Job 18

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Shuhi Bildad loh a doo tih,

²“Olthui kah taikhaihnah te me hil nim na khueh ve. Yakming lamtah a hnukah thui sih.

³Balae tih rhamsa bangla nan poek, na mikhmuh ah ka angvawk a?

⁴A thintoek ah amah hinglu pataeng a baeh ta. Diklai loh a hnoo tih lungpang te a hmuen lamloh a thoeih akhaw nang hut a?

⁵Halang rhoek kah vangnah ngawn tah thi tih a hmai te hmaihli bang lam pataeng aa pawh.

⁶Vangnah khaw a dap khuiah hmuep tih a hmaithoi khaw amah taengah a thih pah.

⁷A thahuem kah khokan pataeng caek tih a cilsuep loh amah a voeih.

⁸A kho loh lawk khuila a tueih tih sahamlong khuila a pongpa sak.

⁹A khodil te pael loh a tuuk tih amah te kokthah dongah man.

¹⁰A rhuihet te diklai dongah a tung tih, a sutaeh te a hawn ah a khueh pah.

¹¹Anih te mueirhih loh a kaepvai ah a let sak tih a kho ah taekyak uh.

¹²A boethae ah bungpong la om tih a cungdonah hamla rhainah khaw a sikim pah.

¹³Dueknah caming a vin saa a caak pah tih a rhuhrhong a hnom pah.

¹⁴A pangtungnah a dap lamloh a poh tih mueirhih manghai taengla a luei sak.

¹⁵Amah kah pawt long khaw anih kah dap ah kho a sak tih, a tolkhoeng te yam a phul thil.

¹⁶A yung khui ah koh tih a so duela a pae khaw ngat.

¹⁷Anih poekkoepnah te diklai lamloh paltham tih a ming te rhamvoel hmai ah om pawh.

¹⁸Anih te vangnah lamloh a hmuep la a thaek uh tih anih te lunglai lamloh a poeng sak uh.

¹⁹A taengah a ca tal tih a pilnam taengah a cadil om pawh. A lampahnah ah khaw rhaengnaeng om pawh.

²⁰Amah tue vaengah pong tih a hnuk a hmai la hlithae loh a tuuk.

²¹He tah boethae kah dungtlungim tih Pathen aka ming pawt kah a hmuen khaw he tlam ni,” a ti nah.