Hiobe 29

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Hiobe e ʒuhuckerâ dâŋ kecʒiŋuc muwec:

²“Jei, Anutuzi mârâc jaha hone soŋaŋ enareme juhâc qâhâmopo juju iŋucne mocwâc fua‐nareme juzapo me!

³Anutu e dameŋ ira hâcne nohec hati juwec, ehuc dapâcko juhape tamae‐narewec.

⁴No dameŋ ira Anutuzi fic hae‐nane hone maiŋ ecnehuc hâpo heâroŋ enareha ŋic ʒoɋac sasanaŋhec jupo.

⁵Anutu bapafâre e dameŋ ira hâcne nohec juha naru motecfâc‐nane jaŋe qazu orâŋ enarehuc jumbiŋ.

⁶Noniŋ bulimakaofâc‐nane jaŋe susu bocjaha bâfua‐nare jumbieŋ, â oliwa jâcnane i mâreŋ kereŋnao sarape sifu fua biaŋ ewec.

⁷Hae soŋaŋ micne jaŋe tumaŋnehapie sâc no qâtec‐joparâ ŋondeŋ‐jeŋicko ŋeŋe juju ejupac.

⁸Ehame ŋic motec jaŋe honecnurâ izia soŋke jumbieŋ, â ŋicqizec jaŋe araŋ banarehuc fahare jumbieŋ.

⁹Ŋic fekicne jaŋe dâŋjeŋic bâniniŋkerâ dâŋemâc ŋejumbieŋ,

¹⁰â ŋic ʒâŋe biŋe sâkohec jaŋe wâc iŋuc jaha dâŋ tâmiric ŋejumbieŋ.

¹¹Hone manac enarembiŋ ŋic i jaŋe sasawa wiac ebac epo irec muac baafec enare jumbieŋ.

¹²No ŋic hapetac jaŋe wira wâwâsic enarepie manarâ hone bafic ejare jupac.

¹³Ŋic jaŋe sipirickezo ehapie bafic‐jopape mumbiaŋnu jumbieŋ, â hozec jaŋe ehâmo‐jarepe ʒeri bari ejumbieŋ.

¹⁴No dameŋ sâc wiac ebac epe tiŋke biaŋ efâre jujec.

¹⁵No ʒâŋe tiŋtuŋ jaŋe jowa qataŋ ejare jupac, â kike demba jaŋe dope hutuŋ ejare jupac wâc.

¹⁶No ŋic hapetac mamac ejarehuc bâmec bajare jupac, â ŋic furune wiac qacne gâpâcne fua‐jarewec iŋuc jaha wâc hone bafic ejare jupac.

¹⁷No ŋic sindaŋne jaŋere tâpiri bawaha jupac, ehuc bâʒâic‐jopa jumbieŋ jaŋe ŋezic‐jopa jupac.

¹⁸No ʒiŋuc manasuhuc jupo: ‘No jufeku ŋicqizec jâmbâŋ epemu, ehuc fic hae‐naneo hâmoc biaŋne hâmopemu.

¹⁹No jâc moczi gâtâne sicnerâ opâ bâfuaekac, â tieŋ taeŋne maniŋ titikuczi bâgunuckeekac irec sâc erâ jufepemu.

²⁰Ʒâŋe biŋe sâko‐nane wawahane mi eocmu, â tâpiri‐nane wâc mi omaeocmu.’

²¹“No ŋic jaŋe niniŋkerâ ŋehapie dâŋ jaza jupac, erâ hazec râehapie dâŋ mutâcne‐jare jupac.

²²Eme dâŋ mutarape jaŋe okacne mi bârisie jumbieŋ; dâŋnane i hoe sisic iŋucne fai‐jeŋicko wahame mana sakac ejumbieŋ hâcne.

²³Ŋic jaŋe ʒoaŋ fârorocte takic‐jopame hoere ejareekac irec sâc jaŋe dâŋnanere boc ejare jujec.

²⁴Jaŋere ʒâic busâqoczi nore ʒeri bubiaŋ sâcne mi bawaha jujec, ehame no mu âkeriŋ ejarepe qacfiric ejumbieŋ.

²⁵No ŋicwofuŋ jaŋe eeŋgopieŋ irec sâc qizec‐jopahuc hata mutâcne‐jare jupac, erâ ŋicwofuŋ moczi momorifâcne bânie‐jarehuc sâcmutâc ejareekac irec sâc ejare jupac, ehuc hâbi‐jeŋic goroŋkeme basanaŋ‐jopa jupac.