Joba 38

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹BOEIPA loh Job te hlipuei khui lamloh a doo tih,

²Mingnah aka tal olthui neh cilsuep aka hmuep sak te unim?

³Hlang bangla na pumpu yen lamtah nang kan dawt bangla kai he n'tueng laeh.

⁴Diklai ka suen vaengah melam na om? Yakmingnah na ming atah thui lah.

⁵U loh a khodang a khueh khaw na ming van nim? A soah rhilam aka yueng khaw unim?

⁶A buenhol te me dongah nim a buen tih, a bangkil lung te unim aka thuinuet?

⁷Mincang aisi rhoek rhenten tamhoe uh tih Pathen ca rhoek boeih yuhui uh.

⁸Tuitunli te a bung lamloh a poh tih a coe vaengah thohkhaih neh a tlaeng.

⁹Kai loh cingmai kah a pueinak neh anih kah yinnah hni khaw ka khueh pah.

¹⁰Ka oltlueh he anih ham ka tlueh pah tih thohkalh neh thohkhaih khaw ka khueh pah.

¹¹He hil ka ti vaengah ha mop lamtah koei boeh. Na hoemdamnah tuiphu te he ah he khueh laeh.

¹²Namah tue vaengah mincang ke na uen a? Khothaih ke na ming tih amah hmuen ah khothaih a om khaw na ming.

¹³Te lamkah halang rhoek khoek ham neh, diklai hmoi a tuuk sak ham khaw.

¹⁴Dikpo kutbuen bangla poehlip tih pueinak bangla pai.

¹⁵Halang rhoek te amamih kah vangnah a hloh pah tih, ban a thueng khaw a tlawt sak.

¹⁶Tuitunli kah tuiput la na pawk tih, tuidung kah khenah dongah na pongpa vai a?

¹⁷Nang taengah dueknah vongka rhoek ah uh tih dueknah hlipkhup vongka te na hmuh a?

¹⁸Diklai hmuenka duela na yakming nim? A cungkuem la na ming atah thui lah.

¹⁹Vangnah aka om longpuei he menim? Hmaisuep kah a hmuen he melae?

²⁰Te te amah khorhi la na thak van tih a im kah a hawn khaw na yakming van nim?

²¹Nang n'sak tih na khohnin kah a tarhing a puh daengah ni na ming pueng.

²²Vuelsong thakvoh khuila na kun tih rhaelnu thakvoh na hmuh a?

²³Te te rhal tue vaengkah ham khaw, caemrhal neh caemtloek tue vaengkah ham khaw ka tuem pueng.

²⁴Diklai ah kanghawn loh a taekyak tih, vangnah loh a tael longpuei te menim?

²⁵Tuilong lungpook ham neh rhaek ol ham longpuei aka tael te unim?

²⁶A khuiah tongpa aka om pawh khosoek neh hlang aka tal khohmuen ah khaw rhotui aka tlan sak la,

²⁷khohli rhamrhael neh imrhong aka hah sak la, toitlim annoe aka poe sak la om coeng.

²⁸Khotlan te a napa om a? Buemtui tuicip te ulong a sak?

²⁹Rhaelnu he u kah bungko lamkah nim a thoeng tih, vaan vueltling te ulong a sak?

³⁰Tui khaw lungto bangla thuh uh tih tuidung hman ah khal.

³¹Airhitbom kah omngaih omloe te na hlaengtang tih buhol phueihrhui khaw na hlawt thai aya?

³²Mazzaroth aisi te amah tue vaengah na thoeng sak tih Ayish aisi te a ca rhoek neh na mawt a?

³³Vaan kah khosing te na ming atah amah kah laithuithainah te diklai ah na khueh a?

³⁴Na ol te khomai dongla na huel thai tih tuili tui te na khuk thai a?

³⁵Rhaek na tueih vaengah cet uh tih nang taengah, “Kaimih la he,” a ti uh a?

³⁶Kodang khuila cueihnah aka khueh te unim? Kopoek khuiah yakmingnah aka pae te unim?

³⁷Cueihnah neh khomong aka tae te unim? Vaan tuitang aka thael te unim?

³⁸Me vaengah lae Laipi a hlawn la a hlom tih dikmuh a man sak?

³⁹Sathuengnu hamla maeh na mae pah tih sathuengca kah hingnah na tom pah a?

⁴⁰Me vaengah lae a khuisaek ah a ngam uh tih thingpuep khui ah a kol uh?

⁴¹A sakah te vangak ham aka tawn pah te unim? A camoe, a camoe uh vaengah tah Pathen taengah bomnah a bih uh dae caak mueh la kho a hmang uh.