Soopu 38

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Ḿpʋ́ɣʋ́ Tɑcɑɑ cɔwɑ Soopu kɛ kɑcuculɑɣɑ tɑɑ sɩ:

²Aweɣelɛ pʋntʋ wei ɩnɩ ɩ kɔŋnɑ sǝkpɛtʋɣʋ kɛ nti mɑ sɩɩwɑ nɑ mɑ́ lɑkɩ tɔ tǝ tɑɑ, nɑ tɔmnɑɑ mpɑ pɑ fɛɩnɑ hʋwɛɛ tɔ?

³Tɔʋ, tɔkɩ nyɑ́ tɩ ɩsɩɩ ɑpɑlʋ. Mɑɑ pɔɔsɩ-ŋ tɔm nɑ ń cɔ-m.

⁴Leɣe n kɑ wɛ wɑɑtʋ wei mɑ sɩɩkɑɣɑ ɑntulinyɑ kite tɔ. Ye n nyǝmɑ́ tɑmpɑnɑ n cɔ-m.

⁵Awe pɩɩwɑ ɑntulinyɑ ɩnɩ ɩ tǝnɑsɩ? N nyǝmɑ́ pʋntʋ nɑ? Yɑɑ ɑwe mɑɣɑsǝnɑ-ɩ nɑ ŋmǝnɑɣɑ?

⁶Awe cɑɑlǝnɑ kite tɛɛ pǝlɛ kɛ sɩɩʋ? Yɑɑ pepe tɔɔ kɛ́ kite ńtɛ́ tǝ sǝŋɑɑ?

⁷Wɑɑtʋ ɩnǝɣɩ tɑnɑŋ ɩsɔtʋlʋŋɑsɩ yookɑɣɑ yontu, nɑ ɩsɔtɑɑ yǝlɑɑ nɑ́ɑ́ wilitiɣinɑ lɑŋhʋlʋmlɛ.

⁸Awe tǝkɑ teŋku lʋm nɑ kɑmpʋnɑɑ kɛ sɑɑ wei pǝ lɩɩ tɛtʋ tɛɛ nɑ pǝ ŋmɑɑ tɔ?

⁹Wɑɑtʋ wei mɑ suu-wǝɣɩ ɩsɔŋmʋntʋ kɛ toko, nɑ mɑ́ tɑkɩ-wǝɣɩ ɩhunte tɔ.

¹⁰Nɑ mɑ́ pɩɩ-wǝɣɩ tǝnɑɣɑ, nɑ mɑ́ tʋ kʋtǝkʋɣʋ nɑ kʋkɑlǝsʋɣʋ.

¹¹Nɑ mɑ́ hʋlɩ-wɩ sɩ pǝ́ sǝŋ tǝnɑ, pǝ́ tɑɑ tuusi, tǝnɑɣɑ pǝ holɑ kɑlɑmpɑɑnɩ kɑ́ sɩɩnɑ.

¹²Too n wɛʋ tɔ, n tɛmɑ tɑnɑŋ kɛ ŋmɑkǝlʋɣʋ, yɑɑ ń hʋlɩ tefemle kɛ tǝ lonte nɑ?

¹³Yɑɑ tefemle ńtɛ́ tǝ kpɑ tɛtʋ ntompee nɑ tǝ́ ciɣiti ɑsɑɣɑɑ kɛ teu nɑ?

¹⁴Ɩlɛnɑ tɛtʋ lɑɣɑsɩ wɛɛtʋ ɩsɩɩ pɑ yʋsʋɣʋ cʋɣʋ tɔɔ tɔ, nɑ pǝ tǝnɑ pǝ́ wɛɛ kɑcɔkɑ ɩsɩɩ pʋʋɣʋ tɔɔ?

¹⁵Tefemle nyɑɑlǝm kɔŋ, ɩlɛnɑ ɑsɑɣɑɑ kʋlɑpʋtʋ fiɣini nɑ pǝ́ pɛlɩ pɑ niŋ.

