Sohp 19

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Dahme kumwail kapwukapwunodehkin ie mahsen pwukan?

³Pak tohtohie kumwail wia kauweielahr, oh sohte mwahn namenengki amwail kalokei ie.

⁴Eri da? Ma I sapwungalahr, ei pwukoa met.

⁵Kumwail kin lemeleme me kumwail mwahusang ie; oh kin wiahki ei apwal kadehdehpen ei dipan.

⁶Kumwail sohte kak wehwehki me Koht me ketin kupwuredahr met? E ketikidier lidip ehu pwe en ketin kalowehkiniehdi.

⁷I kin weriwerki lokolok wet, ahpw sohte mehmen rong ie; I kin pekipeki ei pwuhng, ahpw sohte diar.

⁸Koht ketin perehsang ie ahlo, I solahr kak kotehla; e ketin kipehkidier ahlo rotorot.

⁹E ketikihsang ie ei kepwe kan koaros, oh kauwehla lingan en edei.

¹⁰E ketin kalipwelipwehda wasa koaros en paliwereiet. E ketin kanekehsang loalei koapworopwor koaros. oh ketin mweidala pwe I en luwetala oh mehla.

¹¹Koht ketin kauwong ie sapwellime engieng, oh ketin wiahkiniehla sapwellime imwintihti lapalap.

¹²E ketin poaronehdo sapwellime karis kan pwe re en mahweniong ie; re weirda ar wasahn pei oh kapiliepene.

¹³Koht ketin kupwuredahr riei kan en keseiehla; mehn liki men ngehi nanpwungen kompoakepahi kan;

¹⁴kisehi kan oh kompoakepahi kan tangehrdoaui.

¹⁵Mehn keiru kan me mi nan imwei manokeielahr; serepein kan me kin papah ie pil wiahkinielahr mehn liki men.

¹⁶Ni ei kin likwerih ladu men, e sohte kin sapeng ie— ni ei pil kin peki en sewesei ie, e kin nennenlahte.

¹⁷Ei pwoud sohte kakohng engin eweiet; oh pein riei kan sohte kin men keidohng mpei.

¹⁸Seri kan kin mwamwahlikin ie, oh kin kouruhrkin ie, ni ar kin kilengiehda.

¹⁹Me keieu kompoakepahnkin ie kan kin sautkin ie; irail kan me I kin keieu poakepoake, re pelianiedahr.

²⁰Kiliet mwotoudier oh mwerekireklahr pohn tih kat; metehr kis pwe ei mour en lussang ie.

²¹Kumwail kompoakepahi kan, kumwail poakeiehla! Nin limen Koht pohriedier.

²²Dahme kumwail kalokalokehkin ie, duwehte me Koht ketin wiahiong ie? Eri da? E saikinte itar amwail kalokaloke ie?

²³I men emen en tamatamante ei lokaia kat oh ntingihedi nan ehu pwuhken!

²⁴De ei lokaia kat en siseldiong pohn takai, pwe re en mihmihte kohkohlahte.

²⁵Ahpw iet, I ese me mie mehmen nanleng me pahn ketidohng sewese ie.

²⁶Pil mwurin kiliet eh pahn ohkihla soumwahu wet, I pahn kilangki Koht paliwereiet.

²⁷I pahn kilangki pein pwoaren mesei kat, oh e sohte pahn mwomwen mehn liki men. Nan kapehdiet tikitingkihla amwail ketihtihki,

²⁸“A ia duwen atail kak kaloke?” Kumwail kin raparapahki dahme kumwail pahn kak uhkihong ie.

²⁹Eri met, kumwail en masak kedlahso— kedlahs me kin wahdo engieng en Koht pohn dihp, pwe kumwail en esehla me mie emen me kin wia kadeik.