Ayuba 19

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Ayuba naxa a yaabi,

²«Wo fama n tɔɔrɔde han tɛmui mundun? Wo n bɔɲɛ halakima wo xa masenyi ra han tɛmui mundun?

³A dɔxɔ fu nan yi ki wo n konbima, n tɔɔrɔfe mu wo yaagima?

⁴Xa nɔndi na a ra, n na yunubi kui, awa, na yunubi luma n tan nan ma.

⁵Xa wo wama a masenfe n bɛ a wo fisa n bɛ, xa wo wama n ma tɔɔrɛ findife n ma yunubi ra,

⁶wo xa a kolon xɔnɛ naxan na n ma, na fatanxi Ala nan na, a tan nan n suxuxi a xa yɛlɛ ra.

⁷Xa n sa gbelegbele n ma xɔnɛ xa fe ra, n mu yaabi yo sɔtɔma. Xa n sa wa kiiti xa sa, kiiti tinxinxi yo mu sama.

⁸Ala bara kira ibolon n ya ra, n mu nɔma dangide, a bara n ma kira ifɔɔrɔ n ma.

⁹A bara n xun nakana, a bara binyɛ birin ba n ma.

¹⁰A bara n ma fe birin nabira. A bara n xaxili tide tala alɔ sansi bili talama ki naxɛ.

¹¹A bara xɔnɔ n ma a ɲaaxi ra, n bara findi a yaxui ra.

¹²A xa geresoe bara n nabilin, e na n gerefe, n mu nɔma n gide e ma.

¹³A bara n ngaxakerenyie makuya n na, n kolonmae bara yensen yɛ.

¹⁴N dɔxɔbooree bara n nabɛɲin, n dɛfanbooree bara n nabolo.

¹⁵N ma xɔɲɛe nun n ma konyie, nee mu n kolon sɔnɔn.

¹⁶N na n ma konyi xili, hali n a mayandi, a mu n ma xili ratinma.

¹⁷N dɛ xiri bara raɲaaxu n ma ginɛ ma, n ma fe mu rafan n ngaxakerenyie ma.

¹⁸Dimɛe yati yoma n ma.

¹⁹N gundo xiri boore bara n xɔn, n xanuntenyie bara n yanfa.

²⁰N fate birin bara ba n ma, n xɔrie mini kɛnɛ ma. Sese mu luxi sɔnɔn.

²¹N booree, wo kinikini n ma, yandi, wo kinikini n ma, barima Ala nan n bɔnbɔxi.

²²Munfe ra wo n tɔɔrɔma alɔ Ala a rabaxi ki naxɛ? Wo mu nu wasa sinden?»

²³«Xa n ma wɔyɛnyie sɛbɛxi buki kui nu,

²⁴xa e masolixi gɛmɛ ma wure ra nu, na tɛmui e buma nɛ nu abadan.

²⁵Kɔnɔ n tan a kolon n nakisima ɲiɲɛ na a ra. A fama wɔyɛnyi dɔnxɔɛ falade duniɲa ma.

²⁶N fate na gɛ bɔrɔde, n tan yati fama nɛ Ala tode.

²⁷N tan nan yati fama a tode n yae ra, a mu mataalima n bɛ. Na kui n bɔɲɛ sɛɛwama nɛ a fanyi ra.

²⁸Wo tan naxee maxɔrinyi tima, ‹Won a tɔɔrɔfe munfe ra?› Wo fama n ma nɔndi kolonde.

²⁹Wo xa gaaxu santidɛgɛma ya ra, barima ɲaxankatɛ wo sɔtɔma nɛ wo xa fe ɲaaxie ma. Na kui wo fama a kolonde a kiitisa nde na.»