Soopu 12

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Mpʋɣʋlɛ Soopu cɔwɑ sɩ:

²Pʋwɛ! Amɑ ɩ́ wɛnɑ yʋlʋ lǝmɑɣɑsɛɛ yoo! Mǝ sǝm wɑɑlɩ, ɑ kɑɑ tɑsɑ wɛɛʋ.

³Mɑ́ mɑɣɑmɑɣɑ mɑ wɛnɑ nyǝmtʋ kɛ ḿpʋ́ɣʋ́ ɩsɩɩ mɛ, ɩ́ tɑ́ tɛɛ-m. Pɑɑ ɑwe nɑ́ pǝsǝɣɩ nɑ ɩ́ yɔɣɔtɩ ɩsɩɩ mɛ.

⁴Mɑ pǝsɑ yʋlʋ wei ɩ tɑɑpɑlɑɑ pɑɑkǝnɑ tɔɣɔ. Pǝyele mɑ yɑɑkǝnɑ Ɩsɔ sɩ ɩ́ cɔ-m. Mɑ siɣisɑɑ kɛ́ mɑ fɛɩ kɑwɑlɑɣɑ.

⁵Mɛ mpɑ pǝ cɑɣɑnɑɑ tɔ, mǝ footiɣi wɑhɑlɑ tʋ kɛ́. Ḿpʋ́ɣʋ́ pɑ́ tusiɣi wei ɩ cɛŋlǝɣɩ tɔ.

⁶Nmɩɩlɑɑ nɑ Ɩsɔ pɑ́ɑ́nɑ́ kpɑɑsǝlɑɑ, cɑɣɑnɑ pɑ tǝɣɩ pɑ tɛɛsɩ tɑɑ kɛ́. Mpɛ pɑ toŋ ntɛ́ pɑ Ɩsɔ.

⁷Pɔɔsɩ sumɑsɩ nɑ tɔlɑ nɑ tiinɑ ɑ kɑ́ sɛɣɛsɩ-ŋ, nɑ tɛtʋ hʋlɩ-ŋ tɔtɔ.

⁹Kʋŋmɑŋmɑm mpi pǝ tɑ nyǝnɑ sɩ, Tɑcɑɑ niŋ lɑpǝnɑ pǝ tǝnɑ?

¹⁰Ɩnɩ ɩ tɔkǝnɑ ɩ kʋlɑpǝm tǝnɑ weesuɣu, nɑ yǝlɑɑ tǝnɑ feesiŋ kɛ ɩ niŋ tɑɑ.

¹¹Ɩsɩɩ ŋkpɑŋʋɣʋ nɩɩkʋɣʋ tɔm kʋyɔɣɔtʋtʋ tɔ, ḿpʋ́ɣʋ́ nɔɣɔ nɑ́ nɩɩkɩ tɔɣɔnɑɣɑ leleŋ.

¹²Akpɑtǝlɑɑ nɑ mpɑ pɑ pɩɩsɩ tɔɔwɑ tɔ, pɑ wɛnɑ lǝmɑɣɑsɛɛ nɑ nyǝm kɛ́.

¹³Amɑ Tɑcɑɑ kɛlɛ lǝmɑɣɑsɛɛ nɑ nyǝm mɑɣɑmɑɣɑ tʋ, nɑ lɑɣɑtʋ tɑsʋlʋ nɑ toŋ tʋ.

¹⁴Ye ɩ yɔkɑ mpi, nɔɣɔlʋ kɑɑ ŋmɑ́, ye ɩ tǝkɑ wei, nɔɣɔlʋ kɑɑ tʋlɩ-ɩ.

¹⁵Ye ɩ kpɑ tɛʋ, ɩlɛ wʋlɑɣɑ wʋlɩ. Ɩ́ tʋlɑ-kʋ, ɩlɛ lʋm wɑkǝlɩ tɛtʋ.

¹⁶Ɩ wɛnɑ tomɑ kɛ́ nɑ ɩ́ nyǝmɑ́ ɑ lɑpǝnɑʋ, nɑ ɩ́ tɔkɑ letɑɑ nɑ mpɑ pɑ tolisiɣi lɛlɑɑ tɔ.

¹⁷Ɩ yeki nɑ pɑ́ kuuki tɛtʋ nyʋɣʋ nyǝ́mɑ, nɑ pɑ́ tɛɛkǝnɑ. Ɩ wɑkǝlǝɣɩ hʋʋlɑɑ lǝmɑɣɑsɛɛ.

¹⁸Nɑ ɩ́ cɛkɩ kʋhɔkʋm mpi ɑwulɑɑ kɑ hɔkɑ yǝlɑɑ tɔ, nɑ ɩ́ hɔkǝɣɩ pɑ mɑɣɑmɑɣɑ.

¹⁹Ɩ yeki nɑ pɑ́ kuuki kɔtǝlɑɑ, nɑ ɩ́ pǝsǝɣɩ toŋtʋnɑɑ mpɑ pǝ cɑɣɑnɑ teu tɔɣɔ kpɛntǝlɑsɩ.

²⁰Ɩ tǝkǝɣɩ nɔɔleleŋ nyǝ́mɑ nɔɔsɩ, nɑ ɩ́ kʋɣɩ ɑkpɑtǝlɑɑ lǝmɑɣɑsɛɛ.

²¹Ɩ yeki nɑ pɑ́ footiɣi sɔsɑɑ, nɑ ɩ́ yɔkǝɣɩ ŋmɑkǝllɑɑ toŋ.

²²Ɩ cɛkɩ pɑ sǝkpɛtʋɣʋ ɑnɑɑm kɛ́, nɑ ɩ́ kɔnɑ nyɑɑlǝm kɛ ɑtɛtǝlɛ sǝkpɛtʋɣʋ tɑɑ.

²³Ɩ yeki kɛ́ nɑ piitimnɑɑ huki, ɩlɛnɑ ɩ́ wɑkǝlɩ-wɛ nɑ ɩ́ yɑsɩ-wɛɣɛ pooluŋ, ɩlɛnɑ ɩ́ kpiisi-wɛ.

²⁴Ɩ kʋɣɩ pɑ nyʋɣʋ nyǝ́mɑ lɑɣɑtʋ, nɑ pɑ́ cɔɔkɩ yem kɛ́ nyɩɩtʋ tɑɑ, pɑ fɛɩnɑ tǝpote.

²⁵Pɑ hɑkǝɣɩ yem kɛ́ sǝkpɛtʋɣʋ tɛɛ, nyɑɑlǝm fɛɩ, nɑ pɑ́ cɛŋlǝɣɩ yem ɩsɩɩ mpɑ sʋlʋm kʋwɑ tɔ.