Yohana 11

1

2

3

4

5

6

7

8

9

10

11

12

13

14

15

16

17

18

19

20

21

¹U igun wa ba yo ni Lazaru, a lo'a hi indji u Baitanya, ni gbu ba Mariyamu ni vayi ma Marta.

²Mariyamu wa gban yen ni Bachi na se za ma ni futu ma, wa vayi Lazaru si lo'a.

³Imri vayi maba ton ba adu hi ni Yesu, andi, “Bachi, ya, indji wa'u son si to.”

⁴Wawo, na tre, “Lilo mba ni nji hi kwu na nitu gbere san rji ni ndu vren Rji ndu fe gbere san ni tu ma.”

⁵Yesu ni son Marta, ni vayi ma vren wa ni Lazaru.

⁶Wa a wo ndi Lazaru silo'a, na kri ti ivi hari ni bubu wa ahe.

⁷Ni kogon ki, wa hla, ni almajere ma, “Biri ki hi ni Yahudiya ngari.”

⁸U almajere ba hla niwu, “Mala, Yahudawa bari si wa ndi ba ta ni tita, u la ni son k'ma hi ni ki?

⁹Yesu tre niba, andi inton u kpan rji ana awa wulon don ha na? Indji wa a zren ni ri, ana kubu zana, ni wa asi to kpan u gbungbulu yi.

¹⁰Indji wa ni zren ni chu, ani kubu za nitu wa ikpan na he na.

¹¹A tre kpe biyi ni kogon biyi, a hla ni bawu, “Ikpan mbu Lazaru a si kru nna, mi si hi bubu shime lunde ni na.

¹²U almajere ba hla niwu, “Bachi, ani ta si kruna, e ani shime ni nna'a.”

¹³Yesu si tre ni tu kwu Lazaru u ba si nda asi tre nitu kruna u kusimu.

¹⁴U Yesu a mamla hla ni bawu ndi, “Lazaru kwu.

¹⁵Mi ngyiri ni tubi, niwa mina he na ni ndu kpanyeme. Biri ki hi niwu.”

¹⁶Toma, wa ba yo ndi vren u hlen hen, a hla ni mburualmajere ba ndu baba hi ngame na hi kwu ni Yesu.”

¹⁷Wa Yesu aye, u wa ye to Lazaru ati za'a ni be ye.

¹⁸Baitanya ahe whewhre ni Urushalima, avi zren fifie me ni tsutsu mba.

¹⁹Yahudawa gbugbuwu ba ye ni ye chiMaryamu mba Marta ni kwu Lazaru.

²⁰Wa Marta wo andi Yesu ni ye, na luhi ni ndu wawu hi same wu'a u Maryamu a son zu ni miko.

²¹Marta hla ni Yesu, “Bachi, una he nita ni lalon mu, vayi mu ana kwu na.”

²²Zizan me mi to ikpe wa u bre Rji ani no'u.”

²³Yesu hla niwu, vayi me ni ta shime.

²⁴U Marta hla niwu, “Mi to ani ta shime chachu klekle.”

²⁵Yesu hla niwu, “Ime yi mi ta shime u klekle, Ime yi mi re (iviri), indji wa a kpanyeme ni me, ani ta kwu, ani ta shime;

²⁶ni indji wa ahe ni re (iviri), na kpanyeme ni me, ana kwu na; u kpanyeme ni wa?”

²⁷U wa hla niwu, “E, Bachi, mi kpanyeme andi iwuyi u Almasihu, Vren Rji, iwa ani ye ni gbungbulu'a.

²⁸Ni wa a hla naki, na kma hi ni vayi ma Maryamu, na yo ti gigran, na hla, “Mala ye ri ye, na ni yo.”

²⁹Wa a wo naki, wa lunde gbagbla hi niwu.

³⁰Yesu na ri ni vi gbu'a rina, ahe ni bubu wa Iwa ka same ni wu'a.

³¹Ni Yahudawa wa ba he baba Maryamu biwa ba ye chi ba ni kwu'a, bato lu rju ni miko gbagbla me, u ba lu hu, ni ban andi a rju ni bubu yi ni nyu be.

