Soopu 6

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Mpʋɣʋlɛ Soopu cɔwɑ sɩ:

²Ye pɩɩ wɛ pǝsʋɣʋ sɩ pɑ́ mɑɣɑsɩ mɑ wʋsɑsɩ nɑ mɑ wɑhɑlɑ tɔɔʋ,

³pɩɩ kǝlɑ lʋm nɔɣɔ kɑnyǝŋɑ kɛ yuŋ. Pǝ tɔɔ kɛ́ pǝ yɔɣɔtǝɣɩ-m yem yem.

⁴Tomɑ tǝnɑ tʋ yɑɣɑ-m nyǝmɑ́, nɑ ɑ sɔtʋ sʋʋ-m. Nɑ Ɩsɔ sɔɣɔntʋ pɩɩ-m.

⁵Kpɑŋɑɣɑ ɩɩ wiiki kɑ tɔɣɔnɑɣɑ kʋpɑŋkɑ kiŋ. Pǝyele nɑʋ ɩɩ mʋtǝɣɩ nyɩɩtʋ tǝtɔɣɔlɛ.

⁶Yʋlʋ ɩɩ pǝsǝɣɩ nɑ ɩ́ tɔɣɔ ɑkpofu pʋlʋpʋ. Pǝyele yɑtɛ lʋm kʋhʋlʋmǝm sǝpɑ yem kɛ́ tǝtɔtɔtɔ.

⁷Mpi pɩɩ wɛ mɑɣɑ ɑcɑɑlǝtʋ nɑ mɑ tɑɑ kpǝtǝɣǝnɑ tɔ, mpǝɣǝlɛ mɑ tɔɣɔnɑɣɑ*fɑ*.

⁸Hɑɩ, ye Ɩsɔ kɑ mʋkɑɣɑ mɑ kʋsʋlʋmʋtʋ nɑ ɩ́ lɑ-m mpi mɑ tɛɛlǝɣɩ tɔ.

⁹Ye ɩ kɑ tisɑɣɑ sɩ ɩ́ tǝlǝkɩ-m, nɑ ɩ́ kʋsɩ ɩ niŋ kʋkentiŋ kɛ mɑ tɔɔ.

¹⁰Mɑɑ pɑɑnɑ lɑŋhʋlʋmlɛ, nɑ mɑ́ nyɔɔ toŋ kɛ wɑhɑlɑnɑɑ pɑnɛ pɑ tɑɑ. Mɑ tɑ cɔlǝsɩ Ɩsɔ Nɑŋŋtʋ kʋyɔɣɔtʋtʋ kɛ tiili.

¹¹Pepe tɔɔ kɛ́ mɑɑ tɛɛlɩ nɑ mɑ́ fɛɩnɑ toŋ? Yɑɑ mɑ́ tɑsɑ tɑŋʋɣʋ nɑ mɑ tomle tɑmɑ?

¹²Mɑ tomɑ tɑ kɛ pǝlɛ yɑɑ nyǝɣǝlʋɣʋ kʋsɛɛmʋɣʋ nyǝnɑ.

¹³Mɑ fɛɩnɑ toŋ nɩɩlɩ, pǝ́cɔ́ mɑ fɛɩnɑ wei ɩ kɑ́ yɑ mɑ nyʋɣʋ tɔ.

¹⁴Pǝ wɛɛ sɩ kʋnyɔntɔɣɔlʋ tɑɑpɑlʋ ɩ́ lɑpɩ-ɩ kʋpɑntʋ kɛ́. Pǝ́ tɑɑ kɔɔ nɑ ɩ́ lɔ́ Tomɑ tǝnɑ tʋ.

¹⁵Amɑ mɑ tɑɑpɑlɑɑ yɔɔlɑ mɑ ɑpɑlʋtʋ kɛ́ ɩsɩɩ lɔɔʋ ŋku kɩɩ lɑɑ nyɔɔʋ tɔ.

