Job 18

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Wal Bilded brom det taun gulum Shuwa bin tok na,

²“Job haulong yu garra toktokbat lagijat? Yu garra larram melabat tok na.

³O maitbi yu reken melabat wulijim detlot enimul weya nomo sabi enijing?

⁴Yu oldei ardim miselp wen yu wail. Yu reken tharran na garra sheikimap dijan wel o mubum detlot rok?

⁵“Det laif blanga detlot nogudbala pipul im jis laik det lemp weya sambodi pudumat insaid langa tent en im jidan dakbala.

⁷Blanga olabat strongbala leig go brabli wikwan na. Dei oldei meigim plen, bat det plen na garra meigim olabat abum loda trabul.

⁸Bifo olabat sabi, olabat garra git trep langa det net weya sambodi bin haidim langa det roud.

¹¹Nomeda eniweya olabat wandim blanga wok, det nogudbala ting oldei weidabat en bulurrumbat langa olabat en oldei bradinimbat langa olabat du.

¹²Olabat brabli hanggribala en det nogudbala ting garra hepin langa olabat dregli.

¹³Afta tharran dei garra git brabli sik, en dei garra dai.

¹⁴“Sambodi garra pulumat detlot nogudbala pipul brom olabat tent en dei garra dai krulbalawei.

¹⁵Bambai na ebrijing blanga olabat garra barnap,

¹⁶en olabat garra jidan wulijim det tri, weya im draiyap brom im rut.

¹⁷Olabat bin binijap na en nobodi kaan jinggabat blanga olabat enimo.

¹⁸Olabat jidanbat langa det dakbala pleis, en olabat nomo langa lait na.

¹⁹Olabat nomo garram eni biginini blanga kipgon langa det femili neim.

²⁰Ebribodi brom sanraiswei raidap langa sangodanwei, olabat bradin nomo lilbit.

²¹Lagijat na ola nogudbala pipul en olabat femilimob garra jidan hu nomo bin wandim sabi God.” Lagijat na Bilded bin tok.