Iyyooba Maxaafaa 41

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹“Neeni Lewaataana giyo miimminttiyaa moliyaa oiqqiyo hinggittan oiqqanau, woikko a inxxarssaa wodoruwan qachchanau danddayai?

²A siiriyan dafuwaa gelissanau danddayai? Woikko a gacuwaa hinggittan caddada oiqquutee?

³I nena, ‘Hayyanaa tana yeddarkkii’ yaagidi woossanee? Woikko i neeyyo mal77o qaalan haasayanee?

⁴Neeni a merinau ne ashkkara oottanau, i nenaara maachchaa maacettanee?

⁵Asi kafuwaara kaa7iyoogaadan, neeni aara kaa7uutee? Woikko a qachchada, ne macca ashkkaratuyyo kaa7anau immuutee?

⁶Moliyaa oiqqiyaageeti a waagan palamettiyoonaa? Woikko zal77anchchati a qanxxerettidi baizziyoonaa?

⁷Neeni a galbbaa maccaamiyan, a huuphiyaakka philxxuwan caddada qohanau danddayai?

⁸Ane a ne kushiyan bochcha; neeni aara baaxetido baaxiyaa hassayada, naa77anttada aara baaxetanau kajjeelakka!

⁹“He miimminttiyaa oiqqanau kajjeeliyoogee mela; harai attin, a be7ida ubbaikka yashshau kokkorees.

¹⁰I zin77idosaappe a denttanau ooninne xalenna; yaatin, ta sinttan eqqanau danddayiyai oonee?

¹¹Taani kushiyaa zaarana mala, taayyo koiro immidai oonee? Saloppe garssaara de7iyaabai ubbai tabaa.

¹²“Lewaataana gedetubaa, a gita wolqqaabaanne a lo77iya bollaabaa haasayiyoogaa taani aggikke.

¹³A galbbaa qaaranau danddayiyai oonee? Birata milatiya a maayuwaa caddanau danddayiyai oonee?

¹⁴Yashshiya achchai de7iyo a manggaagaa pooqqanau danddayiyai oonee?

¹⁵A zokkuwaa galbbai issoi issuwaa bollan doorettidanne shuchchaadan minnida gonddalleta milatees.

¹⁶Eti issoi issuwaayyo keehi matattido gishshau, eta giddoora, harai atto, carkkoikka kanttanau danddayenna.

¹⁷Eti ubbaikka issoi issuwaara gaitti uttido gishshau, eta aibinne shaakkenna.

¹⁸“I hedhdhishiyo wode, pholqqu giya poo7oi kiyees; a aifetikka maallado xalqqiyaadan zo77oosona.

¹⁹A doonaappe tamaa lacoi kiyees; tamaikka piridi wodhdhees.

²⁰Penttiya disttiyaappe garssa baggaara eexxiya maqqaappe kiyiya cuwaadan, a siiriyaappe cuwai kiyees.

²¹A siiriyaara kiyiya shemppoi xiixinttaa bonqqissees; tamaa lacoikka a doonaappe kiyees.

²²“A morggiyan wolqqai de7iyo gishshau, i keehippe yashshiyaagaa.

²³A ashoi issippe nuketti uttido gishshau, a bollai birataadan minnees.

²⁴A wozanai shuchchaadan mino; gaacciyo woxaadankka mino.

²⁵I denddiyo wode, minotikka yayyoosona; eti dagammidi baqatoosona.

²⁶Akko gakkiya bisoi ainne allaalle kessenna; toorai, woikko zubbee, woikko philxxoi a ainne oottenna.

²⁷Birataa i daladan, nahaasiyaakka musida mittaadan qoodees.

²⁸Wonddafiyaa zubbee a baqatissenna; yambbarshshan oliyo shuchchaikka ayyo suulla mala.

²⁹Dullai ayyo issi buuxa mala; tooraa xonggiyo wode, qilliiccidi miiccees.

³⁰A uluwaa bollan de7iya galbbai meqerettida kon77aadan qara; urqqaara i biyo wode, marashaadan biittaa phalqqees.

³¹“Abbaa penttida haattaadan bukkees; xaaro giddon penttiya zaitiyaadankka bulibulissees.

³²Baappe guyyeera phooliya ogiyaa kessees; abbaa haattaakka bootta hoommuwau laammees.

³³Biittaa bollan a mala mereti baawa; i yayyi erenna mereta.

³⁴Keehippe gita gidida meretata ubbaa i ziqqi oottidi xeellees; do7a ubbatussi i kawo” yaagiis.