Soopu 22

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Ḿpʋ́ɣʋ́ Temɑŋ tʋ Ɩlifɑsɩ cɔwɑ Soopu sɩ:

²Ɩsɔ ɩɩ tɛɛlǝɣɩ yʋlʋ sɩ ɩ́ wɑɑsɩ-ɩ. Amɑ ye yʋlʋ wɛnɑ nyʋɣʋ tɑɑ mɑɣɑsǝm, ɩ tǝɣɩ ɩ wɛɛkɩ teu.

³Nɑ yʋlʋ ɩ́ siɣisɑɑ yɑɑ ɩ tewɑ tǝkpɑtɑɑ, weɣe pǝ wɑɑsǝɣɩ Tomɑ tǝnɑ tʋ?

⁴Pǝ tɑɣɑ nyɑ́ ɩsɔsɛɛlɛ teu tɔɔ kɛ́ ɩ hɔŋ nyɑ́ ŋkpɑŋʋɣʋ nɑ ɩ́ hʋʋkǝnɑ-ŋ.

⁵Nyɑ́ kɑwɑlɑɣɑ kɑtɑtǝlɑɣɑ nɑ nyɑ́ ɩsɑɣɑtʋ tɑm nyǝntʋ tɔɔ kɛ́ Ɩsɔ hɔŋ nyɑ́ ŋkpɑŋŋ.

⁶Mpi tɔ, n mʋkɑɣɑ nyɑ́ tɛɛtʋnɑɑ wontu kɛ tɔlʋmɑ kɛ mʋsʋŋ, nɑ pǝ́ yeki-wɛɣɛ kpɛtɛ.

⁷N pɛmɑ lʋm nɑ tɔɣɔnɑɣɑ kɛ wei lʋkɔtʋ nɑ nyɔɣɔsɩ kɑ pɩɩwɑ tɔ.

⁸Yʋlʋ toŋ tʋ nɑ kɑlɑmpɑɑnɩ tʋ kɑ tǝnnɑ tɛtʋ, nɑ ɩ́ cɑɣɑ tǝ tɑɑ.

⁹N tɔɣɔnɑ leelu kɛ niŋ kɑkpɑsɩ, n pɛlɑ sulɑʋ niŋ.

¹⁰Pǝ tɔɔ kɛ́ kɑtɔsɩ tɑmɑ-ŋ nɑ sɔɣɔntʋ ɑnɑɑm nɑ́ɑ́ tuti-ŋ.

¹¹Sǝkpɛtʋɣʋ nyɑlɑ nyɑ́ tɔɔ, nn nɑɑnɑ tiili, lʋm sɔsɔɔm lipɑ-ŋ.

¹²Ɩsɔ wɛ hɑtoo ɩsɔtɑɑ kɛ́ nɑ ɩ́ tɛɛ ɩsɔtʋlʋŋɑsɩ tɔɔ, nɑ ɩ́ nyǝnǝɣǝnɑ sɩ nyɔɔŋ tɑɑ.

¹³Ɩlɛnɑ nyɑɑ mɑɣɑsǝɣɩ sɩ Ɩsɔ tɑ́ nyɩ pʋlʋ. Ɩ kɑɑ pǝsɩ nɑ ɩ́ tɛɛ ɩsɔŋmʋntʋ tɔɔ nɑ ɩ́ hʋʋnɑ-tʋɣʋ ɑtɛ.

¹⁴Ɩsɔ tɔŋ ɩsɔtɔnʋɣʋ ntompee tɔɔ, nɑ ŋmʋntʋ tɑkɑ ɩ tɔɔ, ɩɩ nɑɑnɑ tiili.

¹⁵N cɑɑ sɩ ń tǝŋ ɑsɑɣɑɑ mpɑɑʋ kʋpǝnʋɣʋ kɛ?

