Soopu 24

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Ḿpʋ́ɣʋ́ Soopu tɑsɑɑ sɩ: Pepe tɔɔ kɛ́ Ɩsɔ Tomɑ tǝnɑ tʋ tɑ sɩɩ kʋyɑkʋ ŋku ɩ nyǝntɑɑ kɑ́ nɑ-ɩ nɑ ɩ́ hʋʋkǝnɑ tɔ?

²Pǝyele yǝlɑɑ tuusiɣi pɑ tɛtʋ toosi, nɑ lɛlɑɑ nɑ́ɑ́ tiikiɣi kɑlǝkǝŋ kʋŋmɩɩlǝŋ.

³Pɑ lɛɛkǝɣɩ sulɑʋ kɛ ɩ kpɑŋɑɣɑ, nɑ pɑ́ kpɑɣɑ leelu nɑʋ kɛ tɔlʋmɑ.

⁴Ɩlɛnɑ pɑ́ suliɣi kʋnyɔntʋnɑɑ kɛ mpɑɑʋ tɑɑ, nɑ pɑ́ yɔkǝɣɩ-wɛ nɑ pɑ́ tusiɣi. Nɑ pɑ́ cɑɑlǝɣɩ-wɛ sɩ pɑ́ ŋmɛlǝɣɩ.

⁵Pɑ pǝsɑ ɩsɩɩ tɑɑlɛ kpɑŋɑsɩ kɛ nyɩɩtʋ tɑɑ kɛ́. Tɑnɑŋ ɑhulɑ kɛ pɑ lɩɩkɩ nɑ pɑ́ puki pɑ piyɑ tɔɣɔnɑɣɑ pɛɛkʋɣʋ kɛ wʋlɑɣɑ tɛtʋ nti tǝ tɑɑ fɛɩ cɑɣɑʋ tɔ.

⁶Tɛtɛlɑtʋ tɑɑlɛ tɑɑ kɛ́ pɑ kʋŋ. Ɩlɛnɑ pɑ́ kunti ɩsɑɣɑʋ tɩɩŋ wei pɑ yɑɑ sɩ lɛsɛŋnɑɑ tɔ.

⁷Pɑ hǝntǝɣɩ ɑhoo kɛ kpɛtɛ kɛ́, kʋtɑkǝm fɛɩ. Pɑ fɛɩnɑ sɑɣɑtɑnɑɑ kɛ sɑɑ wei wɑtʋ kpɑɑkɩ tɔ.

⁸Tɛʋ nɩɩkɩ-wɛɣɛ pulɑsɩ tɑɑ kɛ́. Tǝsʋʋlɛ fɛɩ. Ɩlɛnɑ pɑ́ cɔɔsǝɣǝnɑ kʋkpɑmǝŋ.

⁹Pɑ kɔɔlǝɣɩ sulɑʋ kɛ hǝlɑ tɔɔ, nɑ pɑ́ lɛɛkɩ-ɩ nɑ toŋ. Ɩlɛnɑ pɑ́ kpɑkǝɣɩ kʋnyɔntʋnɑɑ tokonɑɑ kɛ tɔlʋmɑ.

¹⁰Pǝ wɑɑlɩ ɩlɛnɑ pɑ́ tʋ-wɛɣɛ tɔntɛ kɛ kpɛtɛ, wontu fɛɩ. Nɑ pɑ́ sʋkǝɣɩ-wɛɣɛ tɔɣɔnɑɣɑ kɛ nyɔɣɔsɩ.

¹¹Pɑ mʋlǝɣɩ tʋɣʋ ŋku pɑ yɑɑ sɩ Olifi tɔ kʋ pee nim, nɑ pɑ́ nyɑɑsǝɣɩ tʋɣʋ ŋku pɑ yɑɑ sɩ lɛsɛŋ tɔ kʋ pee lʋm nɑ lʋkɔtʋ.

¹²Acɑlɛɛ tɑɑ yǝlɑɑ mpɑ pǝ kʋwɑ nɑ mpɑ pɑ cɑɑkɩ sǝpʋ tɔ, pɑ mɔlǝɣɩ nɑ pɑ́ mɑkɩ kɑpusi nɑ pɑ́ pɛɛkǝɣɩ sɩ pɑ́ wɑɑsɩ-wɛ. Amɑ Tɑcɑɑ nɑɑ pɑɑsǝɣǝnɑ ɑcɑɑlǝtʋ ntɩ.

¹³Lɛmpɑ nɑ́ kɛ́ mpɑ pɑɑ cɑɑkɩ nyɑɑlǝm tɔ. Anɩ pɑ tɑ nyɩ Ɩsɔ mpɑɑŋ, pǝ́cɔ́ pɑɑ tɩɩ tǝŋǝɣɩ-ɩ.

