Soopu 21

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Ḿpʋ́ɣʋ́ Soopu cɔwɑ sɩ:

²Ɩ́ ke ŋkpɑŋŋ kɛ teu nɑ ɩ́ nɩɩ mɑ tɔm. Pǝlɛ pǝ hɛɛsǝɣǝnɑ mɑ lɑŋlɛ.

³Mɑ kpɑ mǝ yule, ɩ́ yele nɑ mɑ yɔɣɔtɩ. Ye mɑ tɛmɑ ɩlɛ mǝ pǝsǝɣɩ nɑ ɩ́ woŋi-m.

⁴Anɩ pǝ tɑɣɑ yʋlʋ kɛ mɑ wiikinɑ. Ɩlɛ pepe tɔɔ kɛ́ mɑ suulu kɑɑ tɛ?

⁵Ɩ́ nyǝnɩ mɑ tɔm tɑɑ, pɩɩ lɑ-mɛɣɛ hɑ, nɑ ɩ́ kpɑ nɔɔsɩ.

⁶Ye mɑ mɑɣɑmɑɣɑ mɑ hʋʋ mpi pǝ mɑkǝnɑ-m tɔ pǝ tɔm, mɑ lɑŋlɛ wɑkǝlǝɣɩ kɛ́ nɑ mɑ́ seliɣi.

⁷Pepe tɔɔ kɛ́ Ɩsɔ yeki nɑ ɑsɑɣɑɑ wɛnɑ weesuɣu nɑ toŋ, hɑlǝnɑ pɑ́ kpɑtǝlǝɣɩ?

⁸Pɑ lʋlʋɣʋ nyǝ́mɑ sʋʋkɩ toŋ kɛ pɑ kiŋ nɑ pɑ sɑɑlǝnɑɑ pɩɩkɩ nɑ pɑ́ nɑɑkɩ.

⁹Pǝ cɑɣɑnɑ-wɛɣɛ pɑ tɛɛsɩ tɑɑ kɛ́. Pɑ tɑ nyɩ sɔɣɔntʋ tɔm. Pǝyele Ɩsɔ ɩɩ mɑkɩ-wɛɣɛ kpɑ́tʋ́ɣʋ́.

¹⁰Pɑ nɑɑŋ wɛnɑ ɑlɑɑfǝyɑ kɛ́, nɑ ɩ́ kpɑɑkɩ teu nɑ ɩ́ lʋlǝɣɩ ɩɩ hɔlǝsǝɣɩ.

¹¹Pɑ yeki pɑ piyɑ kɛ́ nɑ sɩ kpɑkǝɣɩ ɑsewɑ ɩsɩɩ heeŋ, nɑ sɩ ŋmɑɑlǝɣǝnɑ lɑŋhʋlʋmlɛ.

¹²Pɑ yooki yontu nɑ ɑkilimɑnɑɑ, nɑ sɑŋkʋnɑɑ, nɑ hǝsɩ, nɑ pɑ́ nɩɩkɩ leleŋ.

¹³Pɑ yɔɔlǝɣɩ ɑtɛ cǝnɛɣɛ mpʋ, ɩlɛnɑ pɑ́ tii ɑtɛtǝlɛ tɑɑ nɑ hɛɛsʋɣʋ.

¹⁴Pǝ́cɔ́ pɑ tɔŋɑɣɑ Ɩsɔ kɛ́ sɩ ɩ́ tɛɛ ɩ́ kɑɑsɩ-wɛ. Mpɛ pɑ pɑɑ fɛɩnɑ ɩ luɣu nyǝntʋ kɛ nyǝm.

¹⁵Hɑlǝnɑ pɑ́ tɔŋ sɩ: Aweɣe Tomɑ tǝnɑ tʋ, nɑ tɑ́ɑ́ lɑkɩ-ɩ tǝmlɛ? Ye tǝ yɑɑ-ɩ, pǝ wɑɑsɩ-tʋɣʋ we?

¹⁶Pǝ tɑɣɑ mpɛ pɑ tǝnnɑ pɑ tɩ cɑɣɑnɑʋ tɔm. Asɑɣɑɑ lǝmɑɣɑsɛɛ ɩɩ kpǝtǝɣǝnɑ Ɩsɔ.

¹⁷Anɩ sǝm ɩɩ tutiɣi-wɛɣɛ tɑm tɑm. Pǝyele wɑhɑlɑ ɩɩ wɑkǝlǝɣɩ-wɛ. Pǝ́cɔ́ Ɩsɔ ɩɩ mʋɣɩ-wɛ nɑ pɑ́ɑ́nɑ́.

