Uyuhana 11:6-40

⁶Sama kunna uguna Li'azaru mazi uhumaba, ba ma cukkuno uha atiye tire ahira sa ma raa ni.

⁷A' anime, magun nanu tarsa unme, “Acatiha u Yahudiya”.

⁸Ba anu tarsa umeme wagunme, “Unu dungara aname ma Yahudawa ma nyarawe barki wa tizziwe inna poo, anime unyara ukuro abirkome?”

⁹Yeso makabirka magu, “Ingussa uganiya kana kirau in kani kare ka ni ani hiriba? inki unu ma wuza tanu inwui, Mada pilikome ba, barki mahira u suro umasa mune ugeme.

¹⁰Anime inki unu ma wuza tanu a nyimo aniye, madi pillizo barki masa ma zoo me nan meba.

¹¹Mabuka immum iginome, adomo atinum tigino me, bama gunwe, “Uroni uru Li'azaru mahama amoro ma, indiha inka hiriza me.

¹²Ba nu tarsa umeme wagunme, “Ugomo Asere, inki moromanimazin innu wuza madi hiri”.

¹³Yeso ma buki tize tiwono i Li'azaru we wa gusi mazin inmoro muvenk u ni.

¹⁴Yeso beziwe uguna, “Li'azaru ma wono.

¹⁵Inzin hiruba irum barki shi, san zoo ni barki ihem. Acetiha ahira.

¹⁶Toma sa atissame bibara, magun nu kasu anu tarsa umeme, “Acatidusa barki tiwi nogome nan Yeso”.

¹⁷Sa Yeso ma buki, makem Li'azaru mamu wuna tiye tinaazi anyimo acau.

¹⁸Ubatanya uzi mamu nan nu Urshalima, “Tanu tini cin sa ti zoome piit nan we.

¹⁹Ma Yahudawa gbardang wa eh u iso u Maryamu nan matta tiyom ti wono unu uwe.

²⁰Sa Matta ma kunna Yeso ma eh ze, bama dusa barki maka kemme, a Maryamu ma ciki anyimo kura.

²¹Matta magun Yeso, “Ugomo Asere, dagu urani unu ura, mada wonoba”.

²²A anu ma vat imube sawa ikko ahira Asere madi nyawe.

²³Yeso ma gunme, “Unu uwe madi vengize”.

²⁴Ba matta ma gunme, “Min rusa maa vengize roo nu hira anu wijo roni mara vat”.

²⁵Yeso magunme, “Mimani uhirsa a nu wijo, im mani u veno ize, desa maa nya kaduren in mi, in ma wono madi vengize.

²⁶Anime vat desa ma vengize, mahem in mi, mada wono ba, wa hem in ani me?”

²⁷Ba magunme, “mh. Ugomo Asere, mahem ma inko iriba hamani vena Asere sa u eh ze unee.

²⁸Sa maa buki anime, makuri makatita uhe nu me Maryamuanikira. magu “Unu dungara mabiki, matissawe”.

²⁹Sa ma kunna anime, mahiri dibe maha ahirame.

³⁰Yeso mazi mamu ribe akkupinme ba, maraa ahirame sa matta ma kem meni.

³¹Nan ma Yahudawa maginome sa ma zi nan Maryamu, ande sawa eh me tiyom. Wairi ma suro akura dibe, watar sime, waa basa agi mahana a so a ni icau.

³²Sa Maryamu mabiki ahira a Yeso, ma rizi atibuna tumeme, magu, “Asere, agi wa zi nan haru, uhenu um mada wonoba”.

³³Sa Yeso ma irame mazinna so, nan ma Yahudawa ma gino sama tar sime, ma bassa anyimo abibe bilau makuri ma wuzi ma aye.

³⁴Magu, “Abani ya natameni?” bawa gunme, “Asere, aye ira”.

³⁵Yeso ma shi.

³⁶Ma Yahuidawa wagu, “ira u hemme sama zini ahira a Li'azaru!”

³⁷Aye wagu, “Unu geme sa ma nya u rubo u hira hira, madake makarti unu uge me iwonoba?

³⁸Yeso mazinnu basa abanga in nice nume, madusa icaume, icaume ubere unu a inpin inipo.

³⁹Yeso magu, “Akari nipome” matta u he nu u Li'azaru sa wi, magun Yeso, “Asere, nipomme naa mu ma wuna tiye tinaazi”.

⁴⁰Yeso magunme, “Magunan u inki wa hem udi iri ubari Asere”.