Job 18

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Hichun Shuh mi Bildad chunadonbut in:

²Nathusei nangah masang a ichan sauva nasei nahlai ding ham? Ka donbut diu nadeija ahile chihna thu seijin.

³Nangin keiho gamsa ho sanga phajomaimaijaneigeluham? Nangin keiho hi mingol a nei ngai tou ham?

⁴Nalung han man in nalu jang sam chu botchai theijin nate, ahinlah hichunleisetasuhmangthei ding ham? Songpi ho akithin sah theiding ham?

⁵Tahbeh in migilou te thaomei kimut mit peh intin ameikong jeng u jong vah doh lou ding ahi.

⁶Aponbuh uva athaomei jengu jong hung thim ding ahi, achung lang uva kikhai thaomei jong kimutmit ding ahi.

⁷Migilouvin ama kama kitahsan tah a akalson nau kisuhchom peh ding, amaho thilgon mama a chu kipal lhu diu ahi.

⁸Migilou chu lenna a-oh in kokhuh sunga alhalut jiuve.

⁹Thang kikam chun akhotal jum u akhit khan thang chun akhit chah kheh e.

¹⁰Khaokol chu tolla akisel den nalaijin, alampiuva khao akijung galkai peh e.

¹¹Migiloute chu kichat tijat nan aum kimvel un chule akalson jouse asuboi jie.

¹²Akelthoh u chun athao asulhom in chuleh vangset nachun amaho kipal lhuh ding chu anga ahi.

¹³Natna in ativun u anen, thinanatibah u aval lhum tai.

¹⁴Ahoidoh nau ainuva konnakibotkhen uva, chule kichat umtahlengpa henga chun akipui lha tauve.

¹⁵Migiloute in chu kihal lha a ainchung uva kath le meikong akijuhlhah sah e.

¹⁶Ajungu golha a abah u jonggoplha ding ahi.

¹⁷Aum ingo kihetna ho jouseleisetna konna mangthah ding ahin, koima chan amaho min chu ageldohkit lou ding ahi.

¹⁸Khovah a konna muthim lah akisep lut ding ahiuvin vannoi leiseta konna kidel manga ahi tauve.

¹⁹Amahon chate hihen tutehijongle anei tahlou ding u ahi, achennau gamsung a hung chengding son leh pah hung beihel ding ahi.

²⁰Nilhum lam miten avangsetdiu akichat peh un, solam amiteakichauve.

²¹Hichehi migilou Pathen neiloutechenna mun ahi tin hin seiju vinte.