1Ashiriya, Jobsha wamkuree, ¿Ashinshitaja siy k'kiptis nuwaa kiyung yachakis anoo kasaychis?
3Nuwaa yutarit tsiyat, tsiyat ashiksawa. ¿Nuwaa nda nayanikis? ¿Nda pazikis?
4Yuw nuw mantsirimshee chinarangi an nuwaanaatstamari tayutaritarangina. Nda minootssha tputs tayutaritarangina. ¿Ashiri mayamandsha nuwaa ashiru tsiyataksa?
5Siy mangishis chinakus; ¿Antaati Job yutarita iy ashireezini? Jobaa waanamandari yutaritshishirini Apanll waneerangu, kiyung kachiyku taakiya, átssa.
6Itaru, mazinangtsa; waana Apanll nuwaa kapung yutaritash wayarangu, na kiyung kachiykuri, waneeshish taakina. Itaru, nda nuwaanamandari chayari ashkina.
7Anush kiyung kachiykuri, Tputs pacharundama, aturi, kuruztat ashkuri, nda minumtiyam tputs nuwaa istakanaya. Istanda, aturi, nda minumtiyam tputs nuwaa naynikandanaya. Izuuru xapookina.
8Apanll waana xarashish kapung wayarangu, ngootspaz kámanaru ashiru nda waneeshee suwamaam waritakuri, anshuri tapishpaz ashiru kiyung kachiykuri taakina.
9Sirútama wanasiritaa taaranguri, itaru Apanllsha maachiritaatsi ichinguru tpachingarangiya. Tputs sirútama nuwaa wanasiritaa naparangsin, itaru natsha nuwaa paksin punirustakanaya.
10Yasina xixpur shpayarusin, mangutarisha wizpur ndunarsha, tsipamaam kamiransha xiya ashtaru ashiru nuwaa Apanll wayarangunda. Nda nuwaanaatsi tapachindamaam wizpuriri nda waninda.
11Undarareetspaz ashiru nuwaa kapung tsiyantaku, waani urutamari kiyung kachiyku taanll, átu ashirangiya.
12Nuwaa wizpurpa sundar tputsee putapi átu, ashchiri pangu taturpiyaru, nda tputs suwamaam waritaku, izuuru putataru, ashiru nuw nda kamungamaam waritakina.
13Apanll waana nuwaa ashimash wayarangu, waani zoonlltam, wamkurtam kasayarusin, arap naakchusin, waani túnarichinllinpa átu, ashirangiya.
14Ashpari maachiriti, amikuritamti, yuwatamsin nuwash pangi taarangana antamsin, misha m'chachuritamti nuwaa nllitaritaatspaz ashiru ndusha natstaranganaya.
16Ashkusin, m'chachureetsi kuruzkuri, sirútama nuwaa kuki kis payutaru, nda ashku uru arangirisha nuwaa niyrkanaya.
17Mishat, izanlli nduntam nuwaa watsiri káyamaku, tsutashsheetsi puniku, ngatkiya. Ipartamti, mishat aneertamti wip ashimaatsi paksin, mantsir tsiyatkanaya.
18Nllurataa kapung nuwaa yutaritam ínaksin, mantsir tsiyatkanaya, watam kizpur yutaritshtinawa.
19Yuwataa kizpur amikurimuni antamsin nuwaa tayutaritkusin, stakanaya. Mishat, yuwatam kizpur chinatarana antamsin nuwaa natsakanaya.
20Kizpur xangitamaruri, napurimuni tasi ptsutataru, kapunguri yutaritti tsipamaam waritakina.
21Ashiriya, na nuwamun mangoonangtsa, amikuree. Ashiri siy amikuree, nuwaa nayaningasinda. ¿Mayaamshta nuwaa Apanll tsipatspatari waneeshish wayaranganda?
22Ashiriya, ¿mayaamsha siysa Apanll tamarangpari ashiritam nuwaa kiyung yáchaksa? Waamunari nuwaa kiyung yachayantsa. Nimunari waparita.
23¿Antaati nuw yutaritshishi tsiyatarangee? nduni. Wanari tputs yuwaa tsiyatarangi anoo ichingaru ngusambamun yandaranginaari wanasirpari.
24Nduntaatiya ashiru, patumbchimun yandarangu, nda ayamtaati mbizamaam wanasirpari.
25Nuwaa yuwamaricha kurak ksutku taaki, anumari taarasheetsi yasariya. An ichingaru kasiru tsapurunasish taaku, watacha nuw kurakarina. Anumari chinasheetsi yasariya, misha tsipaneetstamti.
26Nuw tputseeruri tsutashshimun nutsi kizpur kuchar itsuptamawtaati taakuri, tsipaktaateena, zurampatari Apanllee pangchina.
27Nuwaantari kchiptarti Apanlli pangchina. Anungazimari kapung pamaam zandkina. Nllitaritaa pamaam zandkeezi.
28Siy nuwamun k'kuzee mazinakus, waanamandaricha yutaritshishirini kiyung kachiykasha, ántaruni táchinipa átssa. Siyaa kukis mazinamaam nizeena.
29Itaru, kaapaniri mangishis chinayarus, yutaritshishirimandis punikus taangtsa. Siyaa uru Apanll wanichintsa. Tputsee yutaritshishpani Apanll uru wanitariya, Job tárangiya tputseetsi.
