1«مِشِ مُ نْمَ عَ رَ، عَ شَ تٌي فبَنسَن قِندِ مَ فَاشُي نَن نَ.
2شَ مِشِ مُ سُو سَمَ عَ يَ رَ، ندٍ قَ نْمَ سُو سَدٍ ﭑ تَن يَ رَ؟
3ندٍ ﭑ دٌنِشِ سٍ ندٍ رَ ﭑ نَشَن نَفبِلٍنمَ عَ مَ؟ دُنِحَ بِرِن قِندِشِ ﭑ فبٍ نَن نَ.
4ﭑ مُ نْمَ دُندُدٍ نَ سْحّ شَ قٍ مَ، عَ سَلٌنسٍيٍ سّنبّ فبٌ، عَ مَن تٌقَن.
5عَ بُرَ قّيرّ نَ ندٍ بّ؟ ندٍ مُ فَاشُمَ عَ حِنيِيٍ يَ رَ؟
6ندٍ نْمَ عَ دّ رَبِدٍ؟ عَ حِنيِ مَفَاشُشِيٍ عَ دّ كُي رَقٍشِ.
7شَلٍيٍ قَتُشِ عَ كِرِ مَ عَلْ سْورِ شَ وُرٍ لٍقَ،
8عٍ شّتّنشِ عٍ بٌرٍ رَ، قٌيٍ سٌدٍ يَتِ مُ نَ عٍ تَفِ
9عٍ قَتُشِ عٍ بٌرٍ مَ عَ قَنيِ رَ.
10عَ نَ حّنفِ سّنبّ رَ، يَنبّ نَن لُمَ مِنِ رَ، عَ يَيٍ قَن لُشِ عَلْ فّيسّفّ سٌفٍ.
11تّ يِرِيِرِ مِنِمَ عَ دّ عِ، عٍ قُلٍقُلٍيٍ نُ قَ يٍنسٍن يّ كُيٍ مَ.
12تُورِ ندٍ مِنِمَ عَ حْي، نَ لُشِ نّ عَلْ قِقَ نَشَن دْشْشِ تّ مَ، عَ سَتُنقٍ.
13عَ حّنفِ قِندِ مَ تّ رَ، تّ يِرِيِرِ نُ قَ مِنِ عَ دّ عِ.
14سّنبّ شُتُنشِ عَ كْنيِ رَ، بِرِن فَاشُمَ عَ يَ رَ.
15عَ كِرِ شْرْشْ، عَ سّنبّ فبٌ.
16عَ كَنكٍ لُشِ عَلْ فّمّ شُنفبٍ.
17عَ نَ تِ، لِمَنِيَ بَمَ نّ سّنبّمَيٍ يِ رَ، عٍ سّرّن، عٍ عٍ فِ.
18سَنتِدّفّمَ نَ دِن عَ رَ، عَ مُ عَ شَبَمَ. تَنبّ مْولِ يٌ مُ نَ نَشَن نْمَ عَ سْشْدٍ.
19وُرٍ لُشِ نّ عَ بّ عَلْ سّشّ، يْشُي لُ عَ بّ عَلْ وُرِ بْرْشِ.
20عَ مُ فَاشُمَ تَنبّيٍ يَ رَ، لَاتِ كُنِ لُمَ عَ بّ عَلْ مَالٍ لَفِ.
21فبٍندٍفٍلَ لُمَ عَ بّ عَلْ سّشّ، تَنبّ شُنفبٍ مَيٍلٍ عَ بّ.
22بّلّ شّحّنشِ ندٍ نُن تُنبٍيٍ نَ عَ قُرِ بُنيِ، نٍيٍ لُمَ بٌورَ تِرِندِن نَ نّ عَلْ سَرِ تٌ يِرٍ بُشَمَ.
23عَ بَا عِشُقُشُقُمَ عَلْ يٍ نّ سَتُنمَ، عَ دَبٌنيِ لُ عَلْ تُرٍ نّ سَتُنمَ.
24عَ نَ عَ حّرّ يٍ شْورَ، مْرْنيِ قِيشّ نَن لُمَ تٍ رَ عَ شَنبِ رَ.
25مَنفّ يٌ مُ عَ بّ دُنِحَ، عَ دَاشِ نّ، فَاشُي يٌ مُ عَ يِ.
26عَ عَ يَ رَفٌرٌ مَ نّ دَالِسٍ يّتّ عِفبٌي مَ، عَ قِندِشِ سُبٍيٍ بِرِن مَ مَنفّ نَن نَ.»
