Job 41

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Bab-Jehová weyob sogdebalid: “¿Sunna be ibdula-Leviatánʼye-nugadi, achwergi be sosale? ¿We-ibdula-e-gwabin sunna dubgi be edichale?

²¿Sunna e-asumurgi dub be nasiksale? ¿E-aku sunna esgoro-swiswidikidgi be boodo imaksale?

³Ar we-ibdula-Leviatánʼde, ¿nuedgi bese ibmar-egisosi? Ar bega sogosi, wile be an-dakye.

⁴Ar be-maiga-guega, ¿bebo igar-mesosi?

⁵¿Sikwibo-dodolegeyob be we-ibdulabo dodosale? ¿Be-bunamala egi dodogega, ega be dubgi edichale?

⁶¿Sunna dule-ibmar-ukmaladi we-ibdula uksamalale? ¿Sunna dule-ibmar-ukmaladi ibdula-Leviatán-goamakar uksamalale?

⁷¿Sunna we-ibdula-e-uka esgi-siksar be itoge? ¿Sunna arbon-suargi-makar e-nono bayosar be itoge?

⁸Ese be achaena, ebo be urwena. Ar bar be ese achaedgi binsassuliled, mer bar deyob guena gadinye be binsasaled.

⁹Mer be binsao, an we-ibdula baisursunna gaoye, unnila e-daklegedbi unnid. Ar unnila be dakdele, bato be negoedbinneled.

¹⁰We-ibdula-Leviatánʼse dule gege achaed. Degite, ¿doa an-abindi nabir gwisguosunna?

¹¹Ar bela napneggi-ibmar-bukwadi angadbiid. Degisoggu, doa anga sogosunna, be angi ibmar ganiye.

¹²”Ibdula-Leviatán-e-malimargi an sunmakergebed, e-gargangued-dutusulidgi, e-dakleged-yeerdunguedgi an sunmakergebed.

¹³¿Doa e-ibe e-uka edarisale? ¿Doa ese warmaksale? ¿Doa e-ibe e-gaya edichabalile?

¹⁴Ibdula-Leviatán-e-nugarmar-swiswimakaled-dakegala, ¿doa e-ibe e-gaya-mee imakoe?

¹⁵Ibdula-Leviatán-e-yargan, sigu-abgaed-senigana-daklegeyob madar-madar nanaid, akwayob dachak-dachak nanaid.

¹⁶Bela e-ukamar-madar-madar-nanaidgi ollor naisulid, degine, burwabela egi geg doged.

¹⁷Bela e-ukamar-abingunanaid, ise achamakar nanaid. Gege dule e-ibe ollo-ollo imaked.

¹⁸We-ibdula-Leviatán asmidele, mar-ibyeyob asmied. E-ibya-gaedi, dad-ibelergaeyob gaed.

¹⁹E-gayabali, soo gwabunyeardaed, ditismakar soo ainiardaed.

²⁰E-asa-yabali, waa bupurmakardaed, dii-gwakwarmaknaid-birgi waa-bupurmaknaidyobi bupurmakardaed.

²¹E-bunnogedgi soo ogaed, e-gaya-yabali, soo mied.

²²Ibdula-Leviatán-e-gargangued e-dukargi siid, e-abinni bela dulemar niga argwatedamalad.

²³E-san-nikadi sommereged, egi geg ibmar doged. E-sanmar-bur-dutugwadbela, amba selelleged.

²⁴Ibdula-Leviatán-e-binasgar akwayob dutusulid, ibmar-gwag-naged-akwayob gangued.

²⁵Ibdula gwisgudele, ese gwakiddamalad. Binnasurgualile, bela idu duurmakdedamalad.

²⁶Es-suid egi gwisgunonikile, gege bayoged. Arbon-suarmarbela, sigubela, degi, ibmar-swiswidikidbela, gwen bayosulid.

²⁷Ibdula-Leviatán esgoro-suar gaganyobi ibigwensur daked esgoro-gordikidbela urgo-nunudyob daked.

²⁸We-ibdula-Leviatán sigumar dobsulid, akwamied-dubgi-akwa-milegedbela ibmar-dutukwayob daked.

²⁹Mardo-dummadgi sarsolenaile, baisur-itoged, egi gagan iir-iir-gunaiyob itoged, eswar-suid-goled yeer-itodaed.

³⁰Ibdula-Leviatán-e-dikarmar nugaryobi swichwi-swichwi dakleged. Unimakdedibele, gwala-esgorobiidgi neg-durwilesayob e-gannarmar megisdaed.

³¹Ibdula dii-urba-burdidele, dii-gwakwarmaknaiyob neg-imaked, ina-wawad butegi-sik-sik-imaklenaidyob neg-imaked.

³²E-sorbali, e-igar dagudik diigi megisdaed, sailagia-sibudikidyob e-igar makumakar megisdaed.

³³We-ibdula-Leviatán gwen ibmar dobsulid, ibdulamar we-ibdulayob-dakleged gwen nikasulid.

³⁴We-ibdula-Leviatán, dule-bulegan-sogdimalad-mesagwar imaked, degine, bela ibdula-ursilimalad-e-reyga maid.”