Iyyooba Maxaafaa 38

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Hegaappe guyyiyan, GODAI gotiyaa giddoppe Iyyoobassi hagaadan yaagidi zaariis;

²“Eri bainna haasayan ta zoriyaa tashsha7issiyaagee i hagee oonee?

³Ane neeni asadan ne xeessaa gixxa denddada, taani oichchiyoogaa taayyo oda.

⁴“Taani sa7aa medhdhiyo wode, neeni awan de7ai? Ane neeyyo akeekai de7ikko, taayyo yoota.

⁵Ha sa7ai ai keena gidanau bessiyaakko, he qofaa qachchidai oonee? Likkiyo wodoruwaakka sa7aa bolli yeggidaagee oonee? Hegaa zaaruwaa ubbaa erai?

⁶Sa7aa tuuqeta kunddennaadan mintti oiqqidabai aibee? Sa7aa baasuwau koiro shuchchaa wottidai oonee?

⁷He gallassi maallado xoolintteti issippe yexxidoogaanne kiitanchchati ubbai ufaissau ililidoogaa neeni erai?

⁸“Abbaa haattai, biittaa gomppaappe xuuqqidi kiyiyo gallassi, a penggeta gorddidaagee oonee?

⁹Abbaa shaaraa maizzidaagee, qassi xumankka xaaxa wottidaagee tana.

¹⁰Abbaayyo kanttenna zawaa medhdhidaagee, a penggiyaanne a hiraquwaa sohuwan wottidaagee tana.

¹¹Taani, ‘Hagaa gakka; shin hagaappe aadhdhoppa; ne wolqqaama beetaikka hegan eqqo’ yaagaas.

¹²“Iyyoobaa, neeni yelettoosappe awai maallado guuraara kiyanaadan azaza erai?

¹³Biittaa xanxxan poo7uwaa bessana malanne iita asatakka eti qosettidosaappe qoncciyaa kessana mala, neeni wonttaa azaza erai?

¹⁴Gallassaa poo7oi zumatanne zanggaarata dakkoyidi wottido maayoi eqqidabaadan beettanaadan oottees; qassi urqqa miishshaa bolli wottido maatafaadan geeshshidi bessees.

¹⁵Iitati banttau poo7o gi wottido xumai xayees; eti makkalau denttiyo kusheekka meqqees.

¹⁶“Ciimma abbaa giddo gelada, pulttuwaa be7adii? Woikko asi gakki erenna abbaa gidduwaa paacca xeella erai?

¹⁷Haiquwaa penggeta nena oonakko bessidee? Woikko sakkana xumaa penggeta be7adii?

¹⁸Sa7ai ai keena gitakko erai? Hegaa ubbaa neeni eriyaabaa gidikko, taayyo yoota.

¹⁹“Poo7oi de7iyoosaa efiya ogee awan de7ii? Qassi xumai de7iyo sohoi awee?

²⁰Eta neeni eta soo soo efaanau danddayai? Eti de7iyoosaa efiya ogeta neeni erai?

²¹Neeni sa7ai merettiyo wode yelettido gishshaunne daro laittaakka de7ido gishshau, hegaa erennan aggakka!

²²“Suuppa shachchai minjjettiyoosaa geladii? Ordde shachchai doorettidosaakka be7adii?

²³Taani eta meto wodiyaassi, ola wodiyaassinne toora gallassaassi minjja wottaas.

²⁴Wolqqanttai kiyiyo sohuwaa efiya ogee awan de7ii? Woikko arshsho bagga carkkoi awappe kiyidi carkkii?

²⁵“Wolqqaama irai wodhdhiyo loossuwaa giigissidaagee, dadaassi ogiyaa kessidaagee oonee?

²⁶Asi de7enna bazzuwan iraa bukissiyai oonee?

²⁷Mela bazzoi iraa haattan shuggidi, mul77o maataa mokkanaadan oottidaagee oonee?

²⁸“Irau woikko xaazau aawi de7ii?

²⁹Ordde shachchaunne burcce shachchau aaya de7ai?

³⁰Kinchchoi haattaa shuchchaadan minttees; abbaa haattau bolla baggaakka shachcha kessees.

³¹“Piliyaadisa geetettiya xoolinttetu citaa issippe gattada qachchanau danddayai? Ooriyoona geetettiya xoolinttetu citai qashettido wodoruwaa birshshanau danddayai?

³²Citan citan de7iya xoolintteta eta wodiyan wodiyan kessanau danddayai? Wogga Beeriyaanne Qeera Beeriyaa geetettiya xoolinttetu citata issippe kaalettanau danddayai?

³³Saloti aqiyo higgiyaa neeni erai? Woikko he higgee sa7an haaranaadan oottanau danddayai?

³⁴“Di7oi nena muukkanaadan iraa bukissanau, ne qaalaa xoqqu oottada, shaarata azazuutee?

³⁵Wolqqanttati biidi yiidi, ‘Hekko, ha77i ai oottonii?’ gaana mala, neeni eta azazanau danddayai?

³⁶Haatta kafuwaayyo aadhdhida eraa, kutto addiyaayyookka akeekaa immidai oonee?

³⁷Ba eran shaarata qoodanau danddayiyai oonee? Baanaa munaqqidi, urqqa kessidi, minttanau saluwaa shaarata geddi oottidi, haattaa duge tigiyaagee oonee?

³⁹“Gaammoti ubbai bantta geessuwan geessuwan zin77idaashin woikko zuggidi naagishin, neeni etayyo miyoobaa shankkatada immanau danddayai? Woikko namisetti uttida eta marata kalissanau danddayai?

⁴¹Quuroti namisetti bichchaariyo wode, eta maratikka miyoobaa demmanau taayyo, Xoossaayyo, waassiyo wode, etayyo miyoobaa immiyai oonee?