¹⁴Tefemle kɛ yʋlʋkʋlʋ kʋlǝɣɩ nɑ ɩ́ kʋ́ wɑhɑlɑ tʋ nɑ kʋnyɔntʋ, nɑ ɑhoo yu, ɩlɛnɑ ɩ́ tɛɛ ŋmɩɩlǝm.

¹⁵Apɑlʋ wɑsɑŋkɑlɩ feŋiɣi sǝkpɛtʋɣʋ tɑɑ kɛ́, nɑ ɩ́ tɑkǝɣɩ ɩ ɩsɛntɔɔ kɛ́ pǝcɛkǝlɛ nɑ ɩ́ tɔŋ sɩ: Nɔɣɔlʋ kɑɑ nɑ-m.

¹⁶Ahoo kɛ ŋmɩɩlʋ yɔkǝɣɩ kutuluɣu nɑ ɩ́ ŋmɩɩlɩ. Ilim tɑɑ, ɩlɛnɑ ɩ́ tǝkɩ ɩ tǝɣɩ ɩ tɛ. Ɩ tɑ nyɩ ɩsǝnɑ nyɑɑlǝm wɛɛ tɔ.

¹⁷Pɑɑ tɑnɑŋ ŋku kʋ kɛ́ mpɛɣɛ sǝm sǝkpɛtʋɣʋ kɛ́. Mpi tɔ, pɑ nɩɩkɩ pǝ sɔɣɔntʋ sɔsɔɔntʋ.

¹⁸Ɩsɑɣɑʋ wɛɛ kɛ́ ɩsɩɩ lʋm tɛɛkʋɣʋnɑ kɑɑwʋlɑɣɑ tɔ. Ɩ tǝcɑɣɑlɛ kɛ́ mpusi nyǝntɛ kɛ tɛtʋ tɑɑ kɛ́, ɩ kɑɑ tɑsɑ tɩɩŋ wei pɑ yɑɑ sɩ lɛsɛŋnɑɑ tɔ ɩ tɑɑlɛ mpɑɑʋ kɛ́ tǝŋʋɣʋ.

¹⁹Teitei ɩsɩɩ wʋlɑɣɑ nɑ hɑŋɑɣɑ nyɔɔkʋɣʋ tɛʋ tɔmpɛɛ lʋm tɔ. Ḿpʋ́ɣʋ́ ɑtɛtǝlɛ tɛɛkǝnɑ ɩsɑɣɑʋ.

²⁰Ɩ too kʋlʋlʋ kɑ́ sɔɔ ɩ tɔɔ. Pɑ kɑɑ ŋmɑɑ ɩ hǝtɛ kɛ tiili. Ɩlɛ pǝ pɛlɑ ɩsɑɣɑʋ ntɛ́ ɩsɩɩ tʋɣʋ.

²¹Mpi tɔ, ɩ tʋɣɩ wɑhɑlɑ kɛ kɑɑlʋlɑɣɑ kɛ́, nɑ ɩ́ kisiɣi kʋpɑntʋ lɑpʋ kɛ leelu.

²²Aɑɩ, Ɩsɔ toŋ tɔɔ, ɩ yeki kɛ́ nɑ mʋsʋŋtʋnɑɑ weesiŋ tɑɣɑlǝɣɩ. Pɑ tɑɣɑnǝɣɩ pɑ nɔɔhɛɛ tɔɔ kɛ́ sǝŋʋɣʋ, pǝyele pɑ tɑɑ tɛɛlǝɣɩ weesuɣu.

²³Ɩsɔ yeki nɑ pɑ́ cɑɣɑnɑ pɑ tɩ. Amɑ ɩ feŋiɣi pɑ tɔntɛ tɑɑ.

²⁴Lɑɑsɑɣɑ tɔɔ kɛ́ yǝlɑɑ mpɛ pɑ sǝŋǝɣɩ, ɩlɛnɑ pǝ́ sɑɑlɩ. Nɑ pɑ́ kpili nyɔɔŋ, ɩsɩɩ tʋɣʋ hɛtʋɣʋ wʋlʋɣʋ tɔ. Nɑ pɑ́ lontili, ɩsɩɩ pɑ sɛtʋɣʋ lɔɔlʋɣʋ tɔ.

²⁵Awe kɑ kpɛɛsǝnɑ-m sɩ pǝ tɑɣɑ mpʋ? Awe kɑ́ pǝsɩ mɑ tɔm kɛ kpɛtɛ?