Job 18

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Degine, geb Bildad Súah-neggweburgined, Job-abin-sogded:

²“¿Sana be sunmaked bogilegoe? Binsaed-nikaa be sunmakena, anmar nuedgi sunmaksaled.

³¿Ibiga ibdulamaryob be anmar-dake? ¿Ibiga binsaedsurmaladyob be anmar-dake?

⁴Ar be urwed doggussoggu, abali, na be dukin wionaid. ¿Ar degidbali, napaneg swiri naguoye be binsasi? ¿Ar be-sogedba akwamar ainiroye be binsasi?

⁵”Ar dule-isganamar-e-gwallu akitoed, e-soo-gaedi baligaosulid.

⁶Dule-isgana-e-neguyagine neg sichiledoed, e-gwallu-gasiid akitoed.

⁷Dule-isgana gandikidba-nanaed bergudoed, degine, e-igar-mesisadgi dukin yardaklegoed.

⁸Na e-nanadiidba dukin yardakledii guoed, dukin e-sakigi galenai guoed,

⁹e-nagmatarba galegoed, egi bar noosulid, bela egi apurnai guoed.

¹⁰Dule-isgana-iduale, napagi dukuar dub bukwad, adi, nadapile, egi galegegar.

¹¹Dule-isganaga neg-gwayed nagunonikid, gwayed eba sorba gudiguad.

¹²Bonigan-egi-yoleged bogigunaisulid, dule-isgana ukudba belagus nadapid.

¹³E-ukamar, boniganse ibitonaid, e-arganmar, e-nagmar, burgwedanikid.

¹⁴Dule-isgana na neguyagi-baisur-binsadiid bergusad, emisgindina, burgwed-igarse nadapsunnad.

¹⁵Dule-isgana-e-neguya, soo-sailase bela ibitosad. E-ibmar-nikadi, soo-azufreʼse bergusad.

¹⁶Igi sapi-saila, e-malimar, e-anagan, dinguddae, debayobi, dule-isgana gued.

¹⁷We-napneggi bar dule-isganagi binsalegosulid, e-nug-dummarba-megisad bela bergunonikoed.

¹⁸Dule-isgana neg-meegwadgi-gudiidi, negasichidse barmelledoed, we-napneggi-gudiidgi ononnolegoed.

¹⁹Dule-isgana na e-neggweburgi mimmigan, gwen obegosulid, e-gudigusadgi, gwenadgan gwen obegosurbalid.

²⁰Dulemar dad-nakwedsik-bukwamaladi, degine, dad-argwanedsik-bukwamaladi, dule-isgana-deyob-gusad geger itomaloed. Degisoggu, gwayed egi nagunonimaloed.

²¹Weyob dule-isgana bergued, dulemar-Bab-Dummad-akudakdimalad weyob bergued.”