SAN JUAN 11:6-40

⁶tunga kionga kjintꞌe nga Lázaro tjiꞌme, tusa tsikꞌejña ngisa ngijó nixtjin ngaꞌnde ña tijña.

⁷ꞌBa jaskan jako xutare ꞌba kitsure: —Tjin ngaña nangi Judea.

⁸Tunga xutare kitsure: —Maestru, kje ndaꞌéni nga xuta judío kuamejénre kitsikꞌenkoniri ndiojo. ¿Ánñu mejénniri kꞌuin ngani ngajaan?

⁹ꞌBa Jesús kitsingojore: —¿A bi tejó hora tjinre nga jngu nixtjin? Xi nga nixtjin tsuꞌba, bi satengi, ngatꞌa tjibe= ndiꞌire ngasunꞌndebi.

¹⁰Tunga xi ngajñu tsuꞌba, kui= xi satengi ngatꞌa tsajainre ndiꞌijín.

¹¹Nga je ꞌba kitsu Jesús, kitsu ngisa: —Lázaro xi amiguna ña tikijñafe=, tunga kuitsikjaꞌa_ra̱.

¹²ꞌBa xutare kitsure: —Naꞌen, tsa tikijñafe, stju ngaꞌñu nganire.

¹³Nga ꞌba kitsu Jesús, ngatꞌare kjuabeyare Lázaro= kinchjani, tunga xutare kuankjin=re nga tu tikijñafe sani.

¹⁴Kui kjuañu Jesús yeꞌekixinire nijmi xutare ꞌba kitsure: —Je kaꞌme Lázaro.

¹⁵ꞌBa tsja mana̱ nga bi kio tejñaa̱, ngatꞌa ngisa= nda ngatꞌanu, tuxi ku̱akjainninu. Tunga tjichan.

¹⁶ꞌBa ꞌbatsaꞌen Tomás xi xuta ꞌñú ꞌmi kitsure xuta xi yakꞌa: —Tjian ko ña, tuxi kueyakoña ngayeje.

¹⁷ꞌBa kionga Jesús echu naxinanda Betania, kikꞌinre nga Lázaro je ñujun nixtjin tjinre nga kjijñaya tsju.

¹⁸Betania tijña tiñare naxinanda Jerusalén, jánru kilómetro tjinre.

¹⁹ꞌBa nkjin xuta judío jaꞌba je jaꞌekun Marta ko María nga jaꞌetsjare kjuaꞌñu kakun ngatꞌare ntsꞌe xi kꞌen.

²⁰ꞌBa kionga Marta kjintꞌe nga Jesús je ndibatiña, ꞌbatsaꞌen ꞌetju nga kikjaꞌaya ndiya, tunga María tsikꞌejña ngaya niꞌyo.

²¹ꞌBa Marta kitsure Jesús: —Naꞌen, tsa tojo ngaꞌera teni, biru kꞌen ntsꞌia̱.

²²Tunga ꞌbe=ña̱ ninga tsa ngandaꞌe xjaꞌa_ri tumeñu Naꞌenchana, sjaari.

²³ꞌBa Jesús kitsure: —Kjuaꞌaya= nganire ntsꞌé.

²⁴ꞌBa Marta kitsure: —ꞌBe=ña̱ nga kjuaꞌaya nganire kionga kjuetꞌa nixtjin nga kjuaꞌaya tsiꞌi nganire mikꞌen.

²⁵ꞌBa meni Jesús kitsure: —An= xi tsikjaꞌayare mikꞌen ꞌba an= xi tsjare kjuabenichun xuta. Xi ku̱akjainre ngatꞌana̱, ninga tsa je kꞌen, sꞌe̱= nganire kjuabenichun.

²⁶ꞌBa ngatsiꞌi xi tjindukun ꞌba makjainre ngatꞌana̱, bi kueyakjin. ¿A mankjainri mé= xi texinra̱?

²⁷ꞌBa Marta kitsure: —Jun, naꞌen. Makjainna̱ nga ji= xi Cristo, xi Kiꞌndire Naꞌenchana xi tjinnere nga kjuaꞌe ngasunꞌndebi.

²⁸Nga je ꞌbi kitsu, kikinchjatꞌaxinre María xi ndichja mani ꞌba kitsure: —Maestru je jaꞌe ꞌba tinchjari.

²⁹ꞌBa kionga María kjintꞌe enbi, taꞌa fani tsisetjen ꞌba kikun ña sejña Jesús,

³⁰ngatꞌa kje faꞌasꞌenjín Jesús ngajin naxinando. Tojo kio= sejña ña kisatejin Marta.

³¹ꞌBa kionga xuta judío xi tjinduko ngaya niꞌyo nga inyatsjare kjuaꞌñu kakun tsabe nga María ꞌbajndsu ꞌbajndsu tsisetjen ꞌba ꞌetju ngandetsian, kitjenngi, ngatꞌa kitsikjaꞌetsjen nga kikjiꞌnda ña tijña tsju.

³²ꞌBa kionga María echu ña sejña Jesús, tsakasenkunchꞌintꞌare ꞌba kitsure: —Naꞌen, tsa tojo ngaꞌera teni, biru kꞌen ntsꞌia̱.

³³ꞌBa kionga Jesús tsabe nga tikjiꞌnda María ꞌba nga inyakjiꞌnda xuta judío xi tjenko, on kuánre kakun ꞌba kuabare.

³⁴ꞌBa tsiningiyare: —¿Ñá=ñu kikjajño? ꞌBa xuta kitsu: —Ndechutsejen, naꞌen.

³⁵ꞌBa Jesús kiskiꞌnda.

³⁶ꞌBa xuta judío kitsure xinkjin: —Chutsijon. ¡Á tsaꞌen tjo kitsaꞌenni!

³⁷Tunga yakꞌa kitsu: —Kui xutabi xi kiskjexꞌangi tuxkun jngu xuta ka, ¿a tumé kuán kitsaꞌenchí tuxi bi kꞌenni Lázaro?

³⁸Nde ꞌnu on kuán nganire Jesús nga echu tsju xi jngu ngijo. ꞌBa ko jngu ndiojo tjichjakoni xuntjare.

³⁹ꞌBa Jesús kitsu: —Chjaꞌaxiun ndiojo. ꞌBa Marta, ndichja xuta xi kꞌen, kitsure: —Naꞌen, jeru chꞌo jen, ngatꞌa je ñujun nixtjin tjinre nga kꞌen.

⁴⁰ꞌBa Jesús kitsu nganire: —¿A bi ꞌba kixinra̱: tsa ku̱akjainri, xiani kjuajere Naꞌenchana?