Soopu 19

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Ḿpʋ́ɣʋ́ Soopu cɔwɑ sɩ:

²Pǝlee kɛ́ ɩ́ kɑ́ hɛɛsɩ-m kʋnyɔŋ tʋɣʋ nɑ mǝ́ kʋyɔɣɔtʋtʋ?

³Tɔm nɑɑnʋwɑ kɛlɛ ɩ́ tɛmɑ-m kʋtʋɣʋ, pǝ fɛɩ-mɛɣɛ fɛɛlɛ sɩ ɩ́ cɔɔsǝɣɩ-m mpʋ?

⁴Ye tɑmpɑnɑ mɑ tɩɩ lɑpɑ ɩsɑɣɑtʋ, mɑ nyʋɣʋ tɑɑ kɛ́ pǝ tɛŋ.

⁵Ɩsɩɩ ɩ hɔŋ mǝ tɩ nɑ kɑlɑmpɑɑnɩ nɑ ɩ́ mɑɣɑsǝɣɩ sɩ mɑ kɑwɑlɑɣɑ kʋnyɔŋ kɛ mɑ tɔkɩ tɔ,

⁶ɑmɑ ɩ́ nyɩ sɩ Ɩsɔ kpɑnɑ-m ɩ puluɣu tɑɑ, nɑ ɩ́ tʋɣʋ-m kʋnyɔŋ.

⁷Ye mɑ wiiki sɩ pɑ lɑkɩ-m mʋsʋŋ, nɔɣɔlʋ ɩɩ cɔɔkɩ. Nɑ mɑ́ yɑɑkɩ sɩ pɑ́ wɑɑsɩ-m, nɔɣɔlʋ ɩɩ sɛɛkǝnɑ mɑ tɔɔ.

⁸Ɩsɔ kɑɣɑ mɑ mpɑɑʋ, mɑɑ pǝsǝɣɩ tɛɛʋ. Ɩ yelɑ-m sǝkpɛtʋɣʋ tɑɑ, nɑ mɑ hɑkǝɣɩ.

⁹Ɩsɔ kʋwɑ mɑ hǝtɛ yɑɑʋ, nɑ ɩ́ kɔɔlɩ mɑ teeli ntenuɣu.

¹⁰Ɩsɔ wɑkǝlɑ-m pǝ tǝnɑ pǝ tɑɑ kɛ́, nɑ ɩ́ kpɛsɩ mɑ tɛɛlʋɣʋ ɩsɩɩ tʋɣʋ, nɑ mɑ́ sɩ́.

¹¹Ɩsɔ pɑ́ɑ́nɑ́ sɔsɔɔnɑ huunɑ-m nɑ ɩ́ nyǝnǝɣɩ-m ɩ kolontunɑɑ tɑɑ lɛlʋ.

¹²Ɩ yʋlʋkʋlɑɑ kpekɑ kpɛntɑ nɔɣɔ nɑ pɑ́ kɔɔ mɑ tɔɔ, nɑ pɑ́ siki nɑ pɑ́ cɔɔnɑ-m.

¹³Ɩsɔ hɑtǝlǝnɑ-m mɑ tɛɛtʋnɑɑ, nɑ mɑ ɑsǝmɑɑ nɑ́ɑ́ yɑɑkɩ nɑ pɑ́ yeki-m.

¹⁴Mɑ cɔlɔ nyǝ́mɑ nɑ mɑ lʋlǝtɑnɑɑ nɑ́ sɔɔ mɑ tɔɔ.

¹⁵Mɑ tǝyɑɣɑ tɑɑ mʋʋlɑɑ nɑ mɑ tǝmlɛ nyǝ́mɑ nɑ́ yʋɣʋ-m nɑ pɑ́ nyǝnǝɣɩ-m kpɑɩ tʋ.

¹⁶Pɑɑ mɑ yɑɑ mɑ tǝmlɛ tʋ nɑ mɑ́ wiinɑ-ɩ, ɩɩ cɔɔkɩ-m.

¹⁷Mɑ lɩɩ sɔŋ kɛ mɑ ɑlʋ mɑɣɑmɑɣɑ kɛ́. Mɑ pǝyɑlɑɑ nɑ́ nyǝɣǝsɑ-m.

¹⁸Pǝ kpɛŋnɑ piyɑ nɑ ye mɑ kʋlǝɣɩ ɩlɛ sɩ woŋiɣi-m.

¹⁹Mɑ tɑɑpɑlɑɑ kʋpɑmɑ mpɑ mɑɑ sɔɔlɑɑ tɔ, pɑ lɩɩ-m luɣu nɑ pɑ́ kʋlǝɣɩ mɑ tɔɔ.

²⁰Mɑ lɩɩnɑ pǝcɛmtɛɣɛ. Mɑ tɛmɑ tɑɑsɩ tǝkɔŋɔkɔŋɔ.

²¹Mɑ tɑɑpɑlɑɑ mɛ, hɑɩ, ɩ́ nyǝnɩ mɑ pǝtɔɔtǝlɛ. Ɩsɔ tʋnɑ mɑ tɔɔ kɛ́ niŋ.

²²Pepe tɔɔ kɛ́ ɩ́ tʋɣʋ-m kʋnyɔŋ ɩsɩɩ Ɩsɔ? Ɩsǝnɑ ɩ́ tʋ-m wɑhɑlɑ tɔ, pǝ tɑ nɩɩ-mɛɣɛlɛ?

²³Hɑɩ, ye ɩsɩɩ pɑɑ ŋmɑɑwɑ mɑ kʋyɔɣɔtʋtʋ tǝnɛɣɛ tɑkǝlɑɣɑ tɑɑ.

²⁴Ɩsɩɩ pɑɑ ŋmɑɑ-tɩ nɑ nyǝmlɛ kɛ kʋkpɑmʋɣʋ tɔɔ, nɑ pɑ́ piisi, nɑ tǝ́ wɛɛ tɑm tɔɔ, tǝ tɑɑ hɩɩsɩ.

²⁵Mɑ nyǝmɑ́ teu sɩ mɑ tɔɔ sɛɛnlʋ wɛnɑ ɩ weesuɣu. Ɩnɩ ɩ kɑ́ yɔɣɔtǝnɑ nɑ pǝ́ sɩɩ tǝnɑɣɑ kɛ ɑtɛ cǝnɛ.

²⁶Pɑɑ pǝ kɔɔlɑ mɑ nɑntʋ nɑ pǝ́ yele mʋwɑ tike, mɑɑ nɑ́ Ɩsɔ nɑ mɑ ɩsǝlɛ kɛ́, ɩ kɑɑ wɛɛ-m mʋʋlʋ. Mpi mɑ sɔɔlɑɑ tɔɣɔlɛ, hɑlɩ pɩɩ lɑkɩ-m lɔŋ.

²⁸Ɩ́ kɑ́ pɔɔsɩ mǝ tɩ sɩ ɩsǝnɑɣɑ ɩ́ kɑ́ kʋlɩ mɑ tɔɔ, nɑ ɩ́ hiki tǝwɑɑnlɛ nɑ ɩ́ hʋʋnɑ-m?

²⁹Ɩ́ lɑ lɑɑkɑlɩ, nɑ pǝ tɑɑ kɔɔ nɑ lɑɣɑtɛ tɑlɑ mǝ mɑɣɑmɑɣɑ. Mpi tɔ, mǝ kɑwɑlɑɣɑ mʋnɑ sǝm kɛ́. Ɩ́ nyɩ sɩ hʋʋlɛ tɑŋɑ-mɛ.