Yoube 41

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Dia da Lifaiada:ne (hanome ohe fi agoai) amo dimani bese amoga gaguma:bela:? O ea gona:su efega lala:gilisima:bela:?

²Dia da efe amo ea migifu amodili sanasima:bela:? O ea magadoa dimani besega badofalesima:bela:?

³E da masusa: dima adole ba:ma:bela:? E da dima olofosu ema ima:ne edegema:bela:?

⁴E da dima gousa:su ilegesu hamoma:bela:? E da mae yolele eso huluane dima fa:no bobogelalumu ilegele sia:ma:bela:?

⁵Di da e fofoi sio agoane, dia hawa: hamosu uda hahawane ba:ma:ne, e la:la:gima:bela:?

⁶Dimani adosu dunu da e bidi lama:ne, bobolema:bela:? Bidi lasu dunu da e bidi lama:ne, dadega:ma:bela:?

⁷Di da ea gadofo amo guisu asuni amoga magufamu dawa:sala:? O ea dialuma goge agei amoga somu dawa:sala:?

⁸Di da e afaewane digili ba:lu, eno hamedafa digili ba:mu. Bai e da dima gegei amo di da hamedafa gogolemu.

⁹Nowa da Lifaiada:ne ba:sea, beda:ga gasa hamedene, osoba diadaha.

¹⁰Dunu da e ougima:ne didilisisia, e da mi hanaidafa ba:sa. Dunu afae da ea midadi gadenene aligimu hamedei ba:mu.

¹¹Nowa da e doagala:sea, se hame nabi ba:ma:bela:? Osobo bagade dunu afae da amane hamomu hamedei.

¹²Na Lifaiada:ne ea emo ea hou dima adomu galebe. Ea gasa bagade hou amola dima olelemu.

¹³Dunu huluane da ea dabua gadofo houga:mu da hamedei. Amola ea da:igene ga:su amo somu hamedei.

¹⁴E da bese agesoi bagade gala. Ea lafi dagama:ne, nowa da sesema:bela:?

¹⁵Ea baligi da da:igene ga:su dadalesu amoga hamoi. Ilia da madelagili la:la:gi, amola igi defele ga:nasi gala.

¹⁶Afae afae da enoma gilisili disisibiba:le, mifo da ili adobodili masunu logo hame ba:sa.

¹⁷Ilia da noga:le gilisimusa: madelagiba:le, afafamu da hamedei.

¹⁸Lifaiada:ne da hadisia:sea, hadigi agoai nene gala:sa. Amola ea si da eso mabe ea hadigi agoai ba:sa.

¹⁹Ea lafidili, lalu gona:su agoai gadili ahoa. Amola ea lafidili, lalu geso bagohame gadili ahoa.

²⁰Ea mi gelabodili, lalu mobi (amo da gagalobo osobo ofodo hagududili nebe defele) da maha.

²¹Ea mifoga lalu nema:ne fulabosa. Ea lafidili, lalu gona:su da heloagala:sa.

²²Ea galogoa da gasa bagadeba:le, ema doaga:be dunu huluane da beda:gia:sa.

²³Ea gadofoa dibi asaboi da hame ba:sa. Ea gadofo da ouli defele, ga:nasidafa.

²⁴Ea dogo da widi goudasu igi agoai, ga:nasidafa. E da beda:su hamedafa dawa:.

²⁵E da wa:legadosea, baligili gasa bagade dunu amolawane da beda:gia:sa. Ilia da bagadewane beda:iba:le, hahanidafa ba:sa.

²⁶E fofa:gimusa:, gegesu gobihei da hamedafa gala. Goge agei, amola dadi da ema se ima:ne hamedafa gala.

²⁷E da ouli, amo gisi defele, gasa hamedei ba:sa. Amola e da balase amo ifa dasai defele ba:sa.

²⁸E da dadi gala:be amoga hobeamusa:; hame dawa:. Dunu da ema gelega gala:be da gisi bioiga gala:be agoane hagisa.

²⁹Ea ba:sea, gegesu gigi da gisi biole hagi agoai ba:sa, amola dunu da ema dadiga gala:sea, e da amoba:le ousa.

³⁰Ea hagomo gagi da laga osoboga hamoi ofodo gagoudane fofonoboi defele ba:sa. Ilia da osobo gidinasu defele, fafu osobo dogonana.

³¹E da hano wayabo bagade, hano gobei dubu heda:be agoai amola susuligi di bubunuma heda:be agoai, hamosa.

³²E da hano wayabo bagade da:iya ahoasea, e da ela:mei logo agoane hamosa. E da hano dubu foloai agoai hamosa.

³³Osobo bagadega, e agoai hame ba:sa. E da beda:su hamedafa dawa:.

³⁴E da hidale, eno ohe fi huluane ilima ba:le gudusa. E da sigua ohe fi huluane ilima hina bagade agoai esala.