Yoube 38

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Amalalu, foga mulu bagade amodili, Hina Gode da Youbema amane sia:i,

²“Di da abuliba:le Na bagade dawa:su hou da defele hame sia:sala:? Dia sia: da gagaoui amola hamedei sia: fawane.

³Wali, molole wa:legadole, Na dima adole ba:be amo nama dabe adole ima.

⁴Na da osobo bagade hahamonoba, di amogawi esalebe ba:bela:? Di da liligi huluane dawa:beba:le, Nama dabe adole ima.

⁵Nowa da osobo bagade ea defei ilegebela:? Nowa da amo defemusa:, defesu efe bobaila:? Di da adole iasu huluane dawa:sala:?

⁶Fedege agoane, dunu bugi amo da osobo bagade udidia gadosa, amo adiga udidisala:? Osobo bagade ea igi bai bagade, nowa da fa:bela:?

⁷Osobo bagade hahamoi eso hehebolo amoga gasumuni huluane da gilisili gesami hea:lalu. Amola Hebene esalebe fi huluane da hahawaneba:le, wele sia:i.

⁸Hano wayabo bagade da musa: osobo bagade dogoa ganodini galu amo fudagala:le, ga ahoanoba, osobo bi hamoi amo hasalasisa:besa:le, nowa da ea logo hedofama:ne, logo ga:su ga:sibala:?

⁹Na Nisu fawane da hano wayabo bagade mumobiga dedebolesi dagoi. Na Nisu fawane da hano wayabo bagade gasiga lala:boloi.

¹⁰Na da hano wayabo bagade alalo ilegei, amola ga mae masa:ne logo gaga:lesi.

¹¹Na da hano wayabo bagadema amane sia:i, ‘Dia alalo da goea! Amo mae baligigama! Dia gasa bagade gafulubi amoga, amo alalo mae baligiligama!’

¹²Yoube! Di da dia esalusu ganodini huluane amo eso hehebolo misa:ne sia:bela:?

¹³Di da hehebolo amoma amane hamoma:ne sia:bela:? ‘Osobo bagade gagulaligima! Wadela:i hamosu dunu ilia wamoaligisu amoga uguguli gugudili fasima!’ Di da amo hamoma:ne sia:bela:?

¹⁴Haiyoga, agolo amola fago ilia da abula miginisisi amola laga osoboga dedei agoane, noga:i ba:sa.

¹⁵Wadela:i hamosu dunu da esohaiyo si gagasenei agoai ba:sa. Bai amo da ilia wadela:le hamomu logo hedofasa.

¹⁶Di da hano wayabo bagade lugudu amoga gudunini bubuga:ne gadobe amo ba:la asibala:? Di hano wayabo bagade amo hano oso hagudu amo da:iya lalula:?

¹⁷Dunu afae da dima logo ga:su, amo da bogoi gasi soge ga:sibi, amo dima olebela:?

¹⁸Di da osobo bagade ea bagade defei amo dawa:bela:? Dia da dawa:i galea, nama adoma!

¹⁹Dia da hadigi ea mabe bai dawa:bela:? Amola gasi ea banuguma dawa:bela:?

²⁰Dia da hadigi amola gasi amoma ela masa:ne olemu dawa:bela:? Amola ela bu sinidigima:ne adomu dawa:sala:?

²¹Dafawane! Di da amo hou huluane dawa:! Di da da:i hamoi dagoi. Amola Na da osobo bagade hahamoloba, di amo amogai esalula:?

²²Di da liligi legesu diasu amoga Na da mugene (snow) amola mugene ga:nasi (hail) legesa, amoga ba:la asibala:?

²³Na da gegesu amola bidi hamosu eso amoga, ha lai dunuma gegema:ne amo liligi ouligisa.

²⁴Di da eso ea mabe sogebi amo ba:la asibala:? Di da gusudili fo ea mabe sogebi amo ba:la asibala:?

²⁵Gibu bagade dasea, hano sa:ima:ne, nowa ogabela:? Isu gibula bobodole masa:ne, nowa da logo fodobela:?

²⁶Dunu hame esalebe soge amogai gibu sa:ima:ne, nowa da hamobela:?

²⁷Gisi noga:le heda:ma:ne, nowa da hafoga:i sogega gibu iabela:?

²⁸Gibu amola oubi baeya ela da eda ganabela:?

²⁹‘Aisi’ amola mugene ela eme da nowala:?

³⁰Mugene da hano amo igi ga:nasi agoai hamosa, amola hano wayabo bagade ea odagi ga:nasi hamosa.

³¹Di da Balia:idese gasumuni ili dodobole la:la:gimusa: dawa:bela:? Di da Olione gasumuni la:la:gi fadegamusa: dawa:bela:?

³²Di da eso huluane gasumuni ilima logo olelemusa: dawa:bela:? Di da Bea Bagade amola Bea Fonobahadi gasumuni ilima masunu logo olelemusa: dawa:bela:?

³³Di da malei amo da mu ouligibi, amo dawa:bela:? Amola amo malei da osobo bagade ouligima:ne, afadenemusa: dawa:bela:?

³⁴Di da mumobima, ili hamoma:ne wele sia:mu dawa:bela:? Amola ili dia gibuga nanegama:ne sia:musa: dawa:bela:?

³⁵Amola di da ha:ha:nama nene gala:ma:ne sia:sea, ha:ha:na da dima misini, ‘Na da dia hamoma:ne sia:i defele hamomu’, amane sia:ma:bela:?

³⁶Nowa da aowahea sio amoma Naile hano ea fili gala:be eso olelesala:? Nowa da gagala gawalima gibu da sa:ima:ne sia:sala:?

³⁷-

³⁸Nowa ea bagade dawa:suga mumobi idima:bela:? Amola nowa ea bagade dawa:suga mumobi amo gibu sogadigima:ne, giwigilisimusa: dawa:sala:? (Gibu da gulu ganumu ga ganumunisisa.)

³⁹-

⁴⁰Laione wa:me amola ha:aligi laione wa:me waha debe, amo da magufu gelaba amola ilia diasu ganodini wamoaligisa, di da iligili ha:i manu hogole iabela:?

⁴¹Da: sio da ha:aligili udigili lalea, amola ilia mano da Nama ha:i manusa: dini iasea, nowa da ilima ha:i manu iahabela:?