¹⁸Yǝlɑɑ kooliɣinɑ-wɛɣɛ ɩsɑɣɑtʋ sɩ heelim ɩ́ kpɑɣɑ-wɛ ɩsɩɩ nyɩɩtʋ yɑɑ mʋsʋɣʋ kpɛtɛ.

¹⁹Ɩsɔ ɩɩ fɛlǝɣɩ ɩsɑɣɑʋ pǝyɑɣɑ kɛ kɑ cɑɑ ɩsɑɣɑtʋ. Pǝ tɑɣɑ pǝyɑɣɑ ŋkpɑŋʋɣʋ kɛ Ɩsɔ kɑ́ hɔ nɑ cɛcɛ nɩɩ pǝ tɑɑ.

²⁰Pǝ wɛɛ kɛ́ sɩ Tomɑ tǝnɑ tʋ ɩ́ mʋ ɑsɑɣɑɑ mpɛ nɑ pɑ́ɑ́nɑ́ nɑ pɑ́ nɑ́ pɑ wɑkǝlʋɣʋ.

²¹Ye pɑ weesiŋ tɛmɑ cǝnɛ, pɑ piyɑ tɔm ɩɩ tɑsǝɣɩ-wɛɣɛ nɑʋ tɔtɔ.

²²Pɑ kɑɑ nɔkɩ tǝlɛɣɛ Ɩsɔ kɛ hʋlʋɣʋ. Mpi tɔ, ɩnɩ ɩ hʋʋkǝnnɑ ɩsɔtɑɑ tillɑɑ mɑɣɑmɑɣɑ.

²³Nɔɣɔlʋ ɩlɛ, pǝ cɑɣɑnɑ-ɩ kɛ́ nɑ ɩ́ tɔkɩ teu, ɩ fɛɩnɑ nǝɣǝsɛɛ, ɩɩ kpɑtǝlǝɣɩ lɔŋ, nɑ ɩ wɛnɑ tɔnʋɣʋ, hɑlǝnɑ ɩ kɑntǝkɑɣɑ kʋyɑkʋ.

²⁵Amɑ nɔɣɔlʋ nɑ́ sǝkǝnɑ ɩ nɔɣɔ nɑ kɑ nyɑŋ, ɩ tɑ yɔɔlǝnɑ kʋpɑntʋ nɑtǝlɩ.

²⁶Pɑ tǝnɑɣɑ mpʋ mʋsʋɣʋ tɑɑ kɛ́ pɑɑ hǝntɩ nɑ sonsompee wɑɑsɩ pɑ tɔɔ.

²⁷Amɑ, mɑ nyǝmɑ́ mǝ tɑɑ lɑɣɑtʋ, nɑ hʋwɛɛ nnɑ ɩ́ hʋʋkɩ mɑ tɔɔ tɔ.

²⁸Ɩ́ pɔɔsǝɣɩ sɩ toŋtʋnɑɑ nɑ ɑsɑɣɑɑ mpɛ pɑ tɛɛsɩ wɛ le?

²⁹Ɩlɛ ɩ́ tɑ́ pɔɔsɩ mpɑtɔntɑɑ nɑ ɩ́ cɛkǝnɑ mpi pɑ nɑwɑ nɑ pɑ́ yɔɣɔtɩ tɔ?

³⁰Pǝ kentiɣi ɩsɑɣɑʋ tɔɔ kɛ́ ɑsɑɑlɑ kʋyɑkʋ kɛ́, nɑ pǝ́ cɔlɔ-ɩ nɑ Ɩsɔ pɑ́ɑ́nɑ́.

³¹Awe kɑ́ pɔɔsǝnɑ-m tɔntɛ nte mɑ tɔŋ tɔ tǝ tɔɔ? Nɑ ɩ́ lɛɛtɩ-m mɑ ɩsɑɣɑtʋ?

³²Pɑɑ ponɑ-ɩ tǝpinte kɛ́, nɑ pɑ́ feŋiɣi ɩ pǝlɑɑʋ tɔɔ.

³³Yǝlɑɑ tǝnɑ tʋɣʋnɑ cɑŋɑ nɑ pɑ́ tǝŋǝɣɩ ɩ wɑɑlɩ, nɑ pɑ́ kooliɣi-ɩ sɩ: Tɛtʋ ɩ́ lɑ-ŋ kɑɑfɑlɑ.

³⁴Mɛ ɩlɛ, tɔm kpɑɩ nyǝntʋ kɛ ɩ́ hɛɛsǝɣǝnɑ mɑ lɑŋlɛ. Mǝ kʋcɔcɔtʋ tǝnɑ kɛ́ kʋtʋsʋtʋ kɛ́.