Sohp 41

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Ia duwe, ke kak apihada Lepaiadan, de salihkihdi sellap pwoat lowe?

²Ke kak kihong sahl pwoat nin tumwe, de kehs ehu nan ewe?

³E kak peki rehmw ke en sapwadala, de ke en mahkohng?

⁴E kak en inoukihong uhk mehkot, de inoukihda me e pahn papahiuk kohkohlahte?

⁵Ke kak wiahki ih noumw kisin mehn mwadong kis, me ke pahn kin kaperenehki serepein kan me kin papahiuk?

⁶Soused kan pahn netki ni pweimwahu? Sounnetinet kan pahn pwalangpeseng pwe re en netikihla?

⁷Ke kak kadirehkihla kili ketieuwen soused kan, de doakoahki moange ketieu pwoat?

⁸Song sair pakteieu, a ke solahr pahn pwurehng kohkohlahte; ke sohte kak manokehla uhpene wet!

⁹Mehmen me kin kilang Lepaiadan, kin sohla angi oh kin pwupwudiong nanpwel.

¹⁰Ni mahn menet eh kin kesihnenda, me inenen mas kamasepwehk; sohte me kin men uhda mwowe.

¹¹Ihs me kak uhwong ahpw pitlahsang? Sohte nin sampah me kak wia met.

¹²I pahn padakihong uhk duwen nehn Lepaiadan, oh koasoiahda uwen kehlail en paliwere.

¹³Sohte me kak tehrasang kidip en paliwere, de kauwehkihla kili tehtehn pei.

¹⁴Ihs me kak kasarapeseng ewe, me ngih kamasepwehk kei kapilpenehr?

¹⁵Pohntihnsewe, irek en wunen mwomw kei me wia, paspene oh kekeluwak duwehte takai.

¹⁶Ehute pasehng meteio oh keirekpene; sohte kisinieng kis kak duwal nanpwung.

¹⁷Koaros inenen patpene oh keirekpene; sohte mehkot kak kamweidirailpeseng.

¹⁸Ni eh kin asi, marain kin pirieisang nan tumwe, oh pwoaren mese kan kin lingaling, rasehng dakedahn ketipin.

¹⁹Mpwulen kisiniei kin lulsang nan ewe, rasehng mwoalus mwehl en nan uhmw.

²⁰Ediniei kin uh sang nan pwoaren tumwe, rasehng edin tuwi me lullul pahn einpwoat.

²¹Angin eh esingek kin sounda kisiniei, mpwulen kisiniei kin uh sang nan ewe.

²²Eh kehl unsek mihmi nin tepinwere, masepwehk kin kipehdi koaros me kin tuhwong.

²³Sohte wasa kis muterek ni kili, pwe me kekeluwak oh apwal duwehte mete.

²⁴Nan eh mohngiong sohte masak kin dierek ie, pwe me apwal oh kekeluwak duwehte takai.

²⁵Ni eh kin pwourda oh uhda, koht akan pil kin masepwehkada, pwehki ar masak, e kin sohla angirail.

²⁶Sohte kedlahs pwoat kak kalipwelipwehda; sohte ketieu pwoat, de arep pwoat, de lepin seipali, kak kauwehla.

²⁷E kin wiahki mete diper en tuhke, oh prons mehkot kopwukopw reh, rasehng tuhke mwoasoangot.

²⁸Sohte kesik keteiu me kak kasalowehda pwe en tangdoaui; takai kan me pahn koasuk, rasehng diper en dihpw.

²⁹E kin wiahki mehn wowoki kan kisin diper en dihpw, oh e kin kouruhrki ketieu kan me aramas kin doakoahki.

³⁰Kapehde rasehng pwoatol ohla kei me keng; ni eh kin limwahdek, e kin pwalangpeseng pwehl muterek kan rasehng mehn ruwahdek me mete mi pahn kapi.

³¹E kin kamwekidada nansed duwehte einpwoat pwoapwoail ehu, oh kin kapwudopwudehda duwehte ketel en leh ehu.

³²Ni eh kin tangatang kohla, lipwe kin wiahda ahl lingaling ehu. oh e kin kadirehkihla nansed pwudopwud pwetepwet.

³³Sohte mehkot nin sampah me kak karasarasohng, pwe mahn emen ih me sohte kin masepwehk.

³⁴E pil kin mwamwahliki mahn me keieu lapalap akan, pwe ih me nanmwarkien mahn lawalo koaros. nan welin ahlek kan nan lepwel kan.