Yoobu 29

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Yoobu u mɑɑ win ɡɑri ɡerum wɔri u nɛɛ,

²nɑ kĩ nɛn yellun wɑ̃ɑru tu wurɑmɑ tɑ n sɑ̃ɑ nɡe sɑɑ ye Gusunɔ u mɑn kɔ̃su.

³Nɑ kĩ nɑ n wɑ̃ɑ nɡe sɑɑ ye u fitilɑ sɔ̃re nɛn wuswɑɑɔ, mɑ win yɑm bururɑm mɑn yɑm bururɑsie wɔ̃kuru.

⁴Nɑ kĩ nɑ n sɑ̃ɑwɑ nɡe sɑɑ yè sɔɔ nɑ dɑm mɔ, mɑ Gusunɔ u mɑn kɔ̃su kɑ kĩru.

⁵Sɑɑ ye sɔɔ, Gusunɔ Dɑm kpuroɡii u kɑ mɑn wɑ̃ɑ, mɑ nɛn bibɑ kɑ mɑn wɑ̃ɑ.

⁶Mɛyɑ nɛn yɑɑ sɑbenu nu rɑ n bom yibɑ. Mɛyɑ mɑɑ nɛn olifi yɑ rɑ mɑn ɡum wɛ̃ mu n kokumɔ nɡe dɑɑ kokɑ.

⁷Sɑɑ ye sɔɔ, nɑ̀ n yɑrɑ tɔɔwɔ nɑ dɑ nɑ sinɑ wuun ɡbɑ̃rɑrun kɔnnɔwɔ su kɑ siri,

⁸ɑluwɑɑsibɑ bɑ̀ n mɑn wɑ, bɑ rɑ mɑn bɛɛrɛ wɛ̃wɑ bu doonɑ min di, kpɑ durɔ tɔkɔnu nu se nu yɔ̃rɑ.

⁹Tɔn bokobu bɑ̀ n mɑn wɑ bɑ rɑ ben ɡɑri ɡerubu yɔ̃rewɑ.

¹⁰Mɛyɑ mɑɑ sinɑmbu bɑ rɑ nɔɔ mɑri, kpɑ n sɑ̃ɑre ben yɑrɑ ben dɑro mɑni.

¹¹Wi u nɛn ɡɑri nuɑ u rɑ nɛɛwɑ, doo nɔɔruɡiiwɑ nɑ sɑ̃ɑ. Wi u mɑɑ mɑn wɑ seedɑ ɡeɑ u rɑ mɑn diiye.

¹²Domi nɑ rɑ wɔnwɔndo somi ù n somiru kɑnɑ, kpɑ n ɡobeku wi bɑ yinɑ bu somi dɑm kɛ̃.

¹³Be bɑ ɡɔɔ dɔɔ, bɑ rɑ mɑn domɑru kuewɑ. Kpɑ n ɡɔminibu nukuru yɛmiɑsiɑ n de bɑ n nuku dobu mɔ ɡɔ̃ruɔ.

¹⁴Gem kobu bu rɑ n mɑn wɑ̃ɑsiwɑ nɡe yɑbe te nɑ sebuɑ, ǹ kun mɛ nɡe dɑwɑni ye nɑ bɔkuɑ.

¹⁵Nɑ rɑ n sɑ̃ɑwɑ wɔ̃kobun nɔni, kpɑ nɑ n sɑ̃ɑ kɔ̃ri kpiriruɡibun kɔ̃ri.

¹⁶Nɑ kuɑ sɑ̃ɑrobun tundo. Nɑ rɑ sɔbu nɔɔri, n ben ɡɑri mɛɛri yi bɑ kɑ nɑ.

¹⁷Adɑmɑ nɑ rɑ tɔn kɔ̃sobun nɔsu bɔɔku, n bu wɔrɑri ye bɑ mwɑ.

¹⁸Mɑ nɑ tii sɔ̃ɔwɑ nɑ nɛɛ, kon ɡbiwɑ tɔkɔru sɔɔ, nɛn kpin yeru wɔllɔ. Nɛn wɑ̃ɑrun tɔ̃nu nu ko n dɑbiwɑ nɡe yɑni sɛɛri.

¹⁹Ko nɑ n sɑ̃ɑwɑ nɡe dɑ̃ɑ tèn ɡbini yi wɑ̃ɑ nim bɔkuɔ. Kpɑ kɑkoru tɑ n wɑ̃ɑ nɛn kɑ̃ɑsin wɔllɔ.

²⁰Sɑɑ ye sɔɔ, nɛn yiiko yɑ koo wurɑmɑ, kpɑ nɑ n dɑm mɔ nɡe tɛn te bɑ ɡɑwe.

²¹Yellu, tɔmbu bɑ rɑ yɔ̃rewɑ bu nɛn ɡɑri swɑɑ dɑki. Bɑ rɑ nɔɔ mɑriwɑ bu nɛn bwisi nɔ.

²²Nɑ̀ n ɡɑri ɡeruɑ nɑ kpɑ, ɡoo ku rɑ mɑɑ ɡɑ̃ɑnu wisi. Nɛn ɡɑri yi, yi rɑ bu duuriwɑ kpurɛ kpurɛ nɡe nim mɛ mu dɑ̃ɑkumɔ.

²³Be kpuro bɑ rɑ n mɑn mɑrɑwɑ nɡe tom buruku ɡurɑ.

²⁴Kpɑ n yɛ̃ɛ musɛɛ n kɑ bu dɑm kɛ̃ sɑnɑm mɛ bɑ dɑm bie. Bɑ ǹ kpɛ̃ bu mɑn nuki sɑnku n wuswɑɑ burisinɑ.

²⁵Nɛnɑ nɑ rɑ n bu swɑɑ ɡbiiye, kpɑ nɑ n wɑ̃ɑ ben suunu sɔɔ nɡe sinɑ boko wi u rɑ win tɔmbu nukuru yɛmiɑsie.