Ayuba 38

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Ala naxa Ayuba yaabi turunnaadɛ foye kui, a naxɛ,

²«Nde na n ma walie ya isofe a xa xaxilitare wɔyɛnyie ra?

³I i tagi ixiri gben alɔ gbangbalanyi, n xa maxɔrinyi ndee ti i ma, i xa n yaabi.

⁴I nu na minden n to nu duniɲa daama? Na fala ba xa lɔnni kanyi na i ra.

⁵I a kolon nde duniɲa maniyaxi? Nde a maniyɛ luutie italaxi?

⁶Duniɲa bunyi na minden? Nde gɛmɛ tixi duniɲa na naxan fari?

⁷Nde na raba tunbuie to nu e sɛɛwɛ xui itema, malekɛ bɛɛtibae fan to nu n xili matɔxɔma?»

⁸«Nde baa naadɛe balan, n to a ramini bɔxi ma?

⁹N tan nan nuxui ragoro a ma, n dimi dusu a xun na,

¹⁰n a naaninyi sa alako a naxa dangi mɛnni ra.

¹¹N tan nan dande sa mɔrɔnyie bɛ, alako e naxa te, e a radangi a i.»

¹²«I bara yaamari fi lɔxɔɛ keren i xa simaya kui subaxɛ xa mini,

¹³a xa mixi ɲaaxie ratɛrɛnna, a e makɛnɛn?

¹⁴Duniɲa birin makɛnɛnma nɛ subaxɛ naiyalanyi kui, a lu alɔ bɛndɛ bunda tɔnxuma saxi naxan ma. A yire birin toma nɛ alɔ dugi maɲingixi.

¹⁵Kɔnɔ mixi ɲaaxie tan bara kuma naiyalanyi ra, e sɛnbɛ bara kana.»

¹⁶«I baa ye kelide kolon? I bara baa bunyi li?

¹⁷I bara aligiyama sode dɛ to? I bara saya naadɛ igbɛ?

¹⁸I duniɲa igboɲa kolon? A fala n bɛ xa i na fe birin kolon.»

¹⁹«Naiyalanyi kelima minden? Dimi xɔnyi na minden?

²⁰I na yiree kolon? I naa siga kira kolon?

²¹Xa i na birin kolon, awa i ɲan nu bara bari, i xa simaya gbo.

²²I balabalanyi ragatade kolon? I bara na yire to?

²³N na balabalanyi ragataxi tɔɔrɛ tɛmui nan ya ra, gere ti lɔxɔɛ ya ra.

²⁴Seyamakɔnyi kelima minden a yensen yɛ? Foye naxan kelima sogetede, na a ɲɛrɛma duniɲa ma di?

²⁵Nde tunɛ kira rabɔɔma, a seyamakɔnyi nun galanyi yamari e xa mini?

²⁶Nde a niyaxi tunɛ xa bira bɔxi ma mixi mu na dɛnnaxɛ alɔ gbengberen yire?

²⁷Nde a niyaxi ɲooge xa bula wula i?

²⁸Nde findixi tunɛ baba ra? Nde xini raminima?

²⁹Nde balabalanyi daaxi naxan kelima koore ma?

³⁰Nde a niyama baa ye xa xinbeli a xɔrɔxɔ, a findi balabalanyi ra, a dusu baa xun na a xɔrɔxɔ alɔ gɛmɛe?»

³¹«I tan nan tunbuie sa koore ma, kankan xa lu a yire a tofan ki ma?

³²I tan nan tunbuie raminixi e waxati alako adamadie xa nɔ sube tɔnxumae tode e ya ma?

³³I koore yamari ki kolon? I bara so bɔxi yailan ki kui?»

³⁴«I fata nuxuie yamaride alako ye xa banbaran yɛ?

³⁵I fata seyamakɔnyi yamaride alako e xa i xa wali raba? E luma i xa yaamari bun ma, a falafe ra, ‹Muxu na be?›

³⁶Nde lɔnni rasoxi adamadi bɔɲɛ kui, a a xaxili daa?

³⁷Xaxilima mundun nɔma nuxui birin kɔntide? Nde nɔma ye ragorode keli koore ma,

³⁸alako bɔxi xa bunda, xube xa findi boora ra?»

³⁹«Yɛtɛe nɛ saxi kaamɛ ra e ma,

⁴⁰i tan nan sube fima e ma e xa kaamɛ ba?

⁴¹Xaxae go, e xa die nɛ wama koore ma, i tan nan e baloma?»