Yohana 11:6-40

⁶Wa a wo ndi Lazaru silo'a, na kri ti ivi hari ni bubu wa ahe.

⁷Ni kogon ki, wa hla, ni almajere ma, “Biri ki hi ni Yahudiya ngari.”

⁸U almajere ba hla niwu, “Mala, Yahudawa bari si wa ndi ba ta ni tita, u la ni son k'ma hi ni ki?

⁹Yesu tre niba, andi inton u kpan rji ana awa wulon don ha na? Indji wa a zren ni ri, ana kubu zana, ni wa asi to kpan u gbungbulu yi.

¹⁰Indji wa ni zren ni chu, ani kubu za nitu wa ikpan na he na.

¹¹A tre kpe biyi ni kogon biyi, a hla ni bawu, “Ikpan mbu Lazaru a si kru nna, mi si hi bubu shime lunde ni na.

¹²U almajere ba hla niwu, “Bachi, ani ta si kruna, e ani shime ni nna'a.”

¹³Yesu si tre ni tu kwu Lazaru u ba si nda asi tre nitu kruna u kusimu.

¹⁴U Yesu a mamla hla ni bawu ndi, “Lazaru kwu.

¹⁵Mi ngyiri ni tubi, niwa mina he na ni ndu kpanyeme. Biri ki hi niwu.”

¹⁶Toma, wa ba yo ndi vren u hlen hen, a hla ni mburualmajere ba ndu baba hi ngame na hi kwu ni Yesu.”

¹⁷Wa Yesu aye, u wa ye to Lazaru ati za'a ni be ye.

¹⁸Baitanya ahe whewhre ni Urushalima, avi zren fifie me ni tsutsu mba.

¹⁹Yahudawa gbugbuwu ba ye ni ye chiMaryamu mba Marta ni kwu Lazaru.

²⁰Wa Marta wo andi Yesu ni ye, na luhi ni ndu wawu hi same wu'a u Maryamu a son zu ni miko.

²¹Marta hla ni Yesu, “Bachi, una he nita ni lalon mu, vayi mu ana kwu na.”

²²Zizan me mi to ikpe wa u bre Rji ani no'u.”

²³Yesu hla niwu, vayi me ni ta shime.

²⁴U Marta hla niwu, “Mi to ani ta shime chachu klekle.”

²⁵Yesu hla niwu, “Ime yi mi ta shime u klekle, Ime yi mi re (iviri), indji wa a kpanyeme ni me, ani ta kwu, ani ta shime;

²⁶ni indji wa ahe ni re (iviri), na kpanyeme ni me, ana kwu na; u kpanyeme ni wa?”

²⁷U wa hla niwu, “E, Bachi, mi kpanyeme andi iwuyi u Almasihu, Vren Rji, iwa ani ye ni gbungbulu'a.

²⁸Ni wa a hla naki, na kma hi ni vayi ma Maryamu, na yo ti gigran, na hla, “Mala ye ri ye, na ni yo.”

²⁹Wa a wo naki, wa lunde gbagbla hi niwu.

³⁰Yesu na ri ni vi gbu'a rina, ahe ni bubu wa Iwa ka same ni wu'a.

³¹Ni Yahudawa wa ba he baba Maryamu biwa ba ye chi ba ni kwu'a, bato lu rju ni miko gbagbla me, u ba lu hu, ni ban andi a rju ni bubu yi ni nyu be.

³²Wa a ka ri ni bubu wa Yesu he'a na ka Joku niwu ni za ma, na hla, “Bachi, una he nita, vayimuy ana kwu na.”

³³Wa Yesu ato'u si yi, ni Yahudawa biwa ba hu'a, i wa kpere ni Ruhu na lo ni suron;

³⁴iwa tre, bika yo ni ntsen? “U ba hla niwu, “Bachi, ye to.”

³⁵Yesu yi.

³⁶U Yahudawa ba ba hla ndi, “toh yanda ani son Lazaru!”

³⁷Ba mba ba tre, “Wawu igu yi wa a ya no indji u fyen to bubu'a, ani na ya u gu hi bubu kwu na?

³⁸Yesu he ni mi si lo suron ni tu ma, na hi ni be'a. Ibe'a a he ni ko fron tita u ba ka he ni tita.

³⁹U Yesu tre, “Ban tita yi rju.” Marta vayi Lazaru wa a kwu a, a hla ni Yesu, “Bachi, zizan ikon kmo a gla ye niwa a ti ivi nzah ni kwu.

⁴⁰Yesu hla niwu, mina hla niwu ikpe wa u kpanyeme u to nikon u Rji'a na?