³²Wa a ka ri ni bubu wa Yesu he'a na ka Joku niwu ni za ma, na hla, “Bachi, una he nita, vayimuy ana kwu na.”

³³Wa Yesu ato'u si yi, ni Yahudawa biwa ba hu'a, i wa kpere ni Ruhu na lo ni suron;

³⁴iwa tre, bika yo ni ntsen? “U ba hla niwu, “Bachi, ye to.”

³⁵Yesu yi.

³⁶U Yahudawa ba ba hla ndi, “toh yanda ani son Lazaru!”

³⁷Ba mba ba tre, “Wawu igu yi wa a ya no indji u fyen to bubu'a, ani na ya u gu hi bubu kwu na?

³⁸Yesu he ni mi si lo suron ni tu ma, na hi ni be'a. Ibe'a a he ni ko fron tita u ba ka he ni tita.

³⁹U Yesu tre, “Ban tita yi rju.” Marta vayi Lazaru wa a kwu a, a hla ni Yesu, “Bachi, zizan ikon kmo a gla ye niwa a ti ivi nzah ni kwu.

⁴⁰Yesu hla niwu, mina hla niwu ikpe wa u kpanyeme u to nikon u Rji'a na?

⁴¹U ba ban tita rju, Yesu zun shishi na tre, “Iti, mi ngyiri niwu niwa u wo me.”

⁴²Mi to wa u wo me ni ton wawu, nitu son yi wa gyen klan kagon mu yi mi tre wa, ni ndu ba kpanyeme andi ahi wuyi u ton me.”

⁴³Ni wa a tre kle, na tre gbame, Lazaru rju”

⁴⁴U ndji wa a kwu'a a lu rju, u za ma ni wo ma ba he ni lilo'o ni pri, shishima he ni kika ni gbanjan nklon. Yesu hla bawu, “Bika siwu, ndu hi.”

⁴⁵Gbugbuwu ni mi Yahudawa wa ba ye ni Maryamu ba to ikpe wa Yesu ti'a u ba kpanyeme niwu.

⁴⁶U bari ba kma hi naka hla ni Farisawa ikpe wa Yesu a ti'a.

⁴⁷U Firistoci bi nigon,'a ni Farisawa ba yo indji bi kpanchi'a shuti buburi, u ba tre, ageri kita?” igu yi ani ti gban bi babran.

⁴⁸Ki ta kadon naki, indji ba kpa'u nyeme, Romawa ba ye kpa bubu mbu, ni ndji mbu.

⁴⁹Naki, iri ni mi mba kayatas kena wa ndi ahi kikle Firist ni se kima, a hla bawu, “Bi na to kpe na.

⁵⁰Bi na mla ya a bi zan ni ndu indji riri kwu ni tu indji, ni wa indji wawu ba sutuna.”

⁵¹A hla ki, ana nitu ma kankrji ma na, ani tu iwa a hi kikle Firist, a to tsu ndi Yesu ni yi ni kwu ni tu ndji;

⁵²ana nitu indji kankrji na, anitu ndu ba shi imri Irji ti ni buburi biwa ba lu vra kagon.

⁵³Rji ni chachu ki na lu ni tsikpa bubu wa ndu ba wu Yesu.

⁵⁴Rji ni ki Yesu na la ni zren ni rira ni mi Yahudawa na. Wa ala kma hi ni kalan ri whiwhre ni miji ni gburi wa ba yo Ifraimu. Ni mu a son ni almajere ma.

⁵⁵Igan u ru gran (indji ketarewa) u Yahudawa a tewhre, gbugbu ba hi Urushalima rji ni klan meme'a hi ri ndu ivi idiri ni ndu ba kati tsatsra.

⁵⁶U lu ri wa Yesu, na ni tre ni kpa mba niwa ba kri ni ni hekeli andi, “Angye bi ki rhimre? Ana ye ni idin na?

⁵⁷Kikle Firist ni Farisawa ba yo du andi ko ni zen wa ba to Yesu ba ka ye hla ni ndu ba vu.