Job 19

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Chaura Job yapay niran:

²«¿Imaycamataj llaquicaycächimanqui? ¿Imaycamataj nanaj-nanaj wiyaycächimanqui?

³Yaparir-yaparir gayapämar ¿manachu pengacunqui?

⁴Juchayoj cashpäpis quiquëchari imanöpis cacushaj.

⁵Gamcunaga nogapita mas alli cashayquitami yarpaycanqui. Chaymi nogataga ‹juchayquipitami ñacaycanqui› niycämanqui.

⁶Gamcunaga musyanquiman: Tayta Diosmi togllanwan nogataga charimasha. Paymi camacächisha cayno canäpaj.

⁷« ‹¡Wañuycächiman!› nir gayaraptëpis manami pipis washämanchu. Yanapämänanpaj ruwacuptëpis manami pipis yanapämanchu.

⁸Diosmi nänita chapacurcusha noga maypapis mana llojshinäpaj. Purinä nänita ticrarachisha yanauyaycaj chacayman.

⁹Pasaypa manacajmanmi churamasha. Pipis manana rispitamänanpämi camacächisha.

¹⁰Nircur pasaypa mana allichömi cachaycamasha. ¡Jachata achurej-japuymi usharamasha!

¹¹Rabyasha caycashantapis nogachörämi gasarpachisha. Nogataga chiquinacushan runatanömi ñacaycächiman.

¹²Llapan suldäruncunami nogallaman shamusha magamaj. Wasë ñaupanpami curalapaycäramasha magamaj yaycamunanpaj.

¹³«Tayta Diosmi camacächisha wauguëcuna, amïgöcunapis mana rejsisha runatanöna ricamänanpaj. Chaymi mana witipämannachu.

¹⁴Nogapaga manami pïnëpis canchu. Amïgöcunapis cachaycamashami.

¹⁵Wasëcho tiyajcunapis gongaycamasha. Uywaynëcunapis jäpatanönami ricaman. Paycunapäga puricachaj runanönami caycä.

¹⁶Gayaptëpis may-jina ruwaptëpis manami cäsumannachu.

¹⁷Jämaynë asyaptinmi warmëpis melanäcamanna. Wauguëcunapis fiyupa melanäcaman.

¹⁸Wamra-mallwacunapis manacajmanmi churaman. Paycuna ricamashpan asipämar washätami riman.

¹⁹Sumaj cuyanacushäcunapis melanäcamanmi. Fiyupa cuyashä cajcunapis chiquicarcamashami.

²⁰Pasaypa tullullannami ricacushcäpis. Cayno ñacaycarpis cawaycärämi.

²¹«Amïgöcuna cuyapaycamay ari. Nogataga Tayta Diosmi castigaycäman.

²²¿Imanirtaj gamcuna gaticachämanqui Tayta Dios gaticachaycämashannöga? Janäta ricashallayquiwanna ¿manachu cuntintacunqui?

²³«¡Ojalä, nishäcunata pillapis isquirbiycunman! ¡Ojalä actaman isquirbircur churaycunman!

²⁴¡Ojalä pillapis sinsilwan tacaypa isquirbiycunman plömuman, rumimanpis imay-yajpis mana illgänanpaj!

²⁵Noga musyämi washämajnë cawashanta. Paymi cay pachachöga faburnë jatarenga.

²⁶Ichic-ichiclla aychä ismur shicwaycaptinpis nogaga caway-ñawëpami Tayta Diosta ricashaj.

²⁷Quiquë ñawëwanmi ricashaj. Manami juc jäpachu, quiquëmi ricashäga. Callpäpis pasaypa manami cajnönachu gamcuna parlajta wiyaptë.

²⁸«Gamcunaga nircaycanqui: ‹Noganchëga ¿imanöparaj ñacachishwan? Quiquinpa juchanpitami payga ñacaycanpis› nir.

²⁹Quiquiquicunapis sablita manchacuy-llapa. Juchasapacunata Tayta Dios castigacunan sablitaga manchacuy. Gamcunaga tantiyacunquiman imata rurashanchïpitapis jusgamänanchïpaj caycashanta.»