Yobu 38 - Bibeli Luayãtaalá

Yobu 38

Click on verse(s) to share them!

¹Ɔ̃ Dii yã́zãsì Yobuwa zàa'ĩana guu à mɛ̀:

²Démɛ lɛ́ ↄ̃nↄ ↄ̃̀ↄkpa ń yãfaasai oaoi?

³Sↄukɛ lán gↄ̃sawa, má n la yã́i, ní wea.

⁴Kɛ́ ma dṹnia kàlɛ, ń kú má ni? Tó ń a dↄ̃a vĩ, omɛɛ.

⁵Démɛ a kↄↄlɛ̀i? Démɛ ba yↄ̃̀wài? Ń dↄ̃ nolo?

⁶Wà a gbá pɛ̀lɛ bↄ́wa ni? Démɛ a ɛ̃ dàalɛ,

⁷gↄↄ pↄ́ gudↄlɛia saanaↄ lɛ́ gulakɛ, mɛ́ luabɛ gbãadeↄ kúkua dↄ píii?

⁸Kɛ́ ísia bↄ̀ a da gbɛɛu, démɛ kaa lìai à a zùukɛ̀i?

⁹Ma luabɛpuana dàɛ̀ pↄkasa ũ, ma sua fĩ̀wà ulada ũ.

¹⁰Ma a zɛkĩi lɛ́ dàɛ̀, ma zɛtàɛ̀ ma gbã́a dàu.

¹¹Má òɛ̀: Nìli mↄ́ la, ńsu vĩao, n ikooa zↄ̃ↄↄ zɛ la.

¹²N yãdìlɛ kↄↄɛ yãae? N bↄkĩi ↄ̀lↄ gudↄaɛa?

¹³Gudↄa ì dṹnia kṹ a gola síiↄ̃wa, ì vãikɛnaↄ kpoɛ.

¹⁴Ì dṹnia lilɛ lán oo pↄ́ wà seelakɛ̀wàwa, sĩ̀sĩↄ ì bↄ gupuau lán ula kpóũkpoũna kɛawa.

¹⁵Ì gi vãikɛnaↄnɛ aa ń gusiayã kɛ, ì ń ↄ pↄ́ aa sɛ̀ musu ɛ́'ɛ.

¹⁶N gɛ e za ísia nibↄnaↄ kĩ́ia? N bɛbɛ ísipi nↄnau yãae?

¹⁷Wà ga gãmↄ ↄ̀lↄnɛa? N bɛda bĩ́ibↄlɛↄ èa?

¹⁸N dṹnia yàasa lɛ́ tàasikàa? Tó ń yã́ beeↄ dↄ̃ píi, omɛɛ.

¹⁹Gupua bɛn mái? Ń gusiakukĩi dↄ̃e?

²⁰Ńyↄ̃ fↄ̃ gɛ́ńnↄ ń bùsuua? Ń ń bɛ zɛ́ dↄ̃o lé?

²¹Ń dↄ̃, asa wà n i gↄↄ bee nolo? N wɛ̃ lɛ́ vĩo nolo?

²²N gɛ̃ làasi pↄ́ ma guniɛ kàlɛua? N ma lougbɛ dↄ̃ èa?

²³Miↄ kũa taasikɛgↄↄ pↄ́ ũɛ, mi gbaɛ zĩkagↄↄ.

²⁴Gupua ì ligua kpelewa ni? Ĩana ì bↄ à li tↄↄlɛa kpelewa ni?

²⁵Démɛ ì loukwɛa dazɛwai? Démɛ ì zɛbↄ loupilɛaɛi?

²⁶Ì to lou ma tↄↄlɛ pↄ́ gbɛ̃e kuou, baa sɛ̃gbãu gu pↄ́ gbɛ̃nazĩna vĩo.

²⁷Ì bɛzia ń tàaao níni, ì to sɛ̃ bↄlɛ we.

²⁸Lou de'ia vĩe? Démɛ dɛ sua pↄ́ ì kpa mae ũi?

²⁹Dé nɛasakpɛ lougbɛ ì bↄui? Démɛ ì fíi i, ↄ̃ i gbasa kpai?

³⁰Démɛ ì to í fee lán gbɛwa à to ísia musu gbãakũi?

³¹Ńyↄ̃ fↄ̃ saana pↄ́ kãaaoↄ kãaaa? Ńyↄ̃ fↄ̃ Saan kífɛ̃nɛnaↄ kɛ̃kↄ̃waa?

³²Ńyↄ̃ fↄ̃ Saan nↄ̀ↄ'imina bilɛ a gↄↄwaa? Ńyↄ̃ fↄ̃ bↄ ń Saan ko nɛadeo ń a nɛ́ↄa?

³³Ń musupↄↄ ikoyã dↄ̃a? Ńyↄ̃ fↄ̃ ǹ ń kpá kpalau tↄↄlɛa?

³⁴Ńyↄ̃ fↄ̃ lɛzu louzi à sisi à ibↄ à n gbɛ̃a?

³⁵Ni loupilɛaↄ gbaɛ aa dazɛu nɛe? Aaì mↄ onɛ wa làa yã̀?

³⁶Démɛ ↄ̃nↄ dà kpↄbↄ'ilɛnaɛi? Démɛ dↄ̃a kpà kosawai?

³⁷Dé ↄ̃nↄ mɛ́ kà à lounaaↄ naoi? Démɛ a fↄ̃ musu olaↄ yɛɛlɛi?

³⁸Tó a ibↄ̀lɛ, bùsu giina ì gↄ̃ bɛ̀lɛ ũ, bùsukↄ̃ↄtɛ̃ↄ ì nanakↄ̃wa.

³⁹Gↄↄ pↄ́ nↄ̀ↄmusuↄ naalɛa ń tòou, ge aalɛ nↄ̀ↄ kpakpa dào guu, ḿmɛ ni toekanɛ́a? Ḿmɛ ni to an nɛ́ↄ kãaa?

⁴¹Tó gbagbaa nɛ́ↄ lɛ́ liaaliaa, aalɛ lɛzumazi blɛkɛ̃sãama yã́i, démɛ ì pↄblea kpámái?

BREAK EVERY YOKE
Creating and distributing free Bible translations for the web and mobile phones to every tribe on Earth. Click to learn how you can support this work!

Yobu 38123456789101112131415161718192021222324252627282930313233343536373839404142