Job 41

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Ngakoija Leviathan namatthei ding ham? Ahiloule aha a khaokol nabu peh thei ding ham?

²Anahhom sunga khao nathil lut theija, ahiloule akhalhang thihhem a nasut vang thei ding ham?

³Nakhoto ding ngeh na a, hung taova ahiloule nalainat pi dinga hung tao tun tun nam?

⁴Ahinkho a nasoh a panga nanatong dinga nanop peh ding hinam?

⁵Nangin hiche khu vacha banga nangailut bol thei hija, ahiloule nachapang neunu kichepna dinga napeh thei ding ham?

⁶Kivei mihon athiljoh nau mun ho a joh dinga ahung kichoh diu hinam?

⁷Avun khu tengcha a nasut khah theija, ahiloule aluchang ngathal a nakap khah thei ding ham?

⁸Achunga nakhut ngam in lang hile chun kidounan ahin jui ding khu geldoh in natin, avel a nabol patep kit lou hel ding ahitai.

⁹Ahipoi hiche mat ding got chu phatchomna bei ahin, sadel hatpa thiltup jong chu kisuhnem peh ding ahi.

¹⁰Chuleh a itih a koima chanasuhnohphahngamlouahin, koiham kamasanga ding ngam ding chu.

¹¹Kangaichat pet tah a kalepehkit ding thil eipe chu koi ham? Vannoija thil um jouse hi keija ahi.

¹²Leviathan tibah ho hoidanchuleh athahat loupi dan chuleagongso hoidan ho kasei nomme.

¹³Avun khu kon alahdoh peh theijachule athoa um agalvon khu konamulet pai thei ding ham?

¹⁴Akhalhang khu kon akal keh aahondoh ding ham? Ajeh chu ahakhu tijat jat um behseh jeng ahi.

¹⁵Alip ho chu pho banga agol gola detchet a mahor kinam bangathakhat a kinam detchet ahi.

¹⁶Kimatchet a umkhom ahijehchun akah a hui jangkhat cha jongalut theipoi.

¹⁷Alip khat chu aban a alip chungahub eh detchet a, khat leh khatkikam to a kimulet pai theilou ahi.

¹⁸Anah akhon tengle avahlap lapjengin, amitchang teni jong jingkahnichangsat pet toh abange.

¹⁹Akamsunga konin meisi apahlahlah jin, meikou ahung vahdoh jie.

²⁰Meichunga twibel kisonga, twihu pot bangin anahhommakonin meikhu ahung kitung doh jie.

²¹Akamsunga konna meikoualendoh ji jeh chun, ahai husa chunmeihol ahal kou jeng jin ahi.

²²Leviathan ngongchang thahatna chun chene jouse a kichat tijatna asosah e.

²³Aphe ho chu atah in chulehadetchet in, akimulet thei poi.

²⁴Alungchang chu song banginatah in sumhei song bangin atah e.

²⁵Ahung kithodoh tengle thahatchungnung ho akicha jiuvin, kichattijat nan amanchah kheh jin ahi.

²⁶Chemjam, tengcha, thalchang ahiloule tengcha neoho khat chan asutang joupoi.

²⁷Thih jong imacha ahisah poi. Hiche thilsem ding hin changpol tobang bep bou ahin, chuleh sum- eng jong thing motsa tobang bep ahi.

²⁸Thalchang in adeljam joupon, song aboma kisep jong chu hampan ajepkhah abang bep e.

²⁹Akivoh ho jong chu ham donthah toh abahsah in chule tengcha neu euvel vul hung leng jong chu anuisat bep e.

³⁰A oipoh chu haihal hemtah tobang alip in atom in ama chena nung chu loukai nang pan lou akainangna nung abahsah jie.

³¹Leviathan chun twilah a aum tengle twi chu belphul abahsah jie. Twikhanglen to jong thao kiloijol abahsah jin ahi.

³²Twilah a ache tengle twi kinong ho chu aval lah lah jin, gah vet dingin twikhanglen chu akang in akilang jie.

³³Leiset chunga ama kibahpi aumpon, ama tobanga kichat neilou thilsem ganhing dang aumpoi.

³⁴Thilsem ganhing jouse lah a akiletsah pen ahin, amahi ganhing jouse leng ahi. Job In Akhelna Aphondoh’a