Iob 18

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Ma Bildad ra te Sua i ga tata ma i ga biti:

²Na par vingaia kaum tinikan upi ra umana kalamana tinata? Una ki na nuknuk, ma namur amital a tata.

³Dave di nuknuk ba amital a utul a vavaguai? A utul a tuptup ta ra luaina matam?

⁴U nina u kanener ma ra kankan, Dave, ra rakarakan a gunagunan na ki na lingling ure u? Ba da kap vaire vue ra vat kan kana pakana?

⁵Da pun ra kapa i ra tena varpiam, Ma ra birao ta kana iap pa na rarao.

⁶Ra kapa ta ra kubana na bobotoi, Ma ra lamp taun ra uluna, da pun ia.

⁷Di vatutukana kana tak keke, Ma kana varpit na vabura ia.

⁸A ura kauna dir rap tar ia ta ra ubene, Ma i rua ra tubatuba ai ra kun.

⁹A inabut na kakene i papa ta ra kun, Ma ra vapir i tut me.

¹⁰Ma di pale ive pa ia aro ra pia, Di kapi bat ra ngaina me.

¹¹A umana magit na bunurut dia ki kikil ia, diat a vaburut ia, Ma diat a karat ra inabut na kakene.

¹²A dekdekina i panie ta ra mulmulum, A varmonong i kiki pa ia pi na bura.

¹³A minait na en ra umana ingar i ra pakana, Maia, a kaina minait na en ra umana rakana tana.

¹⁴Da rubat vue kan ra magit i ga nurnur tana, Ma da al pa ia tadav ra luluai na bunurut.

¹⁵A umana vaira diat a ki ta ra kubana, Ma da imire ra pakar ta kana pakana.

¹⁶A umana okorina diat a maroto ara ra pia tana, Ma ra umana ingarina arama liu da mut vue.

¹⁷Pa da nuk pa mule ta ra rakarakan a gunagunan, Ma ra iangina na panie ta ra bala na gunan.

¹⁸Da korot vue kan ra kapa tadav ra bobotoi, Ma da korot vue kan ra rakarakan a gunagunan.

¹⁹Ba i tar mat, pa ta na na tur kia ia, ta natuna, a tutana, ba ta tubuna, a tutana, Pa ta tikai na ki valili ta ra kubana.

²⁰Diat maro ra matana taoai diat a kaian ure kana bung, Ma diat ta ra matana taur diat a ga burut.

²¹I damana ra kubakuba i ra umana tena varpiam, I damana ra pakana kai nam ra tutana ba pa i nunure God.