¹⁶Pǝ tɛmɑ-wɛɣɛ kpiisuɣu kɛ́, nɑ pǝ wɑɑtʋ tɑ tɑtɑ, ɩsɩɩ lʋm kuukuɣu koluŋɑ tɔ.

¹⁷Hɑlǝnɑ yǝlɑɑ mpɛ pɑ́ tɔŋ Ɩsɔ Tomɑ tǝnɑ tʋ sɩ: Yele-tʋ tǝpɑmm. Weɣe n pǝsǝɣɩ nɑ ń lɑ-tʋ?

¹⁸Pǝyele ɩnɩ ɩ kɑ hɑɣɑsǝnɑ pɑ tɛɛsɩ nyǝ́mɑ kɛ toŋ. Ɩsɔ ɩ́ ponɑ ɑsɑɣɑɑ lǝmɑɣɑsɛɛ ɑnǝɣɩ pooluŋ.

¹⁹Yǝlɑɑ kʋpɑmɑ nɑ mpɑ pɑ fɛɩ tɔm tɔ, pɑɑ nɑ́ pɑ wɑkǝlʋɣʋ nɑ pɑ́ woŋ-wɛ.

²⁰Pǝ wɑkǝlɑ pɑ kolontunɑɑ nɑ kɔkɔ nyɑɣɑ pɑ wɛnɑʋ.

²¹Tɔʋ, nyɑ́ nɑ Ɩsɔ ɩ́ ciiki nɑ pǝ́ hɛtɩ-ŋ. Wɑɑtʋ ɩnǝɣɩ n kɑ́ nɩɩ leleŋ.

²²Mʋ mɑ kʋsɛɣɛsǝtʋ nɑ ń tɔkɩ mɑ tɔm kɛ nyɑ́ lotu tɑɑ.

²³Lǝsɩ mpi pǝ tɑ siɣisi tɔɣɔ nyɑ́ tɛ, nɑ ń mǝlɩ Tomɑ tǝnɑ tʋ tɛɛ nɑ ɩ́ tɑɣɑnɩ-ŋ.

²⁴Lɔ nyɑ́ wʋlɑ kʋpɑmpɑŋ kɛ ɑtɛɣɛ lɔɔʋ pɛɛ hɛkʋ tɑɑ.

²⁵Ɩlɛnɑ Tomɑ tǝnɑ tʋ pǝsɩ nyɑ́ wʋlɑ, nɑ nyɑ́ liɣitee hɔwɑ.

²⁶Wɑɑtʋ ɩnǝɣɩ ɩ kɑ́ pǝsɩ nyɑ́ leleŋ kʋpɑŋ tǝlɩɩlɛ nɑ ń tɛkǝɣɩ-ɩ niŋ.

²⁷N kɑ́ sǝlǝmǝɣɩ-ɩ nɑ ɩ́ nɩɩkɩ, nɑ ń yoosiɣi nti n kɑ yɔɣɔtɑɑ nɑ ń sɩɩ tɔ.

²⁸Pɑɑ ntiɣi n sɩɩwɑ, n wɑɑkɩ kɛ́, nɑ nyɑ́ mpɑɑʋ hʋlʋmɩ.

²⁹Mpi tɔ, Ɩsɔ tisiɣi kɑlɑmpɑɑnɩ nyǝ́mɑ kɛ́. Ɩlɛnɑ ɩ́ wɑɑsǝɣɩ wei ɩ pɑsǝɣɩ ɩ tɩ tɔ.

³⁰Ɩsɔ kɑ́ wɑɑsɩ wei ɩ tɑ kɛ ɩsɑɣɑʋ tɔɣɔ ɩ tǝnɑŋŋ wɛɛtʋ tɔɔ. Pɑɑ tɑsǝkǝlɛ tʋ ɩ wɑɑsǝɣɩ-ɩ kɛ́. Sɩ ɩ́ tɔ tǝnɑŋŋ tɑɑ, ɩlɛnɑ pǝ́ yɑ ɩ nyʋɣʋ.