¹⁶Too tɔ, n tɛmɑ teŋku tɑɑ kɛ́ tiiu hɑlǝnɑ ń tɑlɑ ɩ sɛɛlɑɑ tɑɑ? Yɑɑ n cɔɔwɑ ɩ lumɑŋ sɔsɔɔŋ tɑɑ?

¹⁷Pɑ tɛmɑ-ŋ sǝm nɔnɔɔsɩ kɛ hʋlʋɣʋ nɑ? Yɑɑ n nɑwɑ ɑtɛtǝlɛ nɔnɔɔsɩ?

¹⁸Yɑɑ n tɛmɑ mɑɣɑsʋɣʋ kɛ tɛtʋ wɑŋ tɔm nɑ? Ye n nyǝmɑ́ pǝ tǝnɑɣɑ mpʋ n kɛɛsɩ-m.

¹⁹N nyǝmɑ́ nyɑɑlǝm tǝcɑɣɑlɛ mpɑɑʋ nɑ? Nɑ leɣe sǝkpɛtʋɣʋ nɑ́ wɛɛ?

²⁰N pǝsǝɣɩ nɑ ń ponɑ-wǝɣɩ pǝ lonte tɑɑ. Yɑɑ ń tɑnɑ-wǝɣɩ timpi pǝ wɛɛ tɔ?

²¹N nyǝmɑ́. Mpi tɔ, wɑɑtʋ ɩnɩ ɩ tɑɑ pɑ tɛmɑ-ŋ lʋlʋɣʋ. Pǝ́cɔ́ nyɑ́ pɩɩsɩ tɔɔwɑ.

²²N tɛmɑ pote nɑ n nɑ́ tɛʋ tɔmpɛɛ nɑ ɑ kpɑɑkpɑɑcɑʋ tǝcɑɣɑlɛ nɑ?

²³Lɑŋwɑkǝllɛ wɑɑtʋ, nɑ yoou kʋyɛɛŋ tɔɔ kɛ́ mɑ sɩɩ-yɛɣɛ mpʋ.

²⁴N nyǝmɑ́ mpɑɑʋ ŋku nyɑɑlǝm tǝŋǝɣɩ tɔ? N nyǝmɑ́ timpi tɔɔ ilim tǝlɩɩlɛ heelim mɑkǝnɑ tɛtʋ tɔɔ tɔ?

²⁵N nyǝmɑ́ wei ɩ hɛɛwɑ tɛʋ kɛ kʋ mpɑɑʋ tɔ? Nɑ wei ɩ hɛɛ tɛʋ ŋmɛlǝsʋɣʋ nɑ kʋ cɑlɑnɑɑ kɛ pɑ nyǝŋkʋ tɔ?

²⁶N nyǝmɑ́ wei ɩ yeki nɑ tɛʋ nɩɩkɩ wʋlɑɣɑ tɛtʋ nti tǝ tɑɑ nɔɣɔlʋ fɛɩ tɔ? Yɑɑ wei ɩ kɔŋnɑ tɛʋ kɛ wʋlɑɣɑ tɛtʋ nti tǝ tɑɑ yǝlɑɑ fɛɩ tɔ?

²⁷Nɑ wei ɩ yeki nɑ lʋm hɑɣɑ wʋlɑɣɑ tɛtʋ, nɑ nyɩɩtʋ nɑ kʋnyɔnyɔm mpi pǝ wɛ tǝlɛkʋlɛkʋ tɔ pǝ́ nyɔ tǝ tɔɔ tɔ?

²⁸Tɛʋ wɛnɑ cɑɑ kɛ? Yɑɑ ɑwe lʋlǝɣǝnɑ ɑŋkpǝlɛɛ?

²⁹Lʋm tɔmpɛɛ*fɑ* yɑɑ cɔlɔʋ nyǝnɑ wɛnɑ too kɛ? nɑ pǝ́ niɣitɑɑ tɔ tɛtʋnɑɑ mpɑ pɑ tɑɑ wɛ wɑtʋ kɛ teu tɔ ɑŋkpǝlɛɛ mɑɣɑmɑɣɑ kiiki ḿpʋ́ɣʋ́.

