Soopu 27

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Mpʋɣʋlɛ Soopu kpɑɣɑ ɩ kʋnyɔwiinɑ sɩ:

²Mɑ tuukinɑ weesuɣu tʋ Ɩsɔ Tomɑ tǝnɑ tʋ. Wei ɩ pɛŋɩ-m tɑmpɑnɑ, nɑ ɩ́ wɑkǝlǝɣɩ mɑ lɑŋlɛ tɔ.

³Ye mɑ weesuɣu kɑɑsɑɑ, nɑ Ɩsɔ feesiŋ wɛ mɑ mɩɩnɑ tɛɛ.

⁴Mɑ ntompee kɑɑ yɔɣɔtɩ ɩsɑɣɑtʋ. Pǝyele mɑ nsǝmlɛ kɑɑ lǝsɩ pɔpɔtʋ tɔm nɑtǝlɩ.

⁵Mpusi ɩ́ polo pooluŋ, nɑ mpi mɑɑ hɑ-mɛɣɛ tɑmpɑnɑ tɔ. Hɑlǝnɑ mɑ sǝm, mɑ kɑɑ kisi hʋlʋɣʋ sɩ mɑ fɛɩnɑ tɑɑlɩ.

⁶Mɑ tɔkɑ mɑ tɑmpɑnɑ kɛ́, mɑ kɑɑ yele. Pǝyele mɑ kʋyɛɛŋ tɔm fɛɩ-m fɛɛlɛ kɛ mɑ tɑɑ.

⁷Pǝ́ pǝsɩ mɑ kolontu kɛ ɩsɑɣɑʋ, nɑ pǝ́ pǝsɩ mɑ tɔɔ kʋllʋ kɛ wei ɩ fɛɩnɑ tɑmpɑnɑ tɔ.

⁸Ye Ɩsɔ tɑmɑ ɩsɑɣɑʋ tomle nɑ ɩ́ lǝsɩ ɩ weesuɣu, pepeɣe ɩ tɑsǝɣɩ tɛɛlʋɣʋ?

⁹Ye lɑŋwɑkǝllɛ mɑɣɑnɑ-ɩ Ɩsɔ kɑɑ nɩɩ ɩ wulɑ.

¹⁰Pɩɩ wɛɛ sɩ Tomɑ tǝnɑ tʋ kɛ ɩ lɑŋlɛ ɩ́ hɛɛnɑ nɑ ɩ́ sǝlǝmǝɣɩ-ɩ tɑm.

¹¹Mɑɑ sɛɣɛsɩ-mɛɣɛ Ɩsɔ mpɑɑŋ tɔm mɑ kɑɑ ŋmɛsɩ-mɛɣɛ mpi pǝ pǝlɛ Tomɑ tǝnɑ tʋ tʋwɑ tɔ.

¹²Amɑ pɑ tǝnɑ pɑ nyǝmɑ́ nti tǝ wɛɛ tɔ. Ɩlɛ pepe tɔɔ kɛ́ pɑ yɔɣɔtǝɣɩ tɔm kpɛtɛ nyǝntʋ?

¹³Mpi Ɩsɔ Tomɑ tǝnɑ tʋ sɩɩwɑ sɩ yʋlʋ ɩsɑɣɑʋ tete, nɑ mʋsʋntʋ kpɑncoou tɔɣɔlɛ sɩ:

¹⁴Ye ɩ piyɑ hukɑɑ, yoou kɑ́ kʋnɑ-wɛ. Pǝyele tɔɣɔnɑɣɑ kɑɑ tɑlɑ pɑ piyɑ piyɑ.

¹⁵Yʋlʋkʋsǝkʋ kɑ́ kʋnɑ mpɑ pɩɩ sɔɔ tɔ, pɑ leelɑɑ kɑɑ wii-wɛ.

¹⁶Ye ɩ kɑɑwɑ liɣitee ɩsɩɩ kɑnyǝŋɑ, nɑ wontu ɩsɩɩ ɑfǝlɑ.

¹⁷Siɣisilu kɑ suunɑ-tɩ, nɑ yʋlʋ kʋpɑŋ nɑ́ɑ́ tɔɣɔ ɩ liɣitee.

¹⁸Ɩ tǝyɑɣɑ wɛ kɛ́ ɩsɩɩ huu huukuɣu tɔ, yɑɑ ɩsɩɩ tɑŋlʋ sikuɣu cokǝle tɔ.

¹⁹Ɩ hǝntʋɣʋ wɑɑtʋ, ɩ kɛ́ liɣitee tʋ. Amɑ ɩ kɑ́ feŋ tɔ, ɑ́ mʋkɑ yem.

²⁰Lɑŋwɑkǝllɛ tutiɣi-ɩ kɛ́ ɩsɩɩ lʋm, nɑ kɑcuculɑɣɑ nɑ́ɑ́ kpɑɣɑ-ɩ ɑhoo tɑɑ.

²¹Ilim tǝlɩɩlɛ heelim lǝsǝɣǝnɑ-ɩ ɩ tǝcɑɣɑlɛ nɑ toŋ, nɑ pǝ́ kɛlɩ nɑ pǝ́ tɛɛnɑ.

²²Pɑ tɔɔkɩ-ɩ nyǝmɑ́ kɛ́ nɑ pǝtɔɔtǝlɛ fɛɩ, nɑ ɩ́ kɑɑsǝɣɩ ɩ tɩ sɩ ɩ́ se.

²³Ɩlɛnɑ ɩ nɑlɑɑ kpɑsǝɣɩ ɑmʋkʋŋ kɛ ɩ tɔm, nɑ pɑ́ hʋlǝɣɩ kɑcʋɣʋlɑsɩ.