Job 29

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Job yapay niran:

²«¡Imanöparaj cutiycöman unay cashä wichanman! Chay wichanmi ima-aycapitapis Tayta Dios chapämaran.

³Pay achquinwan achquipämaptinmi chacaypapis alli purej cä.

⁴Noga alli timpullächöraj caycashä wichan alli yanapämaj.

⁵Munayniyoj Tayta Diosmi yan'gaycämaran. Wamräcunapis täparaycämaran.

⁶Chay wichanga lëchipis pampantin yacunöraj caran. Asëtipis gagacunapita quiquillanmi llojshicamoj.

⁷«Nogaga simri jamaraj cä siudächo mayur runacuna shuntacar jamarajcunawanmi.

⁸Mösucunapis ñaupancho captëga päsanäpaj witicoj. Auquincunapis rispitamashpan ichicoj.

⁹Mas rispitädu runacunapis parlaycashanpita upällacaycärej. Maquinwan shiminta chapacarcärej.

¹⁰Mandajcunapis rimaycashanpita jinan öra upällacaycärej. Galluncuna palacarninman lagacäcojno ricacoj.

¹¹«Runacunaga ricamarpis wiyamarpis nogapaj allitami parlaj.

¹²Chaynöga parlaj wacchacunata, pobricunata, pipis mana yanapashan runacunata yanapanyaptëmi.

¹³Fiyupa muchupacaj runacuna agradësicamaj. Yanapaptë biyüdacunapis fiyupa cushicoj.

¹⁴Nogaga pitapis mana suwapaypami, allita ruraj cä. Chayno alli ruraynëga röpata jatirajnöpis waran-waran ruranämi caran.

¹⁵¡Nogaga gapracunapäpis ñawinnömi caj cä. Paquicushacunapäpis chaquinnömi caj cä.

¹⁶Pishëpacojcunapäga papäninnömi caj cä. Juc-lä runacunata washaj cä!

¹⁷Fiyu runacunapa munayninta ushacächej cä. Imata suwaycashancunatapis guechoj cä.

¹⁸«Nogaga yarparaj cä: ‹Nogaga pasaypa auquinyayllaparämi wasillächo wañushaj. Yupaytapis mana atipaypaj achca watami cawashaj.

¹⁹Nogaga caycä yacu ñaupancho yöra caycajnömi. Chay yörapa rämanga shullaypashami warämun.

²⁰Nogata rispitamaptin allimi cawashaj. Chayno, callpäpis manami ushacangachu› nir.

²¹«Llapanmi wiyamaj. Shuyarpaycaj willapar tantiyachinäpaj.

²²Noga parlayta usharcuptëga manami pipis ‹llutanmi› nimajchu. Paycunamanga parlashä chayaj yacunaycaptin tamya shiminman chayajnömi.

²³Paycunanami yarpayninman sumaj churacushpan wiyacoj. Chaura paycunapäga caj murupacuy wichan tamyanömi.

²⁴Paycunapa ñaupancho asinaptëga paycuna cushicoj. Mana cachaypami cushisha caycashäta ricaparcaycämaj.

²⁵Nogami paycunapaga mandajnin caycarä. Chaymi paycunata tantiyachej cä imano goyänanpäpis. Nogaga caycarä juc ray aypalla röpa suldäruncunapa ñaupancho caycajno. Paycuna llaquisha caycajta shacyächej cä.