ISƆBU 19

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Kɛ̀ Isɔbuu bɛ́i nkɛ dɔ̀:

²Dɛ̀ yó nkɑ̃́ɑ̃́kɛ́ dɛ kɛ̀ di yóu di bo ncɑɑ̀rìmɛ̀ n yɛ̀mmɛ̀? Kɛ̀ di nɑ́ɑǹtì ǹ kɔ̀ùrì?

³Kucɛ mɛ̀pɛ́u ndi miɛ ndi n sɑ̃́ɑ̃́mmɛ̀, di mɛ̀ nni nfɛ̃́ũnko kɛ̀ ifɛi í di boɑ̀?

⁴Bɑ́ kɛ̀ ǹ yetɛ́mu, dɛ kó mɛyetímɛ̀ tu n kɔ̃mɛ mmɛ.

⁵Kɛ̀ di mɛ̀nkɛ dɔ́ kɛ́ n nɑmu kɛ́ n toú ntinɑ́ɑǹtì kɛ́ n dií nyifɛi.

⁶Bɑntɛ́nɛ̀ kɛ dò Kuyie nkuù n toú ntinɑ́ɑǹtì kuù ǹ tɑnnɛ́ ku kó ticùɔ̀tì miɛkɛ.

⁷Ntɛ mí nkɛ kuɔ̀ nkɛ tú bɛ̀ m puotì òmɔù mɛ nyí n cɔ́ú, kɛ̀ ǹ kuɔ̀ mbɑ́ òmɔù í m pɑɑ̀tì.

⁸Kuù m̀ pìi nkucɛ bɑ́ n yí yɑ̀ m bo kétɛ́ dɛ̀, kuù yɛ̃ ndɛ̀ m biitoo kɛ̀ m bɑ́ nwúó nkucɛ.

⁹Kuù dɛ̀itɛ n sɑ̃nni, kuù òótɛ́ n kpɑ̀ɑ̀tìpìì.

¹⁰Kù m bɔmmù tipíìtì timɔu kɛ̀ n kpɛrɛ dèè, kù dɛ̀itɛ n tɑ̃́kùmɛ̀ do ĩkú dɛ̀ɛ̀ ĩ́nkɛ̀ dɛ̀ndɛ bɛ̀ ɔ̃ɔ̃ uutɛ́mɛ̀ mutie.

¹¹Ku miɛkɛ kɛɛ̀ m̀ pɛikɛ, kɛ̀ kù n wèńtɛ́ ku dootitɔù.

¹²Ku ɑ̃ɑ̃pɔ̀mbɛ̀ bɛɛ̀ kèríní ditĩ̀nnì kɛ n wetí, kɛ keutɛ́ kucɛ kɛ tùɔ̀kɛní m borɛ̀, kɛ bɑ̀tɛ́ kɛ n fitɛ́.

¹³Kɛ n fũ̀ũnnɛ̀ n kɔbɛ, kɛ̀ n nɛ́pobɛ̀ bɛmɔu cìɛ́tɛ́ kɛ n yóu.

¹⁴N tebìí n dootóomu, kɛ̀ n nɑtitɔbɛ̀ n yɛ̃̀.

¹⁵Bɛ̀ɛ̀ ǹ tɑɑ̀nɛ̀, nɛ̀ n kó bɛtɔ̃mbɛ̀ bɛnitidɑɑbɛ̀ nɛ̀ bɛnitipòbɛ̀ bɛ̀ n wúó nhopɔ̀ɔ̀ nwe, kɛ n wúó nhokpɑ́kpɑ̀rì.

¹⁶Kɛ̀ n yu n kóo tɔ̃ntì ò ncĩ́ɛ̃́kɛ́, kɛ̀ dɛ̀ mbékú nhò bɑ̀ḿmú m mɔ́mmuɔ.

¹⁷M pokù tɛ̃́nkɛ í dɔ́ n kpɛti, kɛ̀ n kɔbɛ mɔ́mmɔmbɛ m pɛ̃̀.

¹⁸Kɛ̀ ibí bɛ́nnì n senku, kɛ̀ n yìtɛ́ kɛ còḿmú ì nni ndɑú.

¹⁹Kɛ̀ ǹ nɑɑ́ nyisíɛ́ bɛ̀ɛ̀ do n tɑ̃́ bɛ ììkɛ̀, nɛ̀ bɛ̀ ti do nɑɑti bɛɛ̀ kòńtɛ́ kɛ n dokùnɛ̀.

²⁰N kɔ̃̀mmɛ̀ nɛ̀ m mɑɑ nkɛ̀ dɛ̀ dɑ̀roo n kṹɔ̃̀, tininkɔ̃́ũ̀tì tiì mɑ́ɑ̀ kpɑɑ́.

²¹N kuɔ́nnɛ̀ mɛsémmɛ̀ bé! Díndi n nɛ́pobɛ̀ n kuɔ́nnɛ̀ mɛsémmɛ̀! Kuyie nkuù nɔ̀ùtɛ̀ m̀ potɛ́.

²²Yé dɛ̀ yĩmɛ̀ kɛ̀ di m bɛtì Kuyie nni mbɛtìmɛ̀? Di mɛ nni nfɛ̃́ũ nkɛ̀ dɛ̀ í di sɑ̀nnɑ̀ɑ̀?

²³Kɛ̀ n do bo nɑ kɛ́wɑ̃ri n nɑ́ɑǹtì, n nɑ ntì wɑ̃̀ri dipɑ́tíri miɛkɛ.

²⁴N nɑ ntùótɛ́ dicíè kɛ kèrí dipèrì ĩ́nkɛ̀, kɛ tì wɑ̃̀rinɛ̀ mmɛbiɛrimɛ kɛ̀ tì mbo sɑ̃́ɑ̃̀ dipèrì ĩ́nkɛ̀.

²⁵N nɛ́ yɛ̃́mu kɛ dò n kóo donti fòù, weè te dinùù sɔnni kɛtenkɛ̀ ĩ́nkɛ̀.

²⁶N kɔ̃̀ntì tiì m̀bo pɑ̃ɑ̃kɛ dìì mɔ̀nnì, n yóó yɑ̀mu Kuyie mmɔ́mmɔnku nɛ̀ n nɔ̀nfɛ̀.

²⁷N yóó kù yɑ̀mu kumɔ́mmɔnku nɛ̀ n nɔ̀nfɛ̀, n yóó kù yɑ̀mu fɛ̃̀, dɛ̀ í tú otɔù mɔù, nɛ̀ n yɛ̀mmɛ̀ mɛmɔu ndi m bɑɑmɛ̀ dɛ kó dimɔ̀nnì kɛ̀ dɛ̀ nh ɔɔtí.

²⁸Dɛ mɔ̀nnì di bo yĩ́: Bɑ nte kɛ̀ ti do ò bɛ̀ti? Dɛ mɔ̀nnì di yóó yɑ̀mu n do nɑɑtimɛ̀.

²⁹N yɛ̃́mu kɛ dò nKuyie nyóó di bekɛ́nɛ̀, nɛ̀ dɛ kpɛ́í, ndénɛ̀ kukpɑ̀rìseú, kɛ yɛ̃́ Kuyie nyɛ̃ĩti dɛumɛ̀mu.