¹⁶Wɑɑtʋ wei tɛʋ tɔmpɛɛ hooki ɩlɛnɑ lɔɔŋ ɩnɩ ɩ́ su.

¹⁷Hɑŋɑɣɑ kɔŋ ɩlɛnɑ ɩ́ nyɔɔ. Nɑ ilim nyɑɣɑ ɩlɛnɑ lɔɔŋ wʋlɩ.

¹⁸Lʋkɔtʋ pɩɩkɩ mpɑtɔntɑɑ ɩlɛnɑ pɑ́ yele pɑ mpɑɑʋ nɑ pɑ́ sʋʋ nyɩɩtʋ nɑ pɑ́ le nɑ pǝ́ sɑɑlɩ.

¹⁹Temɑ tɔntɑɑ nɑ Sɑpɑ nyǝ́mɑ pɑ yɑsǝɣɩ ɩsɛ nɑ pɑ́ pɛɛkǝɣɩ lʋm nɑ ɩsǝlɛ kʋsɛɛmlɛ.

²⁰Pɑ tɑlɑ lɔɔʋ, ɩlɛnɑ pǝ́ yeɣeti-wɛ, nɑ fɛɛlɛ kpɑ-wɛɣɛ pɑ ɩsǝlɛ sɛɛsʋɣʋ tɔm.

²¹Mɑ tɑɑpɑlɑɑ mɛ ɩ́ wɛ-m teitei kɛ́ ɩsɩɩ lɔɔʋ ŋkʋ. Ɩ́ nɑɑkɩ mɑ wɑhɑlɑ nɑ sɔɣɔntʋ pɩɩ-mɛ.

²²Mɑ tɑ sǝlǝmɩ-mɛɣɛ pʋlʋ, yɑɑ sɩ ɩ́ hɑ-m kʋhɑʋ nɑkʋlɩ.

²³Yɑɑ ɩ́ fiti-m kolontunɑɑ niŋ tɑɑ, yɑɑ ɩ́ wɑɑsɩ-m ŋmɑkǝllɑɑ niŋ tɑɑ.

²⁴Ɩ́ sɛɣɛsɩ-m, mɑɑ su nɑ mɑ́ nɩɩ. Ɩ́ hʋlɩ-m timpi mɑ wɑkǝlɑɑ tɔ.

²⁵Yʋlʋ nɩɩkɩ tɑmpɑnɑ kʋyɔɣɔtʋtʋ kɛ́ nɑ ɩ́ tisi. Amɑ mɑ tɑɑpɑlɑɑ kɑlǝnɑʋ nɑ́ɑ́ wɑɑsǝɣɩ pʋlʋ.

²⁶Ɩ́ mɑɣɑsǝɣɩ sɩ ɩ́ footi mɑ kʋyɔɣɔtʋtʋ nɑ ɩ́ nyǝnɩ yem kɛ́ nɑɑni fɛɩ tʋ mɑ́ nɑ?

²⁷Hɑlɩ ɩ́ tɔɔkɩ tɛtɛ kɛ́ sulɑʋ tɔɔ nɑ ɩ́ kpɛŋǝɣǝnɑ mǝ ceu mɑɣɑmɑɣɑ nɑ ɩ́ pɛɛtǝɣɩ.

²⁸Ɩ́ nyǝnɩ-m teu nɑ ɩ́ nɑ́, mɑɑ looliɣi-mɛ.

²⁹Ɩ́ su, kʋtɑkɛɛsǝm ɩ́ tɑɑ kɔɔ, Ɩ́ su, mpi tɔ, mɑ wɛ mɑ tɑmpɑnɑ tɑɑ kɛ́.

³⁰Mɑɑ yɔɣɔtǝɣɩ ɩsɑɣɑtʋ, pǝyele kʋwɑkǝlǝtʋ ɩɩ lɩɩkǝnɑ mɑ nɔɣɔ.