Soopu 16

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Ḿpʋ́ɣʋ́ Soopu cɔwɑ sɩ:

²Tɑm kɛ́ mɑ nɩɩkɩ tɔmnɑɑ pɑnɛwɛ. Mǝ tǝnɑ ɩ́ kɛ́ lɑŋɑ hɛɛsǝlɑɑ mpɑ pɑ kɔŋnɑ wɑhɑlɑ tɔɣɔ.

³Pǝlee kɛ́ tɔm kpɛtɛ nyǝntʋ ntɩ tɩɩ sɩɩ tǝnɑɣɑ? Pepe tɔɔ kɛ́ pɑ́ɑ́nɑ́ sitɑ nyɑ́ kʋcɔcɔtʋ tɑɑ?

⁴Ye mɑɑ wɛnnɑ ɩsɩɩ mɛ, mɑ pǝsǝɣɩ mɑ́ yɔɣɔtɩ mpʋ tɔtɔɣɔ, hɑlɩ pǝ́ tɛɛ mpʋ. Mǝ tɔm lɑpɑ-m pǝtɔɔtǝlɛ, nɑ mɑ́ kpɛɛtɩ nyʋɣʋ.

⁵Hɑlɩ mɑɑ kpɑɑsɑ mǝ ɑpɑlʋtʋ, nɑ mɑ kʋyɔɣɔtʋtʋ nɑ pǝ́ hɛɛsɩ mǝ lɑŋɑ.

⁶Pɑɑ mɑɑ yɔɣɔtɩ yɑɑ mɑ sumɑ, mɑ wɑhɑlɑnɑɑ kɑɑ sɩɩ tǝnɑɣɑ, yɑɑ pɑ́ tɩɩ pɑsʋ.

⁷Hɑɩ Ɩsɔ, tɔʋ, nɔɔnɔɔ n yɔkɑ mɑ tomɑ nɑ ń kpiisi mɑ tǝyɑɣɑ tǝnɑ.

⁸Mɑ cɔlɔ nyǝ́mɑ cɑɑlǝɣɩ-m kɛ́. Nɑ wei ɩ yɑsǝɣɩ mɑ ɩsɑɣɑtʋ tɔ, ɩ́ pǝsɩ mɑ ɑseetɑ tʋ nɑ ɩ́ kʋlǝɣɩ mɑ tɔɔ, nɑ ɩ́ kɑlǝɣǝnɑ-m mɑ ɩsɛntɑɑ.

⁹Mɑ kolontu cɩɩlǝɣɩ-m ɩsɛ, nɑ ɩ́ kpɑsǝɣɩ mpee, nɑ ɩ́ tiiki mɑ tɔɔ nɑ pɑ́ɑ́nɑ́, nɑ ɩ́ cǝlǝɣɩ-m.

¹⁰Yǝlɑɑ hɑɑwɑ nɔɔsɩ tǝcɑɑɑ, nɑ mɑ tɔɔ, nɑ pɑ́ tʋʋkɩ-m nɑ pɑ́ mɑkɩ mɑ lǝkpɑɑsɩ. Pɑ pɛɛlɑ nɔɣɔ kɛ mɑ tɔɔ.

¹¹Ɩsɔ tʋ-m kʋtɑkɛɛsǝŋ kɛ́ nɑ ɩ́ pɛtɩ-m ɑsɑɣɑɑ niŋ tɑɑ.

¹²Mɑɑ wɛ hɛɛsʋɣʋ tɑɑ kɛ́ nɑ ń pǝsɩ mɑ lɑŋlɛ. N kpɑ mɑ lumɑɣɑ kɛ́ nɑ ń pɛlɩ-m, nɑ ń kɛɛsǝɣǝnɑ-m nɑ ń tɔɔkɩ nyɑ́ nyǝmɑ́.

¹³Nyɑ́ nyǝmɑ́ ɑnɩ ɑ tɑmɑ-m kotɑɣɑ kɛ́ nɑ ɑ́ tʋlɩ mɑ lotu nɑ pǝtɔɔtǝlɛ fɛɩ, hɑlɩ mɑ kɑncǝlɑɣɑ kpe ɑtɛ.

¹⁴A tiiki mɑ tɔɔ kɛ́ ɩsɩɩ yoolu nɑ ɑ́ tʋlǝɣɩ-m pɔɔŋ.

¹⁵Mɑ suu fɔlǝtɔ tɑkɑnɑɑ mpɑ pɑ kɛ́ lǝyɑɣɑ wontu tɔɣɔ, nɑ mɑ́ pilimiɣi ɑtɛ.

¹⁶Wulɑ sɛɛsɑ mɑ ɩsɛ kɛ́ nɑ ɑ́ mʋlɩ, nɑ ɑtɛtǝlɛ sǝkpɛtʋɣʋ tɑkɩ mɑ ɩsǝhutu tɔɔ.

¹⁷Anɩ mɑ tɑ lɑ mʋsʋŋ, pǝ́cɔ́ mɑ tɑ sǝlǝmǝnɑ mǝnɑɑfikitʋ.

¹⁸Hɑɩ, tɛtʋ, tɑɑ pi-m. Yele nɑ mɑ kɑkiisɑɣɑ nɩɩkɩ tɑm.

¹⁹Pǝ kpɑɣɑʋ nɔɔnɔɔ tɔ, ɩsɔtɔnʋɣʋ tɑɑ kɛ́ mɑ ɑseetɑ tʋ wɛɛ. Wei ɩ cɔɔkɩ-m tɔ hɑtoo ɩsɔtɑɑ kɛ́ ɩ wɛɛ.

²⁰Mɑ tɑɑpɑlɑɑ nɑ́ pɑɑkǝnɑ-m kɛ́. Amɑ Ɩsɔ kɛ́ mɑ tekiɣinɑ ɩsǝlʋm.

²¹Mɑ cɑɑ sɩ nɔɣɔlʋ ɩ́ sɛɛnɑ mɑ tɔɔ, nɑ Ɩsɔ nɑɑkɩ ɩsɩɩ yʋlʋ lɑkʋɣʋ ɩ tɑɑpɑlʋ tɔ.

²²Mpi pǝ tɔɔ tɔ, pɑ kɑlɑ mɑ weesuɣu pɩɩsɩ. Mɑɑ tǝŋ mpɑɑʋ ŋku nɑ mɑ tɛɛ tɔ, kʋmǝlʋɣʋ fɛɩ.