʋ.

²⁷Ɩnɩ ɩ cosiɣinɑ lʋm nɑ ɩ́ yele nɑ heelim nyɔɔ-wɩ, nɑ ɩ́ pǝsɩ-wǝɣɩ tɛʋ.

²⁸Ɩlɛnɑ ɩsɔŋmʋntʋ nɑ́ɑ́ yele nɑ tɛʋ nɩɩ yǝlɑɑ tɔɔ.

²⁹Awe nyǝŋnɑ ɩsɔŋmʋntʋ tɔntɛ, nɑ tɛʋ holɑ kɛ ɩsɔtɔnʋɣʋ tɑɑ?

³⁰Ɩnɩ ɩ kɛɛlǝɣǝnɑ ɩ nyɑɑlǝm tɔɔ nɑ pǝ́ nɑ́ nɑ pǝ́ cɔɔnɑ-ɩ. Ɩlɛnɑ ɩ́ tɑɣɑnɩ tɑkʋɣʋ kɛ teŋkunɑɑ lumɑŋ tɔɔ.

³¹Yɑɑsinɑɑ mpɛɣɛ ɩ hʋʋkǝnɑ yǝlɑɑ nɑ ɩ́ cɛlǝɣɩ-wɛɣɛ tɔɣɔnɑɣɑ kɛ tuutuumɑ.

³²Ɩ kpɑkǝɣɩ tɛʋ cɑlɑ kɛ ɩ niŋ tɑɑ kɛ́, nɑ ɩ́ lɔɣɔ-ɩ timpi ɩ cɑɑkɩ tɔ.

³³Tɛʋ holɑ kɛ ɩ hʋlǝɣǝnɑ sɩ kʋ kɔŋ, nɑ kɑlǝkǝŋ mɑɣɑmɑɣɑ nɩɩkɩ kʋ tɑŋ.