³⁰Mpɩ pǝ pǝsǝɣǝnɑ pɔɣɔ lʋm ɩsɩɩ pǝlɛ, nɑ pǝ́ kii teŋku tɔɔ nyǝm tǝkpɑŋɑsɑŋ.

³¹N pǝsǝɣɩ nɑ ń hɔkɔ ɩsɔtʋlʋŋɑsɩ*fɑ* nsi pɑ yɑɑ sɩ kɑntuɣu nɑ kʋ piyɑ tɔ. Yɑɑ ń hɛtɩ nsi pɑ yɑɑ sɩ hɑɣɑ nɑ kpɑcɑ nɑ yʋlʋ tɔ.

³²Nyɑ́ lǝsǝɣǝnɑ tʋlʋmɑlʋɣʋ kɛ kʋ wɑɑtʋ? Yɑɑ n tiikiɣi ɩsɔtʋlʋŋɑsɩ nsi pɑ yɑɑ sɩ ɩsɔtʋ ɩ́ sɩ nɑ mɑ́ tɔɣɔ tǝyɑɣɑ tɔ?

³³N nyǝmɑ́ kiiŋ wei ɩsɔtɔnʋɣʋ tǝŋǝɣɩ tɔ? Nɑ ɩsǝnɑ tɛtʋ wɛɛ nɑ pǝ́ tɔŋ tǝ tɑɑ tɔ?

³⁴Yɑɑ n yɔɣɔtǝɣǝnɑ ɩsɔŋmʋntʋ nɑ tɛʋ nɩɩ kɑtɑtǝlɑɣɑ nɑ?

³⁵Nyɑ́ yɑɑkǝnɑ tɛʋ ŋmɛlǝsʋɣʋ nɑ pǝ́ cɔɔkɩ-ŋ sɩ mpǝɣǝlɔ, nɑ ń tiliɣi-wɩ?

³⁶Awe tʋnɑ lǝmɑɣɑsɛɛ kɛ hɑtoo yʋlʋ lotu tɑɑ? Nɑ ɑwe tʋnɑ lɑɣɑtʋ kɛ lǝmɑɣɑsɛɛ tɑɑ*fɑ*? nɩɩʋ wɛ kɑtɛ kɛ́, lɛlɑɑ nɑ́ hʋʋkɩ sɩ tɔlɑ nɑɑlɛ kɛ pɑ yɔɣɔtǝɣɩ mpʋ. Ɩsɩɩ kɑmpɑɑʋ nɑ Icipiti tɛtʋ tɑɑ sumɑɣɑ ŋkɑ pɑ yɑɑ sɩ ipii tɔ.

³⁷Awe kɑlǝɣɩ ɩsɔŋmʋntʋ nɑ ɩ lǝmɑɣɑsɛɛ? Yɑɑ ɩ́ huti ɩsɔtɔnʋɣʋ tɑɑ lʋm huluŋ

³⁸kɛ wɑɑtʋ wei tɛtʋ kiiwɑ ɩsɩɩ nyǝɣǝlʋɣʋ nɑ tɑmpɑɣɑ nyɔkǝlǝnɑ tǝmɑ tɔ?

³⁹Nyɑ́ kpɑɑkǝnɑ tɔɣɔlɑɣɑ ɑlʋ nyǝŋkɑ kɛ kɑ tɔɣɔnɑɣɑ, yɑɑ ń cɑlɩ tɔɣɔlɑsɩ piyɑ, nɑ sɩ́ hɑɣɑ?

⁴⁰Wɑɑtʋ wei sɩ sopɑ sɩ lonɑ tɑɑ, yɑɑ sɩ pɑpɑ nyɩɩtʋ tɛɛ tɔ?

⁴¹Awe cɑlǝɣǝnɑ kɑtǝkɑtǝŋ kɛ wɑɑtʋ wei ɩ piiŋ lɑŋǝɣɩ tɔɣɔnɑɣɑ nɑ ɩ́ wiikinɑ-m nɑ ɩ́ yɛlǝmǝɣɩ tɔ?